Nehemaia 11 - Nobonob Baibel

Israel buɗub ag eɗun uɗin, Jerusalem daappig

¹ Amu danab ah ag eɗun, Babilon wanppanu uɗin, Juda wanppa daaglagnu bena, ahilkad okkai ag Jerusalem, aab amuam Kayaknu tituanak daatte, ag appa tena daappig. ⌊Amge danab ah laa ag Jerusalemnu iitta, ag aab laala, ag mamelkad aɗi anukka amuppa daappig amu, ag aguppa daappig. Ag anam daana, danab ah elele Jerusalem appa daaglagnu⌋ ag Israel danab oolagppanu om ena yaakppa danab eblaih laih ele oolagppanu laippu nug Jerusalem, Kayak Nug aab okkai amu nuhig daakkunu tituanom amu, ag appa daakkunu anidna, danab eblaih laih ele amu oolagppan danab eblaih waɗele laa amu, ag eɗun aab laala, mamelkad aɗi daappigppa daaglagnu ele anidppig.

² Danab ah oh ag adeppa adeppa daaglagnu ib amuppa bappaidppig, amge danab laippu laippu ag akka ahan, om ena yee ippunittak iittappa mattin, “Uuppeg, ig aakku Jerusalem daagnig,” appig. Ag anam appig amunu, danab ah laa ag amu binalag madappig.

^3-4 Israel danab ah laa, mana mettak danab laala, Lewi buɗubppan mana mettak danab iitta laala, Kayaknu mettid lagnu maɗi nid laala, amu Solomonnu maɗi nid buɗub laala ele ag Judanu aab laalappa, ag anen anen ag laulkadppa, o ahilkad wanppa daappig. Amu Juda buɗub laala, Benyamin buɗub laala ele ag Jerusalem appa daappig. Aria, imuam Israelnu laala, ag prowins dilag okkai daan, Jerusalem appa daappig onilkad. Laa Judanu am inam: Usia bekka Ataia. Usia mameg am Sekaraia. Sekaraia mameg am Amaraia. Amaraia mameg am Sepatia. Sepatia mameg am Mahalalel. Mahalalel am Peres buɗub laa.

⁵ Laa amu Baruk bekka Masea. Baruk mameg am Kolhose. Kolhose mameg am Hasaia. Hasaia mameg am Adaia. Adaia mameg am Joairip. Joiarip mameg am Sekaraia. Sekaraia nug Sela buɗub laa.

⁶ Peres buɗub Jerusalem appa uɗin daappig amu, ag oh kalu mettak danab enanag, amu ahilag ebqak am 468.

⁷ Amu Benyamin buɗubnu laa am inam: Mesulam bekka Salu. Mesulam mameg am Joet. Joet mameg am Pedaia. Pedaia mameg am Kolaia. Kolaia mameg am Masea. Masea mameg am Itaiel. Itaiel mameg am Jesaia.

⁸ Salu ele tiig laippu aɗit laa onilah am Gabai, Salai ele. ⌊Benyamin buɗub oh Jerusalem daappig amu⌋ ahilag ebqak am 928.

⁹ Sikri bekka Joel nug aab Jerusalemnu gumak okkai daye, Hasenua bekka Juda nug Joel, nuhig qekkaɗak dayom.

¹⁰ Mana mettak danab ag uɗin, Jerusalem daappig am inam: laa am Joiarip bekka Jedaia, aria Jakin,

¹¹ Hilkaia bekka Seraia ele. Hilkaia mameg am Mesulam. Mesulam mameg am Sadok. Sadok mameg am Meraiot. Meraiot mameg amu Ahitup. Ahitup nug Kayak laugnu gumak okkai dayom.

¹² Danab amu, ag lailkad ele, ag oh Kayaknu mettid lakka uɗat heppig ele amu, ag ahilag ebqak am 822. Amu mana mettak danab laa uɗia dayom am Jeroham bekka Adaia. Jeroham mameg am Pelalia. Pelalia mameg am Amsi. Amsi mameg am Sekaraia. Sekaraia mameg am Pasur. Pasur mameg am Malkiya.

¹³ Adaia, nug laikkud ele, ag oh Kayaknu mettid lakka uɗat heppig, danab amu ag oh ahilkad baelkadppan danab okkai daappig amu, ag oh ahilag ebqak am 242. Mana mettak danab laa uɗia dayom am Asarel bekka Amasai. Asarel mameg am Asai. Asai mameg am Mesilemot. Mesilemot mameg am Imer.

¹⁴ Amasai, nug laikkud ele, ag oh Kayaknu mettid lakka uɗat heppig, danab amu ag oh daup danab ɠagattag daappig, amu ag oh ahilag ebqak am 128. Ahilag okkai anuqak am Hagedolim bekka Sabdiel.

