Namba 26 - Nobonob Baibel

Israel ebaqaknu ebqak tatam dimugppan hak

¹ Oɗe nau danab kuɗum aqe mauhtteb ele malom dimppa, Yawe Nug Moses, amu mana mettak danab Aron bekka Eleasar ele amelahppa aum.

² “Israel danab oh ag maɗ 20, o iitta maɗ 20 eɗittak, ag Israelnu daup daaglagnu elele amu, ag mamelkad onilkad appeg dooya, aa danab ebaqadttep ele, aa ag onilkad yeiɗ!” awa aum.

³ Yawe Nug anam amelahppa aum amunu, Moses, mana mettak danab Eleasar ele, Moap uɗemppa, Jodan le ihippa, laih, Jerikonu ukkakppa, appa aa Israel danab amelagppa apiɗ.

⁴ “Danab ag maɗ 20, o iitta maɗ 20 eɗittak amu ebaqeg!” aoya apiɗ. Amuam Yawe Nug Moses nug anam haknunab aum, amubia. Aria, imuam Israel danab ag Isip uun uɗippig.

^5-6 Laa imuam Ruben buɗub; Ruben nug Israelnu nid danab tatamnu. Aab ikki laa onig am Hanok. Ag anukkan memettalag onig Hanok. Aab ikki laa onig am Palu. Ag anukkan memettalag am Palu. Aab ikki laa onig am Hesron. Ag anukkan memettalag am Hesron. Aab ikki laa onig Karmi. Ag anukkan memettalag am Karmi.

⁷ Amuam aab ikki Ruben buɗubppanu. Danab ag ebaqappig amu, ahilag ebqak am 43,730.

⁸ Palu bekka amu Eliap,

⁹ amu Eliap nug bekkod am Nemuel, Datan amu Abiram ele. Datan, Abiram ele, aa am danab ah dilag okkai danab aɗit laa, aa Moses, Aron ele dilah nai tappaeh neum. Amu hepiɗ ele am danab aɗit imu, laa iitta. Aa, am kuɗum laa ele, ag Kora dim lamitteg, ag Yawenu nai tappaeg neum.

¹⁰ Wan oɗe obata, ag, am Koranu laa ele toppuatta ukkom. Danab laala Kora dim lamidppig ele, 250 ag bau daappig amu, aab ewatte mauhppig. Danab mauhppig amu, ag Israel laala, ag heppig bia hemananu, at daappig.

¹¹ Ahilagnu anam beum, amge Kora buɗub oh ii mauha malom, laa daappig.

^12-13 Imuam Simeon buɗubppan aab ikki onilkad. Aab ikki laa onig am Nemuel. Ag anukkan memettalag am Nemuel. Aab ikki laa onig am Jamin. Ag anukkan memettalag am Jamin. Aab ikki laa onig am Jakin. Ag anukkan memettalag am Jakin. Aab ikki laa onig am Sera. Ag anukkan memettalag am Sera. Aab ikki laa onig am Saul. Ag anukkan memettalag am Saul.

¹⁴ Amuam aab ikki Simeon buɗubppan. Danab ag ebaqappig amu, ahilag ebqak am 22,200.

^15-17 Imuam Gad buɗubppan aab ikki onilkad. Aab ikki laa onig am Sepon. Ag anukkan memettalag am Sepon. Aab ikki laa onig am Hagi. Ag anukkan memettalag am Hagi. Aab ikki laa onig am Suni. Ag anukkan memettalag am Suni. Aab ikki laa onig am Osni. Ag anukkan memettalag am Osni. Aab ikki laa onig am Eri. Ag anukkan memettalag am Eri. Aab ikki laa onig am Arot. Ag anukkan memettalag am Arot. Aab ikki laa onig am Areli. Ag anukkan memettalag am Areli.

¹⁸ Amuam aab ikki Gad buɗubppanu. Danab ag ebaqappig amu, ahilag ebqak am 40,500.

¹⁹ Er, Onan ele, aa am Juda bekoɗ, amge aa Kanan appa mauhpiɗ.

²⁰ Imuam Juda buɗubppan aab ikki onilkad. Aab ikki laa onig am Sela. Ag anukkan memettalag am Sela. Aab ikki laa onig am Peres. Ag anukkan memettalag am Peres. Aab ikki laa onig am Sera. Ag anukkan memettalag am Sera.

²¹ Imuam Peres buɗubppan aab ikki onilkad. Aab ikki laa onig am Hesron. Ag anukkan memettalag am Hesron. Aab ikki laa onig am Hamul. Ag anukkan memettalag am Hamul.

²² Amuam aab ikki Juda buɗubppanu. Danab ag ebaqappig amu, ahilag ebqak am 76,500.

