Josua 15 - Nobonob Baibel

Wan Josua nug Israel dilag huu okkai Juda mattom

¹ Aria, Josua nuhig ehanittak ele ag Israel dilag huu okkai Juda, ag baelkadppa ag om ena yaakppa wan madappig amu, wan amunu yau uɗitteppanu tom am Edom, amu atu taɗak onig Sin, tom amuppa batom.

² Aria, yau uɗitteppanu tom amuam Mauhak Leppa laih yau uɗitteppanu, yu noa batatteppa laa daatte amu, tom amu amuppa digma ukka,

³ qauko ikki oppoɗu noak onig Akrabimnu yau uɗitteppanu, laih amuppa ukka, Sin appa ukkom. Appanu amu ukka, Hesron waum. Amu Kades Barnea amu wan Josua nug Juda mattom, amu ooppa dayom. Hesron appanu amu, tom ukka, Adar waum. Adarnu amu, tom nakok talilitta ukka, Karka wana ukka,

⁴ Asmon waum. Appan amu tom nug ukka, Isip dilag leppa waum. Le amuppanu tom amuam aakku ukka, Mediterenia yuppa noum. Amuam Juda dilag yau uɗitteppanu tom aakku.

⁵ Juda dilag kaɗag uɗitteppanu tom am Mauhak Le ukka ukka, Jodan le baeg, amuppa batak. Amu Juda dilag tom yawalti uɗitteppanu am, Jodan le baegppa, Galili le amegppa le noa batatteppa, appanu amu, tom nug digma ukka,

⁶ Bethokla wana ukka, Betarabanu yawalti uɗitteppanu ukka, Bohannu menppa waum. Bohan amu Ruben bekka.

⁷ Bohannu menppanu amu, tom nug ukka, Akornu oolnu noakppa wana ukka, Debir wana, eɗua yawalti uɗitteppanu ugakka ukka, Gilgal waum. Gilgal am qauko ikki oppoɗu noak onig Adumim guguittak, am qauko amuam oolnu noak appa daatte heqo laih, yau uɗitteppanu daatte. Gilgalnu amu, tom ukka, Ensemes lenag wana ukka, Enrogel waum.

⁸ Aria, Judanu tom amu ukka, oolnu noak onig Hinom Bekkanu Oolnu Noak aiɗa ugakka wana, qauko Jebus danab daappigppanu yau uɗitteppanu ukkom. Jebus daappigppa, amuam Jerusalem aakku. Tom am anam ukka, Bethinom oolnu noaknu qaban uɗitteppanu, qauko laa daatte amu, am qauko amuppa ta ukka, oolnu noak onig Repaim batakppa, yawalti uɗitteppanu, appa ukkom.

⁹ Oolnu noak amu batakppa amu qauko laa appa ana, amunu tom am qauko amu igippa ta ukka noa, Neptoanu le nagppa wana, aab qauko Epron guguittak daappig, appanu waum. Appanu amu, eɗua ukka Bala, onig laa Kiriat Jearim appa waum.

¹⁰ Balanu amu, tom am qaban uɗitteppanu nakok talilitta ugakka ukka, Seir qaukoppa waum. Appanu tom amu nug ukka, qauko Jerim, onig laa Kesalon, appa, yawalti uɗitteppanu ugakka, Kesalon, appa waum. Aria, tom am qauko Jerimnu ukka, Betsemes wana, ukka Timna waum.

¹¹ Timnanu amu, tom ukka, qauko nakok laa aab Ekronnu, yawalti uɗitteppanu daatte, appa wana, appanu tom amuam talilitta, Sikeron wana, amu qauko Bala appa ukka, Japnel wana ukka, Mediterenia yuppa noum.

¹² Judanu tom laih qaban uɗitteppanu am Mediterenia yu ihi aiɗak ukkom. Wan tom amuam Israel dilag huu okkai Juda baekkudppa dilag dayom.

Wan Kalep mettak

¹³ Yawe Nug Josua amegppa Juda dilag wan laih laa Jepune bekka Kalep medakkununab aum. Nug anam aum amunu, Josua nug Kalep Aab Kiriat Arba amuam Hebron mettom. Arba am Anak alag anukkanu.