¹⁵ Aria, Lewi buɗubppan mana mettak danab iitta, ag uɗin, Jerusalem daappig amu, ag am inam: laa am Hasup bekka Semaia. Semaia mameg am Asrikam. Asrikam mameg am Hasabia. Hasabia mameg am Buni.

¹⁶ Lewi buɗubppan mana mettak danab iitta, danab amu oolagppanu aɗit laa aa Jerusalem daapiɗ am Sabetai, Josabat ele. Aa am Lewi buɗubppan mana mettak danab iitta, aa amu dilag ikki aɗit, amu aa Kayak laugnu uɗat dimittim dayom, aa uɗat amu gumapiɗ.

¹⁷ Amu laa Jerusalem dayom am Mika bekka Matania. Matania nug danab ah ag Kayak amegppa, “Ena heme,” akkulagnu, ag Nug unuqidkkulagnu daaegeg, nug ag ehanattette heppig. Mika mameg am Sabdi. Sabdi mameg am Asap. Bakbukia, nug ele Jerusalem dayom amu, nug am Matanianu ehanittak. Aria, Lewi buɗubppan mana mettak danab iitta, danab amu oolagppan laa Jerusalem dayom am Samua bekka Abda. Samua mameg am Galal. Galal am Jedutun buɗub laa.

¹⁸ Lewi buɗubppan mana mettak danab iitta, ag eɗun aab okkai Kayaknu tituanak daatte, amuam Jerusalem, ag aguppa daappig, ag ahilag ebqak amu 284.

¹⁹ Aria, Lewi buɗubppan mana mettak danab iitta, ag Kayaknu mettid lagnu od gumappig, ag ele uɗin Jerusalem daappig, ag ahilag ebqak amu 172. Ag am Akup, Talmon ele, amu ahilti uɗat laippu ele.

²⁰ Amu oh am, ag Jerusalem daappig. Israel buɗub laa oh, mana mettak danab laa oh, Lewi buɗubppan mana mettak danab iitta, amu oolagppanu laa oh ele ag Judanu aab laalappa, ag mamelkad aɗi daadppigppa, ahilkad wanppa appa daappig.

²¹ Ag anam daappig, amge Kayaknu mettid lagnu maɗi nid ag am qauko nakok onig Opel, ag appa daappig. Siha, Gispa ele ag gumadpiɗ.

²² Lewi buɗubppan mana mettak danab iitta, ag Jerusalem daappig amu, ahilag okkai anuqak am Bani bekka Usi. Bani mameg am Hasabia. Hasabia mameg am Matania. Matania mameg Mika. Usi nug Asap buɗub laa. Asap buɗub ag hanhan Kayak laugppa ahiettak gumappig.

²³ Persia dilag king nug ag deɗ anen anen ag aɗi hekkulagnu ɗo meum amunu, ag amuib dim lamidppig.

²⁴ Amu Mesesabel bekka Petahia, nug Juda bekka Sera buɗub laa, nug king Juda danab ah dilagnu ulum nai mettak danab dayom.

²⁵ Amu Juda danab ah ag aab laalappa daappig ele, aab ag appa, ahilkad wan guguittak daappig ele am inam: Kiriat Arba, aab naunau aab amu talilidtteb ele, Dibon, aab naunau aab amu talilidtteb ele, Jekabsel, aab naunau aab amu talilidtteb ele.

²⁶ Aab laala am Jesua, Molada, Betpelet,

²⁷ Hasarsual, Berseba, aab naunau aab amu talilidtteb ele,

²⁸ Siklak, Mekona, aab naunau aab amu talilidtteb ele,

²⁹ Enrimon, Sora, Jarmut,

³⁰ Sanoa, Adulam ele, aab naunau aab aɗit amu taliliat-tteb ele, Lakis amu dad okkai Lakis talilidna daatteb ele, amu Aseka, aab naunau aab amu talilidtteb ele. Juda buɗub laa ag aab amuppa daappig. Aakku Juda danab ah ag Bersebanu ukke ukke, oolnu noak onig Hinom Bekkanu Oolnu Noak, appa batak daappig.

³¹ Amu Benyamin danab ah aab laalappa daappig ele amu, aab ag appa daappig ele am inam: Geba, Mikmas, Aiya, Betel, aab naunau aab amu talilidtteb ele,

³² Anatot, Nop, Anania,

³³ Hasor, Rama, Gitaim,

³⁴ Hadit, Seboim, Nebalat,

³⁵ Lot, Ono ele. Benyamin buɗub laa ag aab amuppa daan, ag oolagppa laa ag oolnu noak laa, danab appa daappig ag am danab uɗat laalanu doyak okkai ele amu, ag appa ele daappig.

³⁶ Amu Lewi buɗub laa oolagppanu obatak laala, ag ahilag aab keeke, am Juda wanppa daappig, amge ag wana, Benyamin wanppa daappig.