Namba 33 - Nobonob Baibel

Israel ag Isipnu ahan haen tutu dayaknu aab kalan daanna, ahan Moap goppignu kaya

^1-2 Haen Israel ag Isipnu ahan gona, ag goppig amu, huu anen anennu danab ah ag oh laippu ahilkad huuppa daaegeg, Moses, Aron ele aa omalatteheh goppig. Yawe Nug Moses anam hekkununab aum amunu, nug haen oh ag haen tutu dayaknu aab adeppa kalan daadppig amu, nug aben amu onilag yaalattom. Ag aab kaladna daappig, aben anen anen onilag am inam.

³ Israel danab ah ag Isip uun ahappig, maɗ amu, kalam digmakppa, deɗ 15, amuppa ag ahan, aab okkai onig Rameses uuppig. Deɗ amuam Pasowa digmak dimugppa. Yawe Nug ag atognoatta dabmadette, ag Ramesesnu ahan, baɗak iitta ele Isip danab uuadppig.

⁴ Ag Ramesesnu ahan ukkaegeg amu, Isip ag Yawe he, nid ⌊danab⌋ tatamnu ag ahilkad nid amu mauhegeg boumadnana daappig. Yawe he, nid ⌊danab⌋ tatamnu oh mauhadppig, amuppa Nug he, Nug Isip dilag kayak, amuam hambuppuak kayak Isip danab ah ippuanattom.

⁵ Israel danab ah ag Ramesesnu ahan gona, Sukot appa haen tutu dayaknu aab kalan daappig.

⁶ Ag Sukot dayon, appanu ahan gona, Etam appa haen tutu dayaknu aab kalan daappig. Etam nug atu taɗak daugppa dayom.

⁷ Ag Etam uun, ahan baelag aɗu mattan gona, Pihahirot goppig. Pihahirot am Balsepon laih kaɗag uɗitteppanu dayom. Ag appa gona, haen tutu dayaknu aab Mikdol guguittak kalan daappig.

⁸ Ag haen tutu dayaknu aab Pihahirot guguittak appa kalan daappig amu uun ahan, ag Le Kokoɗ appa goppig. Yawe Nug ahilag ib babaitte, ag nona, yu mataɗna gona, atu taɗakppa goppig. Ag gona, atu taɗak onig Etam, appa ag deɗ ewam anam oin oin, ag haen tutu dayaknu aab Mara appa kalan daappig.

⁹ Ag Mara uun, ahan Elim goppig. Elim appa amu le qeppuɗia bak 12, amu det pam 70 daaegeg, ag appa haen tutu dayaknu aab kalan daappig.

¹⁰ Am ag Elim uun, ahan gona, Le Kokoɗ ihippa haen tutu dayaknu aab kalan daappig.

¹¹ Ag Le Kokoɗ uun, ahan gona, Sinnu atu taɗakppa haen tutu dayaknu aab kalan daappig.

¹² Ag Sinnu atu taɗak uun, ahan gona, Dopka appa haen tutu dayaknu aab kalan daappig.

¹³ Ag Dopka uun, ahan gona, Alus appa haen tutu dayaknu aab kalan daappig.

¹⁴ Ag Alus uun, ahan gona, Repidim appa haen tutu dayaknu aab kalan daappig; appa amu, danab ah le aon lakkulagnu am iitta.

¹⁵ Ag Repidim uun, ahan gona, Sinai atu taɗakppa haen tutu dayaknu aab kalan daappig.

¹⁶ Ag atu taɗak Sinai uun, ahan gona, Kibrot Hatawa, appa haen tutu dayaknu aab kalan daappig.

¹⁷ Ag Kibrot Hatawa uun, ahan gona, Haserot appa haen tutu dayaknu aab kalan daappig.

¹⁸ Ag Haserot uun, ahan gona, Ritma appa haen tutu dayaknu aab kalan daappig.

¹⁹ Ag Ritma uun, ahan gona, Rimonperes appa haen tutu dayaknu aab kalan daappig.

²⁰ Ag Rimonperes uun, ahan gona, Lipna appa haen tutu dayaknu aab kalan daappig.

²¹ Ag Lipna uun, ahan gona, Risa appa haen tutu dayaknu aab kalan daappig.

²² Ag Risa uun, ahan gona, Kehelata appa haen tutu dayaknu aab kalan daappig.

²³ Ag Kehelata uun, ahan gona, qauko Seper appa haen tutu dayaknu aab kalan daappig.

²⁴ Ag qauko Seper uun, ahan gona, Harada appa haen tutu dayaknu aab kalan daappig.

²⁵ Ag Harada uun, ahan gona, Makhelot appa haen tutu dayaknu aab kalan daappig.

²⁶ Ag Makhelot uun, ahan gona, Tahat appa haen tutu dayaknu aab kalan daappig.

²⁷ Ag Tahat uun, ahan gona, Tera appa haen tutu dayaknu aab kalan daappig.

²⁸ Ag Tera uun, ahan gona, Mitka appa haen tutu dayaknu aab kalan daappig.

²⁹ Ag Mitka uun, ahan gona, Hasmona appa haen tutu dayaknu aab kalan daappig.