^23-24 Imuam Isakar buɗubppan aab ikki onilkad. Aab ikki laa onig am Tola. Ag anukkan memettalag am Tola. Aab ikki laa onig am Pua. Ag anukkan memettalag am Pua. Aab ikki laa onig am Jasup. Ag anukkan memettalag am Jasup. Aab ikki laa onig am Simron. Ag anukkan memettalag am Simron.

²⁵ Amuam aab ikki Isakar buɗubppanu. Danab ag ebaqappig amu, ahilag ebqak am 64,300.

²⁶ Imuam Seblon buɗubppan aab ikki onilkad. Aab ikki laa onig am Sered. Ag anukkan memettalag am Sered. Aab ikki laa onig am Elon. Ag anukkan memettalag am Elon. Aab ikki laa onig am Jahlil. Ag anukkan memettalag am Jahlil.

²⁷ Amuam aab ikki Seblon buɗubppanu. Danab ag ebaqappig amu, ahilag ebqak am 60,500.

²⁸ Imuam Josep buɗubppan aab ikki onilkad. Josep buɗub am huu aɗit; Manase, Epraim ele. Huu aɗit amu oh, aa aab ikki ahilti ele.

²⁹ Imuam Manase buɗubppan aab ikki onilkad. Aab ikki laa onig am Makir. Ag anukkan memettalag am Makir. Makir nug am Gileat mameg. Aab ikki laa onig am Gileat. Ag anukkan memettalag am Gileat.

^30-32 Imuam Gileat buɗubppan aab ikki onilkad. Aab ikki laa onig am Ieser. Ag anukkan memettalag am Ieser. Aab ikki laa onig am Helek. Ag anukkan memettalag am Helek. Aab ikki laa onig am Asriel. Ag anukkan memettalag am Asriel. Aab ikki laa onig am Sekem. Ag anukkan memettalag am Sekem. Aab ikki laa onig am Semida. Ag anukkan memettalag am Semida. Aab ikki laa onig am Heper. Ag anukkan memettalag am Heper.

³³ Heper bekka Selopehad nug nid danab laa iitta: nug nid ahib. Ag onilag amu Malah, Noa, Hoglah, Milkah am Tirsah ele.

³⁴ Amuam aab ikki Manase buɗubppanu. Danab ag ebaqappig amu, ahilag ebqak am 52,700.

³⁵ Imuam Epraim buɗubppan aab ikki onilkad. Aab ikki laa onig am Sutela. Ag anukkan memettalag am Sutela. Aab ikki laa onig am Beker. Ag anukkan memettalag am Beker. Aab ikki laa onig am Tahan. Ag anukkan memettalag am Tahan.

³⁶ Imuam Sutela buɗubppan aab ikki onilkad. Aab ikki laa am onig Eran. Ag anukkan memettalag am Eran.

³⁷ Amuam aab ikki Epraim buɗubppanu. Danab ag ebaqappig amu, ahilag ebqak am 32,500. Amuam Josep buɗub, ahilag aab ikki dim lamittak aakku.

^38-39 Imuam Benyamin buɗubppan aab ikki onilkad. Aab ikki laa onig am Bela. Ag anukkan memettalag am Bela. Aab ikki laa onig am Asbel. Ag anukkan memettalag am Asbel. Aab ikki laa onig am Ahiram. Ag anukkan memettalag am Ahiram. Aab ikki laa onig am Sepupam. Ag anukkan memettalag am Sepupam. Aab ikki laa onig am Hupam. Ag anukkan memettalag am Hupam.

⁴⁰ Imuam Bela bekoɗ, Art, Naman ele, aa buɗultippan aab ikki onilkad. Aab ikki laa onig am Ard. Ag anukkan memettalag am Ard. Aab ikki laa onig am Naman. Ag anukkan memettalag am Naman.

⁴¹ Amuam aab ikki Benyamin buɗubppanu. Danab ag ebaqappig amu, ahilag ebqak am 45,600.

⁴² Imuam Dan buɗubppan aab ikki onig. Aab ikki laa onig am Suham. Ag anukkan memettalag am Suham. Amuam aab ikki laippu Dan buɗubppanu.

⁴³ Dan buɗub oh, ag ahilkad aab ikki anen anen am Suham aab ikkippanu doppig. Danab ag ebaqappig amu, ahilag ebqak am 64,400.

⁴⁴ Imuam Aser buɗubppan aab ikki onilkad. Aab ikki laa onig am Imna. Ag anukkan memettalag am Imna. Aab ikki laa onig am Iswi. Ag anukkan memettalag am Iswi. Aab ikki laa onig am Beria. Ag anukkan memettalag am Beria.

⁴⁵ Imuam Beria buɗubppan aab ikki onilkad. Aab ikki laa onig am Heber. Ag anukkan memettalag am Heber. Aab ikki laa onig am Malkiel. Ag anukkan memettalag am Malkiel.

