Genesis 10 - Nobonob Baibel

Noa buɗub

¹ Le hiɗ dimppa Noa bekkod Sem, Ham, Japet ele ag ele nid menuadppig, amu ag buɗulkad am inam.

² Japet bekkod am Gomer, Magog, Madai, Jawan, Tubal, Mesek, Tiras ele.

³ Gomer bekkod am Askenas, Ripat, Togarma ele.

⁴ Jawan bekkod am Elisa, Tarsis, Kitim, Rodanim ele.

⁵ Amu danab ah amu, ag buɗulkad ag Mediterenia yu ihippa, nudppa ele daappig; ag am Japet buɗub aakku. Amu ag baelkadppa anen anen ele ag appatna, kuɗum bena, oppatna wanppan wan laalappa daanna, ag nailag piɗe piɗe mattinna, aab ikki anen anenppa daappig.

⁶ Ham bekkod am Kus, Misraim, Put, Kanan ele.

⁷ Kus bekkod am Seba, Hawila, Sapta, Rama, Sapteka ele. Rama bekoɗ am Seba, Dedan ele.

⁸ Kus buɗub laa am Nimrot. Nimrot nug ban hak danab ɠagattag ele.

⁹ Keeke laa amu, nug Yawe noobppa hikan danab okkai dayom amunu, haen amu dimppa ag danab laippu laippu dilag inam adappig. “Nug amu, nug Yawe noobppa hikan danab okkai, Nimrot bia,” aon adappig.

¹⁰ Nimrot nug Sinar wan gumom. Wan amuppan aab okkai anuqak waɗele onilag am Babilon, Erek, Akat, Kalne ele.

¹¹ Amu Nimrot nug Sinar wanppanu aha ukka, Asiria wan ⌊ele gumakkunu ban ha awa,⌋ nug appa aab okkai laala kalattom. Ag onilkad am Niniwe, Rehobotir, Kala,

¹² Resen ele. Resen amu, am aab okkainab onig ele; am Niniwe, Kala ele gamalahppa dayom.

¹³ Misraim buɗub ag am Lud danab, Anam danab, Lehap danab, Naptu danab,

¹⁴ Patrus danab, Kaslu danab, Kapto danab ele; Kaslu buɗub am Pilistia danab.

¹⁵ Kanan bekka naanaeg am Saidon. Saidon nug buɗub amu, ag am Saidon danab. Aria, Kanan buɗub laa, ag am Hit danab,

¹⁶ Jebus danab, Amo danab, Girgas danab,

¹⁷ Hiwi danab, Ark danab, Sin danab,

¹⁸ Arwat danab, Semar danab, Hamat danab ele. Dimppa aab ikki amu oh, ag am Kanan danab amu, ag wan laala aon daanna,

¹⁹ ahilag wan tom gigin amu Saidon aabppa digma ukka ukka, Gasa, Gerar guguittak, amuppa bata, eɗua ukka Sodom, Gomora ele wana eɗua, Atma, Seboim ele ukka amu, Lasa aabppa batom.

²⁰ Ham buɗub ag akka akka ahilag nai ele, ahilag wan, amu ahilag aab ikki ele anam daadttappig.

²¹ Sem, nug Japet awag amu, nug buɗub am Eber danab.

²² Sem bekkod am Elam, Asur, Arpaksat, Lud, Aram ele.

²³ Aram bekkod am Us, Hul, Geter, Mesek ele.

²⁴ Arpaksat bekka am Sela. Sela bekka am Eber.

²⁵ Eber nug bekoɗ aɗit, laa onig Pelek, amu laa onig Joktan. Peleknu haenppa danab ah ag oppatna, aben aben daadppig amunu, nug onig Pelek.

²⁶ Joktan bekkod am Almodat, Selep, Hasarmawet, Jera,

²⁷ Hadoram, Usal, Dikla,

²⁸ Obal, Abimael, Seba,

²⁹ Opir, Hawila, Jobab ele. Amu oh am Joktan bekkod.

³⁰ Ag daadppig, wan atu amuam Mesa appa digma ukka ukka, Separ batak. Separ am aben qauko qauko ele kaɗag uɗitteppanu daatte, am appa dayom.

³¹ Danab amu ag Sem buɗub. Ag ahilag aab ikki wan anen anenppa daadppig; amu ag nailag piɗe piɗe.

³² Nai amuam Noa bekkod buɗulkad, amu ahilag aab ikki ikki ele, amu ahilag wan aben aben ele ippunigtte. Aria, le hiɗ dimppa amu, danab oh Noa bekkodppa bena wanppa daanna, oidttappig.