³⁰ Ag Hasmona uun, ahan gona, Moserot appa haen tutu dayaknu aab kalan daappig.

³¹ Ag Moserot uun, ahan gona, Bene Jakan appa haen tutu dayaknu aab kalan daappig.

³² Ag Bene Jakan uun, ahan gona, Hor Hagitgat appa haen tutu dayaknu aab kalan daappig.

³³ Ag Hor Hagitgat uun, ahan gona, Jotbata appa haen tutu dayaknu aab kalan daappig.

³⁴ Ag Jotbata uun, ahan gona, Abrona appa haen tutu dayaknu aab kalan daappig.

³⁵ Ag Abrona uun, ahan gona, Esiongeber appa haen tutu dayaknu aab kalan daappig.

³⁶ Ag Esiongeber uun, ahan gona, Kades, Sin Atu Taɗakppa, appa haen tutu dayaknu aab kalan daappig.

³⁷ Ag Kades uun, ahan gona, qauko Hor, Edom tomppa appa haen tutu dayaknu aab kalan daappig.

³⁸ Yawe Nug mana mettak danab Aron, nug qauko Hor tekkununab a, teum. Nug qauko amuppa mauhom. Deɗ nug mauhom, amuam Israel ag Isipnu ahan oiyegeg, maɗ 40 uue, maɗ amuppa kalam ebqak tanig ele, kalam amunu deɗ digmakppa mauhom.

³⁹ Aron nug maɗ 123 dayaya, nug qauko Hor appa mauhom.

⁴⁰ Ag qauko Hor appa daaegeg, Arat dilag king, Kanan ted, nug Israel uɗitteb amu doyom. Arat amu Kanan wannu laih onig Negeb, nug appa dayom.

⁴¹ Ag qauko Hor uun, ahan gona, Salmona appa haen tutu dayaknu aab kalan daappig.

⁴² Ag Salmona uun, ahan gona, Punon appa haen tutu dayaknu aab kalan daappig.

⁴³ Ag Punon uun, ahan gona, Obot appa haen tutu dayaknu aab kalan daappig.

⁴⁴ Ag Obot uun, ahan gona, Moap tomppa, Iye Abarim appa haen tutu dayaknu aab kalan daappig.

⁴⁵ Ag Iye Abarim uun, ahan gona, Dibon Gad appa haen tutu dayaknu aab kalan daappig.

⁴⁶ Ag Dibon Gad uun, ahan gona, Almon Diplataim appa haen tutu dayaknu aab kalan daappig.

⁴⁷ Ag Almon Diplataim uun, ahan gona, Nebo guguittak, Abarim qaukoppa daatte, appa haen tutu dayaknu aab kalan daappig.

⁴⁸ Ag Abarim qauko uuadna, ahan gona, Moap uɗemppa, Jodan le ihippa, laih, Jerikonu ukkakppa, ag appa haen tutu dayaknu aab kalan daappig.

⁴⁹ Ag Moap uɗemppa Jodan le guguittak haen tutu dayaknu aab kalan daappig amu, ag amuppa aab elab kalappig. Ag digmak Bet Jesimot appanu daaeg ukka, Abel Sitim waum.

⁵⁰ Moap uɗemppa, Jodan le ihippa, laih, Jerikonu ukkakppa amu, appa Yawe Nug Moses amegppa aum.

⁵¹ “Na Israel danab ah amelagppa nai imu appe doyeg!” ⌊Nug anam a amu, Moses nug Israel amelagppa inam aum.⌋ “Haen ag Jodan le mataɗna wana Kanan nona amu,

⁵² ag danab wan amuppa daatteb ele lamatteg! Ag ahilkad kayak hambuppuak dottolkad adppa hoyattak, ahilkad kayak brasppa, o aenppa eppelagppa hadappig ele amu, ag heppeg nauhppeg, ag kayak hambuppuak dilag mettid lag nakok oh ele loppaɗadna heppeg nauheg!

⁵³ Wan amu ahilag daakkunu mattami amunu, ag ahilag daakkunu, ag amuppa nona aona dayeg!

⁵⁴ Ag wan amu om ena yaakppa, aab ikki anen anen panin mattaglag. Ag aulag daakkunu aab ikki okkai anen anen amu, ag wan okkai mattaglag, aab ikki nakok anen anen amu, ag wan nakok mattaglag. Aɗi keeke ahilagppa watte amu, ahilag aakku daakku. Ag Israel ag ahilkad huu okkai ag tatam beppig daatteb amu, ag amu dabmenana paniatteg!

⁵⁵ Amge ag danab wan amuppa daatteb ele ii lamadppeg amu, danab amu ag geha qaun amelag yaatte, ag amubia ag oolagppa daaglag. Ao, ag geha danab nug qaun qetti yaatte, amubia ag oolagppa daaglag. Ag geha wan ag daaglag ele, amuppa daanna, uug mattaglag.

⁵⁶ Am imu ele bekku. Ag dahil ehanittakppa ag eɗadna, wan amuppa ii daamnanu ii hekkulag dayeb amu, da geha danab gemu wan amuppa daatteb, da ahilagppa aɗi hekkulnu maidmi ele, da ag Israel, da ahilagppa hekkul,” awa aum.