Sam 120 - Nobonob Baibel

Yawe danab ehanidkkunu unuqittak

Sam imuam ahi laa Jerusalem tekkunu ugakka ettaknu.

¹ Da uug nauppa dayeye, Yawe unuqidttem. Da unuqitti, Nug dahil unuqittak nob mette.

² O Yawe, na da ehaniɗna, danab ah hambuppuak nai mattinna, ag nai genab iitta atteb ele amu, na da ag eppelagppanu awiɗkkutnu oɗ medattem.

³ Aun aɗi ag nai hambubutteb ele amu, Yawe Nug ahilagppa aɗi hekku? Nug ag attem bu madakku?

⁴ Nug bu inam madakku. Lat aeg hawaɗ am ag yaaladppeg, ad brumnu aab ottag ewawa daatte ele amu, ottag amuam ag ewadkku.

⁵ Dahilnu am gadonnab gadon. Aɗinu? Da danab ah oolagppa daattem amu, ag am Mesek danab ah bia. Ao, danab ah imu, da ag ele daattem amu, ag am Kedar danab ah bia.

⁶ Ag maɗoɗ kobolnu amu, ag nau ninig ele dootteb. Ag amu dootteb amunu, da haen tutunab aakkuib ag oolagppa daalom, amge da iikku nakok haen elab ag oolagppa daaiyi uɗie, anambia ii daalom am enaib doottem.

⁷ Da maɗoɗ daagnignu aiyi, ag bannu aakkuib maditteb.