Sam 113 - Nobonob Baibel

Yawe Nug ena hettenu binag mak

¹ Ag Yawe binag meig! Ag Yawenu maɗi nid, ag Yawe binag meig! Ao, ag Yawe onig humeg!

² Ag gemu, hanhan ele Yawe binag meig!

³ Ag danab ah aam bedeppanu ukka, aam nodeppa ⌊amuam danab ah oh⌋ amu, ag Yawe binag meig!

⁴ Yawe Nug wanppan wan anen anen ohppan danab ah eɗadtte. Keeke hab attan tette amu, keeke amuam keeke okkai, amge Yawenu binag amahlak oppiaawak ele, amuam amu eɗittak daatte.

⁵ Yawe, Nug am ihinig Kayak, laa Nug bia laal ii daatte. Nug hab aabppa sia king nuhigppa daatte.

⁶ Yawe Nug anam daye, danab elabnab nug keeke wanppa daatte anidkkunu gomela, neekke ukke anidtte, Yawe Nug anam bia ha, Nug neekke, hab waappan keeke, wanppan keeke ele anidtte.

⁷ Nug neekke uɗie, Nug wanppan danab ah daɗek daatteb anatta, Nug ag ehanatte, ag gappudppa, nau ii daatteb. Ao, Nug ehanatte, ag eheɗ, aab uhuɗppa ii daatteb.

⁸ Yawe Nug amu haaha he, danab amu ag king buɗub oolagppa daatteb. Ao, Nug he, ag Yawenu danab dilag king bekkod oolagppa daatteb.

⁹ Nug he, ah mattoi nug nid menuattatta, ah amu nug gamag ahak okkai doya, nug nug laugppa aakku daatte. Ag Yawe binag meig!