Genesis 36 - Nobonob Baibel

Esau Seir ukkom

¹ Aria Esau, onig laa Edom, nug buɗub amu inam.

² Esau nug Kanan ah aɗit diiatom; aa onilah am Adah, Oholibama ele. Adah amu, nug Hit danab onig Elon aɗeg. Oholibama amu, nug mameg onig am Ana, amu nug alag am Hiwi danab onig Sibeon.

³ Nug Basemat, Ismael aɗeg ele awom. Basemat, Nebaiot ele aa eappinag.

⁴ Esau nug wauud ele oinna, Adah nug Elipas menuom. Basemat nug Reuel menuom, amu

⁵ Oholibama nug Jeus, Jalam, Kora ele menuattom. Esau wauud, ag Esau bekkod amu Kanan wanppa menuadppig.

⁶ Dimppa Esau nug wauud, nug nuhikkud nid naunau, nug laugppan laa oh ele, nug nuhikkud doɗ oh, amu nug enub laa oh ele Kanan wanppa diiom amu, nug amu oh diiatta, Jakop uuitta, nakok uma ukkom.

⁷ Aɗinu? Jakop, Esau ele amu, aa oh keeke, doɗ ele kuɗum amunu, aa wan laippuppa daaglahnu elele iitta.

⁸ Elele iitta amunu, Esau, onig laa Edom, nug aha ukka, wan laa onig Seir, aben qauko qauko ele, amuppa dayom.

Esau buɗub

⁹ Esau nug Edom danab alalag, amu nug Seir wan, laih qauko qauko ele, amuppa dayom. Nuhig oiyaknu nai am inam.

^10-14 Esau bekkod onilkad am Elipas, Reuel, Jeus, Jalam, Kora ele. Elipas anig am Esau wau onig Adah. Reuel anig am Esau wau onig Basemat. Jeus, Jalam, Kora ele amu, ag anilag am Esau wau onig Oholibama. Nug alag am Sibeon, amu nug mameg Ana. Aria, Elipas bekkod am Teman, Omar, Sepo, Gatam, Kenas ele. Esau bekka Elipas wau amge waunab iitta, nug onig Timna, nug nid danab onig Amalek menuom. Esau wau onig Adah nug alakkud am anam. Aria, Reuel bekkod am Nahat, Sera, Sama, Misa ele. Esau wau onig Basemat, nug alakkud am aakku.

¹⁵ Esau alakkud ag aab ikki anen anen mamelkad daappig ele amu, ag onilkad am inam. Esau bekka naanaeg Elipas, nug bekkod, ag aab ikki anen anen mamelkad daappig ele, ag onilag am Teman, Omar, Sepo, Kenas,

¹⁶ Kora, Gatam, Amalek ele. Danab amu ag Edom wanppa Elipas buɗub aab ikki mamelkad daappig. Ag am Adah alakkud.

¹⁷ Aria, Esau bekka Reuel, nug bekkod ag aab ikki anen anen mamelkad daappig ele, ag onilag am, Nahat, Sera, Sama, Misa ele. Danab amu ag Edom wanppa Reul buɗub aab ikki mamelkad daappig. Ag alalag amu Esau wau Basemat.

¹⁸ Amu Esau wau Oholibama, Ana aɗeg, nug bekkod ag aab ikki anen anen mamelkad daappig ele, ag onilag am, Jeus, Jalam, Kora ele. Danab amu ag Edom wanppa Esau wau Oholibama buɗub aab ikki mamelkad daappig. Oholibama am Ana aɗeg.

¹⁹ Amuam Esau, onig laa Edom, nug alakkud onilag. Ag aab ikki anen anen mamelkad daappig.

²⁰ Hor danab onig Seir, nug wan atu amuppa dayom amu, nug bekkod am Lotan, Sobal, Sibeon, Ana,

²¹ Dison, Eser, Disan ele. Seir bekkod amu ag Edom wanppa daanna, ag Hor danab dilag aab ikki anen anen mamelkad daappig.

²² Lotan bekoɗ am Hori, Homam ele. Lotan appinag am Timna.

²³ Sobal bekkod am Alwan, Manahat, Ebal, Sepo, Onam ele.

²⁴ Sibeon bekoɗ am Aia, Ana ele. Ana amu, nug deɗ laa nug mamegnu donki gumattatta, nug atu taɗakppa le gakkaɗak qeppuɗia beebe anttom.

²⁵ Ananu nid am Dison, Oholibama ele. Oholibama amu nid ah.

²⁶ Dison bekkod am Hemdan, Esban, Itran, Keran ele.

²⁷ Eser bekkod am Bilhan, Sawan, Akan ele.

²⁸ Disan bekoɗ am Us, Aran ele.

²⁹ Hor dilag aab ikki anen anen mamelkad daappig onilag am Lotan, Sobal, Sibeon, Ana,

³⁰ Dison, Eser, Disan ele. Ag wan ahilag piɗe piɗe, Seir wanppa appa Hor danab dilag aab ikki mamelkad daappig.

Edom dilag king

³¹ King ag Edom dilag king bena daaeg ukke, dimppa Israel ag king aoppig. King amuam inam.

³² Tatam Beor bekka Bela, nug Edom dilag king dayom. Nuhig aab okkai am Dinhaba.

³³ Bela mauhe, Sera bekka Jobab nug abenabppa king ba dayom. Nug Bosra ted.

³⁴ Jobab mauhe, Husam nug abenabppa king ba dayom. Nug Teman wanppan danab.

³⁵ Husam mauhe, Bedat bekka Hadat nug abenabppa king ba dayom. Hadat nug Midian ban danab Moap wanppa appa banppa eɗattom. Nuhig aab okkai am Awit.

³⁶ Hadat mauhe, Samla nug abenabppa king ba dayom. Nug Masreka ted.

³⁷ Samla mauhe, Saul nug abenabppa king ba dayom. Nug am Rehobot ted. Rehobot am le daugppa daatte.

³⁸ Saul mauhe, Akbor bekka Balhanan, nug Saul abenabppa king ba dayom.

³⁹ Akbor bekka Balhanan mauhe, Hadat nug abenabppa king ba dayom. Nuhig aab okkai am Pau. Hadat wau am Mehetabel. Mehetabel nug am Matret aɗeg, Matret nug am Mesahap aɗeg.

^40-43 Esau buɗub ag aab ikki anen anen mamelkad daappig amu, ag onilkad am Timna, Alwa, Jetet, Oholibama, Ela, Pinon, Kenas, Teman, Mipsar, Makdiel, Iram ele. Amu aab ikki anen anen ag wan atu adeppa daappig amu, aab ikki amu onig am wan amuppa ele ataɗak dayom.