⁴⁶ Aser nug am nid ahin laippu ele, nug onig Serah.

⁴⁷ Amuam aab ikki Aser buɗubppanu. Danab ag ebaqappig amu, ahilag ebqak am 53,400.

^48-49 Imuam Naptali buɗubppan aab ikki onilkad. Aab ikki laa onig am Jasil. Ag anukkan memettalag am Jasil. Aab ikki laa onig am Guni. Ag anukkan memettalag am Guni. Aab ikki laa onig am Jeser. Ag anukkan memettalag am Jeser. Aab ikki laa onig am Silem. Ag anukkan memettalag am Silem.

⁵⁰ Amuam aab ikki Naptali buɗubppanu. Danab ag ebaqappig amu, ahilag ebqak am 45,400.

⁵¹ Aria, Israel danab, ag maɗ 20, o iitta maɗ 20 eɗittak, ag ban hekkulagnu elele amu, ag oh ahilag ebaqak am 601,730 beum.

⁵² Amu Yawe Nug Moses amegppa aum.

⁵³ “Dimppa, Israel danab ag kekeɗ, wan ag gotteb eleppan eɗattona, danab nug wan otia madakku ele, nug huu anen anennu ebqak gane doya dabmaama, ahilagnu wan, ag aulag daakkunu, elele paniadkkuoitte.

⁵⁴ Nug huu okkai anen anen dilag amu, nug wan okkai, ag otia madakkuoitte, amge nug huu naunau anen anen dilagnu amu, nug wan nakok otia madakkuoitte. Nug huu, ahilag melemel anen anenppa elele elele otia madakku. Wan ag otieb aoglag amu, amuam ag aulag daakku.

⁵⁵ Nug wan paniadkkunu amu, dottogppa obateb neeb, maha 11 daappeg, nug om ena ya paniadkku. Israel dilag huu okkai anen anen, ag tatam beppig daatteb amu, ag wan maha atten aotteb amu, ag ahilag huu okkai onig aɗeg!

⁵⁶ Nug huu, danab ah kuɗum ele wan okkai matta, nug huu danab ah kuɗum iitta ele, am wan nakok madakkuoitte. Nug anam hekkunu amu, nug om ena ya paniadkku,” awa aum.

⁵⁷ Imuam Lewi buɗub, ag aab ikki anen anenppa ebqeppig ele amu, am nug buɗubppan aab ikki onilkad. Aab ikki laa onig am Gerson. Ag anukkan memettalag am Gerson. Aab ikki laa onig am Kohat. Ag anukkan memettalag am Kohat. Aab ikki laa onig am Merari. Ag anukkan memettalag am Merari.

⁵⁸ Imu ele am Lewi buɗubppa aab ikki laala onilkad: Lipni, Hebron, Mali, Musi am Kora ele. Kohat nug am Amram mamekkud aɗi oolagppan laa.

⁵⁹ Amram wau am Jokebet, Lewi buɗubppan ah, Lewi danab laa Isip appa nug menuom. Amram am nug gamu, amu nug Aron, Moses am aa apalah Miriam ele menuattom.

⁶⁰ Aron nug am Nadap, Abihu, Eleasar, Itamar ele, ag mamelag.

⁶¹ Nadap, Abihu ele aa kalu danab ile muttuɗig enanag bettenu mana mettak laa hepiɗ, amge aa aab laa, Yawe Nug aib aum ele, aa aab amu aoya, amuppa hepiɗ amunu, aa haen amuppa mauhpiɗ.

⁶² Amu Lewi nid danab, okkai mak ahilag kalam laippu awom, o iitta amu eɗittak ele, ebqak ahilag am 23,000. Ag ebaqappig am Israel laala ele dilag ebqak ele oh ii ebaqappig. Lewi buɗub ag am wan laa, ag aulag daakkunu ii mattak amunu, ag am Israel laa oh ele ouaqa ii ebaqak.

⁶³ Danab amu, Moses, am mana mettak danab Eleasar ele aa ebaqapiɗ. Israel ag Moap uɗem, Jodan ihippa, laih, Jerikonu ukkakppanu, appa daappig.

⁶⁴ Moses, amu mana mettak danab Aron ele, aa Israel danab ah ebaqak, Sinai atu taɗakppa appa hepiɗ, amge danab ah amu oh ag mauhadppig. Laippu laa bau ii dayom.

⁶⁵ Aɗinu? Yawe Nug Israel danab ah amelagppa, danab ah tatam ebaqak ele ag oh atu taɗakppa mauhkkulagnu aum ele amu, genab anam aakku beum. Laippu laa ii dayom, Jepune bekka Kalep, Nan bekka Josua ele, aa aakkuib aakku daapiɗ.