Sam 114 - Nobonob Baibel

Isip uua ukkaknu ahi laa

^1-2 Israel danab ah ag Isip uuppig dimppa, ge, Jakop buɗub ag laa dilag wan, amuam Isip, wan amuppan danab ag nai laa madippig amu, haen ag wan amuppanu ahan goppig dimppa, Kayak Nug he, nuhig mettid lag am Juda oolagppa dayom. Ao, Israel ag oh Nug waappa daaeg, Nug ag gumattom.

³ Le Kokoɗ nug uɗieg anatta, pahanab ib ha mattom! Jodan Lenu le ukkaknu ele uua, aben laippuppa qagmeum.

⁴ Qauko sipsip dawai oola tette, oola nette bia uɗalppig. Ao, qauko nakok ag sipsip nalkad oolna tetteb, oolna netteb bia uɗalppig.

⁵ Aɗi heum amunu Le Kokoɗ ag ippulagppan qe meum? Aɗi heum amunu Jodan le ukkak uua, ameg laippu dayom?

⁶ Aɗi heum amunu qauko sipsip dawai oola tette, oola nette bia uɗalppig? Aɗi heum amunu qauko nakok ag sipsip nalkad oolna tetteb, oolna netteb bia uɗalppig? ⌊Yawe Nug gukkuatta uɗiom amunu, keeke amu anam beppig!⌋

⁷ Yawe noobppa amu, wan uɗalaɗ! Ao, Jakopnu Kayak noobppa amu, wan uɗalaɗ!

⁸ Nug he, men eɗua le ameg dayom. Ao, Nug he, lenag ag men ɠagattagppanu neppig.