Sam 110 - Nobonob Baibel

Yawe, amu king Nug tituanom ele dilah nai

Imuam Dawitnu sam.

¹ Yawe Nug dahil Naɗi amegppa inam atte. “Na da eppel naɗiap-ppa daappe ukkeb, da nahip kekeɗ na waatppa maadkkul,” awa aum.

² Yawe Nug heeb, na danab ah kuɗum Sionnu gumadppe, nahip gumak am ɠagattag daakku. Ao, na kekeɗ nahipad ag talilidna daatteb gumadkkut.

³ Deɗ na kekeɗ nahip eɗadkkutnu banelag gokkut amu, nahipad ban danab ag gamag ahak doon, dim lamidkkulag. Ao, nahipad ban danab ag nid bau kuɗum, ɠagattag ele, ag genab nahipnu tituanak daatteb amu, ag na dim lamidkkulagnu buttuanab ahan daaglag.

⁴ Yawe Nug nuhig nai ɠagattag qetta aum amu, Nug ii baolima. Nug aum. “Na am Melkisedek bia, mana mettak danab hanhannu daattem,” awa aum.

⁵ Naɗi Nug na atognoidkkunu eppen naɗiap-ppa hibaitta daatte. Nug bu mettaknu deɗppa, king kuɗum oh oɗoɗadkku.

⁶ Nug wanppan wan anen anen dilag danab ah epeɗiatta, bu matta heeb, kuɗumnab mauhkkulag. Nug ikki danab wan ohppanu aduduɗatteb nauhkkulag.

⁷ Yawe Nug dahil Naɗi ehanitteb, Nug le, lenag ib daugppanu lakku amunu, Nug ɠagattag ele daya, ban eɗidkku.