¹⁴ Kalep nug Anak danab ewam Hebronnu lamatta eɗattom; ag onilag am, Sesai, Ahiman, Talmai ele. Ag oh am Anak buɗub.

¹⁵ Ag lamatta eɗattowa, appanu Kalep nug danab ag Debir appa daappig, ag banelag ukkom. Anukka danab ag Debirnu, Kiriat Seper adappig.

¹⁶ Kalep nug anam haaha, nug aum. “Danab aun nug ban ha, Kiriat Seper eɗadkku amu, da nug geha da aɗel Aksa medappi, nug wau daakku,” awa aum.

¹⁷ Kalep nug anam aum amu, nug amag Kenas bekka Otniel nug aab amu eɗittom amunu, Kalep nug, nug aɗeg Aksa, Otniel wau daakkunu aakku nug mettom.

¹⁸ Aksa nug Otniel awowa, nug wan laa elenu mameg oɗ medakkunu oo heum amunu, nug mameg gumitta ukka, ahilag kobolppa mameg ena dookkunu nug nuhig donki attannu oola no, mameg Kalep oɗ mettom. “Da nahipnu aɗi hekkul?” awa aum.

¹⁹ Kalep nug anam oɗ metta a amu, nug aum. “Na keeke enanag laa ele meɗakkutnu ool daatte. Na Negeb appa wan meɗame amunu, na gemu dahilnu ii helom bia me, na ehaniɗna autna aona, na lenag ena ele meɗakutnu unuqidttem,” awa oɗ metta unuqittom. Nug anam hedakkunu unuqittom amunu, Kalep nug le qeppuɗia bak attan, honap ele oh mettom.

Aab laala, ag aulag daaglagnu Juda ag aoppig

²⁰ Wan ag aulag daakkunu Josua, nuhig ehanittak ele ag Israel dilag huu okkai Juda baekkudppa madappig amu, imuam wan amunu aab anen anen, ag aoppig.

²¹ Aab amu laala ag wan amuppa yau uɗitteppanu umanab ukkak daaegeg, Josua nuhig ehanittak ele ag Juda danab ah madappig. Aab amu ag Edomnu tom guguittak daappig. Aab amu onilag amu Kapsel, Eder, Jagur,

²² Kina, Dimona, Adada,

²³ Kedes, Hasor, Itnan,

²⁴ Sip, Telem, Bealot,

²⁵ Hasor Hadata, Keriot Hesron, onig laa Haso,

²⁶ Amam, Sema, Molada,

²⁷ Hasargada, Hesmon, Betpelet,

²⁸ Hasarsual, Berseba, Bisiotia,

²⁹ Bala, Im, Esem,

³⁰ Eltolat, Kesil, Horma,

³¹ Siklak, Matmana, Sanana,

³² Lebaot, Silhim, Ain, Rimon ele. Aab amu ebqak oh amu 29. Aab amu taliliattak aab naunau daappig amu, ag amu ele madappig.

³³ Aab laala Josua, nuhig ehanittak ele ag Juda madappig ele am qauko nakok qauko okkai diigppa daatteb, Kanan wan ooppa qaban uɗitteppanu dayom amu, aab amu aguppa daappig. Aab amuam, Estaol, Sora, Asna,

³⁴ Sanoa, Enganim, Tapua, Enam,

³⁵ Jarmut, Adulam, Soko, Aseka,

³⁶ Saraim, Aditaim, Gedera ele. Gedera onig laa am Gederotaim. Aab amu ebqak oh amu 14. Aab amu taliliattak aab naunau daappig amu, ag amu ele madappig.

³⁷ Josua, nuhig ehanittak ele ag aab laala ele Juda madappig. Aab amuam Senan, Hadasa, Mikdalgat,

³⁸ Dilean, Mispa, Joktel,

³⁹ Lakis, Boskat, Eklon,

⁴⁰ Kabon, Lamas, Kitlis,

⁴¹ Gederot, Betdagon, Namah, Makeda ele. Aab amu oh ebqak amu 16. Aab amu taliliattak aab naunau daappig amu, ag amu ele madappig.

