Sam 11 - Nobonob Baibel

Yawe Nug ehanigkkunu ooppa genab doyak

Imuam Dawitnu sam; Dawit nug danab kwaia gumattenu yom.

^1-3 Yawe Nug da padal mak eɗitteb ena dayaknu ehanittak daatte. Da nuhigppa ehanittak amu aottem. Anam amunu, aɗinu ag dahilnu inam atteb? “Antteg! Nau hak danab ag ahilkad lat omanadna, lat doɗo, lat oɗppa maadna pimaladnana, ag logoppanu lat doɗo eppeg, laa ag kobol tutukku hetteb ele dilagppa gokkunu daatteb. Laa amu, ena haknu diig oh na qeum daatte dayeb amu, genab tutukku hak aɗi ag aɗitai laa hekkulagnu elele iitta amunu, na bau ena daakkutnu, na oolna qaukoppa ukke!” ⌊Ag anam atteb amge aɗinu ag anam atteb?⌋

⁴ Yawe Nug nuhig mettid lag nuhignu tituanak daatte, Nug amuppa daatte. Ao, Yawe Nug hab attan sia king nuhigppa gumak haaha daatte. Nug keeke oh dabmetta autanab aotte. Nug wanppan danab ah ohnab epeɗiadtte.

⁵ Yawe Nug genab tutukku hak danab, nau hak danab ele oh epeɗiadtte. Ao, Nug laa ag lailkad guittak nau mauhnoak mattaknu oolag hette ele, Nug ahilagnu nau ninig ele dootte.

⁶ Am kalu laa huana eotte onig salpa ewawa, ad ewatte nauhtteb, amu ulah gakkaɗak iwala, ad bau he qaɗaiedatteb, amubia Yawe Nug geha nau hak danab bu madakku.

⁷ Aɗinu? Yawe Nug genab tutukku hak kobolib hette. Ao, Nug genab tutukku hak kobolnu oo mauhtte. Ge, aun aɗi ag kobol tutukku hetteb, ag geha Nug iɗu anidkkulag.