Revelesen 15 - Nobonob Baibel

Engel eblaih aɗit ele ag keeke nau danab uug okkai madatteb eblaih aɗit ele danab ah aqadkkulagnu uɗat gumappig

¹ Amu dimppa da epponak keeke okkai laa hab aabppa be anidmi. Da engel eblaih aɗit ele ag keeke nau danab uug okkai madatteb eblaih aɗit ele danab ah aqadkkulagnu gumatteb, da ag anadmi. Amuppa oppoɗi bak Kayak Nug danab dilag hipuninnu dootte amu, oppoɗi bak amu nug gogppa tette.

² Am da le ameg bia, nug am lettod aab aɗu ele kaboliak bia, anidmi. Amu danab ag doɗ dakkuɗ amu nug dottog ele noolagppa dup nona binalah ii menan, nug onignu leta ebqak ele amunu epponak keeke ii aoppig ele amu, ag le ameg amu daugppa hippaidppig. Ag eppelkadppa harp, Kayak ag mattom ele amu, ag amu ele aɗualadppig.

³ Ag anam daanna, ag Moses, Kayaknu maɗi nid, amu Sipsip Nag, Nug ele edapiɗ amu, ag amu ettanna inam appig. “O Naɗi Kayak Nakka Ɠagattag Oh Ele, nahip hak am onig, ɠagattag ele, danab antta nug enanag doya dabmak kuɗum aotte. Nahip ib am ib tutukku, genab ele. Na wannu king hanhannu.

⁴ O Naɗi, na aakkuib oppiaawak daattem amunu, aun laa ag nahipnu ebehi oh bodoetta le mak ii doon, na binan amahlak oppiaawak ele ii mekkulag? Atu atu danab oh uɗin, na noomppaib dup nona binan mekkulag. Nahip genab tutukku hak kobol am miag atia beum amunu, ag hekkulag,” aon appig.

⁵ Amu dimppa da neekke, amu Kayaknu mettid lag hab aabnu, amuam mettid haknu peh lag men maha aɗit ɗo nai yaak niitte ele appa daattep amu, lag amu matulak dayeye anidmi.

⁶ Matulak dayeye, engel eblaih aɗit ele ag keeke nau danab uug okkainab madatteb eblaih aɗit ele danab ah aqadkkulagnu uɗat gumatteb amu, ag linen lamen hakkabnab, oppiaawak ele, ag amu takkona, ag momolagppa matagiɗ kaala gol ele taliliak ele takkan, Kayaknu mettid lagnu dimittim doppig.

⁷ Doeg amu hab daup waɗele Kayaknu bauklel aotteb ele, ag oolagppanu laippu laa nug tappiɗ golppa hak ele eblaih aɗit ele engel eblaih aɗit ele amu mattom. Tappiɗ amuppa oppoɗi bak Kayak Nug danab dilag hipuninnu dootte tappiɗ eblaih aɗit ele amu, amuppa daatte. Oppoɗi bak amuam Kayak hanhan alet daatte, am nuhig oppoɗi bak aakku.

⁸ Matte, Kayak binag amahlak oppiaawak ele, amu Nug ebehi ele aa heeh, aab kah Kayaknu mettid lakka ambeum. Laippu laa nug lag ooppa nokkunu elele iitta. Ag engel eblaih aɗit amu amelag mebeppeg, ag heppeg, keeke nau eblaih aɗit ele amu malappeg, laa nokkulnu elele.