Sam 121 - Nobonob Baibel

Yawe Nug ig eheɗ aomtanu atognoigtte

Sam imuam ahi laa Jerusalem tekkunu ugakka ettaknu.

¹ ⌊Yawenu mettid lag am Israel dilag qaukoppa daatte amunu,⌋ da qauko amu attan neegppi gokku. Appanu da ehanittak aottem.

² Yawe, ⌊Nug laug qaukoppa daatte ele,⌋ Nug da ehaniɗtte. Nugib hab, wan ele heum!

³ Yawe Nug na uuitteb, taataɗ ettan, nena ele ii qemana. Nugib na atognoitta, Nug ii niima.

⁴ Am genab, laa Nug Israel atognoadtte ele, Nug bahi ii yaatte. Nug ii niitte.

⁵ Yawe Nugib na atognoidtte. Yawe Nug na heqon naɗiap-ppa dayaya ehanitta, uug laa bemanu atognoidtte.

⁶ Amunppa aam neebeb, na guittak ii aomna. Tuqan kalam amahalebeb, amuppa ele na guittak ii aomna.

⁷ Yawe Nug heeb, uug, guittak keeke nahip-ppa ii beeb, Nug heeb, na bau daakkut.

⁸ Na laih wanan, appanu eɗun uɗippe, Yawe Nug na atognoidkku. Nug gemu, butti ele hanhan anamib hekku.