Sam 100 - Nobonob Baibel

Kayak binag maknu ahi laa

Ena heme anaknu sam laa.

¹ Ag wanppan danab ah, ag maɗoɗppan gamag ahak naɗi doon, ag Yawe binag mekkulagnu baalag okkaippa eig!

² Ag oolag gamag ahebeb, ag Nug noobppa dup nona binag meig! Ag Yawe toppa wanana, ag oo gamag ahak ahi etteg!

³ Ag imu doyeg! Yawe Nug am Kayak! Nug ig heikkom. Ig nuhikkud daattem. Ao, ig am nuhikkud danab ah daattem. Ig am nuhikkud sipsip bia daautut, Nug ig atognoikkakka dabmegatte.

⁴ Ag Yawenu mettid lag ooppa nonana, ag Nug amegppa, “Ena heme,” anana ag Nug laugnu aɗ taliliaknu od oɗeppa wanana, ag Nug binag meig! Ge, ag Nug amegppa, “Ena heme,” anana, ag Nug binag meig!

⁵ Aɗinu? Yawe Nug enaib dayaya, enaib ele hette. Nuhig oo mauhaknab kobol hanhan alet daatte. Ao, nuhig oo metta ii uuak kobol am haen oh, anamib daatte.