Genesis 5 - Nobonob Baibel

Adam buɗub

¹ Adam buɗubppan danab onilag bukppa yaappig am inam. Tatam Kayak Nug Adam heum amu, Nug Nug bia heum.

² Nug danab ah ele haata, Nug laa am danab, laa am ah haata itatowa, ahilahnu, “danab,” aum.

³ Amu Adam nug maɗ 130 dayeye, nug bekka nug bia doum. Do amu nug onig Set ataɗom.

⁴ Set doum dimppa amu, Adam maɗ 800 baula dayeye, nug bekkod aɗekkud laala ele, ag doppig.

⁵ Adam nug maɗ nuhig 930 daya amu, nug mauhom.

⁶ Set nug maɗ 105 dayeye, nug bekka onig Enos doum.

⁷ Enos doum dimppa amu, Set nug maɗ 807 baula dayeye, nug bekkod aɗekkud laala ele, ag doppig.

⁸ Set nug maɗ nuhig 912 daya amu, nug mauhom.

⁹ Enos nug maɗ 90 dayeye, nug bekka onig Kenan doum.

¹⁰ Kenan doum dimppa amu, Enos nug maɗ 815 baula dayeye, nug bekkod aɗekkud laala ele, ag doppig.

¹¹ Enos nug maɗ nuhig 905 daya, nug mauhom.

¹² Kenan nug maɗ 70 dayeye, nug bekka onig Mahalalel doum.

¹³ Mahalalel doum dimppa amu, Enos nug maɗ 840 baula dayeye, nug bekkod aɗekkud laala ele, ag doppig.

¹⁴ Kenan nug maɗ nuhig 910 daye, nug mauhom.

¹⁵ Mahalalel nug maɗ 65 dayeye, nug bekka onig Jaret doum.

¹⁶ Jaret doum dimppa amu, Mahalalel nug maɗ 830 baula dayeye, nug bekkod aɗekkud laala ele, ag doppig.

¹⁷ Mahalalel nug maɗ nuhig 895 daya, nug mauhom.

¹⁸ Jaret nug maɗ 162 dayeye, nug bekka onig Enok doum.

¹⁹ Enok doum dimppa amu, Jaret nug maɗ 800 baula dayeye, nug bekkod aɗekkud laala ele, ag doppig.

²⁰ Jaret nug maɗ nuhig 962 daye, nug mauhom.

²¹ Enok nug maɗ 65 dayeye, nug bekka onig Metusela doum.

²² Metusela doum dimppa amu, Enok nug maɗ 300 baula dayeye, Kayak ele oittapiɗ. Haen amuppa nug bekkod aɗekkud laala ele, ag doppig.

²³ Enok nug maɗ 365 dayeye,

²⁴ haen amuppa nug Kayak ele oiyya, Kayak Nug Enok awom amunu, nug wanppa baula ii dayom.

²⁵ Metusela nug maɗ 187 dayeye, nug bekka onig Lamek doum.

²⁶ Lamek doum dimppa amu, Metusela nug maɗ 782 baula dayeye, nug bekkod aɗekkud laala ele, ag doppig.

²⁷ Metusela nug maɗ nuhig 969 daye, nug mauhom.

²⁸ Lamek nug maɗ 182 dayeye, nug bekka doum ⌊am onig Noa⌋.

²⁹ Do amu Lamek nug aum. “Yawe Nug wan eheɗ laa awaknu anak waappa daakkunu meum amu, nid imu nug ig wanppa uɗat ihinignu ehanigkku,” amunu Lamek nug onig Noa ataɗom.

³⁰ Noa doum dimppa amu, Lamek nug maɗ 595 baula dayeye, nug bekkod aɗekkud laala ele, ag doppig.

³¹ Lamek nug maɗ nuhig 777 daya, nug mauhom.

³² Noa nug maɗ 500 daye, dimppa nuhikkud nid danab ewam onilag Sem, Ham, Japet ele, ag doppig.