⁴² Josua, nuhig ehanittak ele ag aab laala ele Juda madappig. Aab amuam, Lipna, Eter, Asan,

⁴³ Ipta, Asna, Nesip,

⁴⁴ Keila, Aksip, Maresa ele. Aab amu oh ebqak amu eblaih waɗele. Aab amu taliliattak aab naunau daappig amu, ag amu ele madappig.

⁴⁵ Josua, nuhig ehanittak ele ag Juda, aab Ekron, amu aab laala Ekron guguittak daappig ele Juda madappig. Aab amu taliliattak aab naunau daappig amu, ag amu ele madappig.

⁴⁶ Amu Ekronnu qaban uɗitteppanu Asdot aab, amu aab laala guguittak daappig, am aab naunau taliliadna daappig ele amu, ag amu ele Juda madappig.

⁴⁷ Ag anam Asdot, aab laala Asdot guguittak daappig, amu aab naunau taliliattak daappig Juda mattan, amu ag Gasa, aab laala Gasa guguittak daappig, am aab naunau taliliadna daappig ele, ag Juda madappig. Ag aab amu mattaeg, tom amuam le laa onig Isip Le, amuppa bate, am ukka Mediterenia yuppa batom.

⁴⁸ Josua, nuhig ehanittak ele ag aab wan qauko qauko eleppa daatteb amu, ag Juda madappig. Aab amuam, Samir, Jatir, Soko,

⁴⁹ Dana, Kiriat Sana, onig laa am Debir,

⁵⁰ Anap, Estemo, Anim,

⁵¹ Gosen, Holon, Gilo ele. Aab amu oh ebaqak am 11. Aab amu taliliattak aab naunau daappig amu, ag amu ele madappig.

⁵² Josua, nuhig ehanittak ele ag aab laala ele Juda madappig. Aab amuam Arap, Duma, Esan,

⁵³ Janim, Bet Tapua, Apeka,

⁵⁴ Humta, Kiriat Arba, onig laa Hebron, amu Sior ele. Aab amu oh ebaqak am eblaih waɗele. Aab amu taliliattak aab naunau daappig amu, ag amu ele madappig.

⁵⁵ Amu Josua, nuhig ehanittak ele ag aab laala ele Juda madappig. Aab amuam Maon, Karmel, Sip, Juta,

⁵⁶ Jesril, Jokdiem, Sanoa,

⁵⁷ Kain, Gibea, Timna ele. Aab amu oh ebaqak amu 10. Aab amu taliliattak aab naunau daappig amu, ag amu ele madappig.

⁵⁸ Josua, nuhig ehanittak ele ag aab laala ele Juda madappig. Aab amuam Halhul, Betsur, Gedor,

⁵⁹ Marat, Betanot, Eltekon. Aab amu oh ebqak am eblaih laippu ele. Aab amu taliliattak aab naunau daappig amu, ag amu ele madappig.

⁶⁰ Josua, nuhig ehanittak ele ag Kiriat Bal, onig laa am Kiriat Jearim, amu Raba ele Juda madappig. Aab amu oh ebqak am aɗit. Aab amu taliliattak aab naunau daappig amu, ag amu ele madappig.

⁶¹ Josua, nuhig ehanittak ele ag aab atu taɗakppa daappig ele Juda madappig. Aab amuam Betaraba, Midin, Sekaka,

⁶² Nibsan, aab okkai onig, “Yunu Aab,” amu Engedi ele. Aab amu oh am eblaih laippu ele. Aab amu taliliattak aab naunau daappig amu, ag amu ele madappig.

⁶³ Wan, aab ele amu aakku, Josua, nuhig ehanittak ele ag Israel dilag huu okkai Juda madappig. Amge Juda ag Jebus danab Jerusalem daappig ele amu, ag danab amu lamadkkulagnu elele iitta amunu, Jebus danab ag aguppa daaeg uɗie, gemu ⌊nai imu yaak haenppa⌋ ele, ag aguppa daatteb.