1 Stori 7 - Nobonob Baibel

Isakar buɗub

¹ Isakar bekkod am Tola, Pua, Jasup, Simron ele. Ahilag ebqak am waɗele.

² Tola bekkod am Usi, Repaia, Jeriel, Jahmai, Ibsam, Samuel ele. Danab amu ag baelkadppa dilag ikki daappig. Ag, amu ag buɗub ele ag daaeg ukke ukke, Dawit nug king dayom haenppa Tola buɗub onilkad bukppa yaappig, yaak amuppa nug buɗub oolagppanu ban danab daappig amu, ahilag ebqak am 22,600.

³ Usi bekka am Israhia. Israhia bekkod am Maikel, Obadaia, Joel, Isia ele. Danab tanig ele amu oh, ag am danab okkai.

⁴ Usi buɗub onilkad bukppa yaappig, yaak amuppa nug buɗub oolagppanu danab ag ban hekkulagnu babaittak daappig amu, ahilag ebqak am 36,000. Ag ah, nid ele kuɗum amunu, ag ahilag ebqak am okkai dayom.

⁵ Usi buɗub lailkad, ag Isakar buɗubppan laa amu, ag aab ikki anen anen daappig. Aria, ag Isakar buɗub oh onilkad bukppa yaappig, yaak amuppa ban danab Isakar aab ikki ohppanu daappig amu, ahilag ebqak am 87,000.

Benyamin buɗub

⁶ Benyamin bekkod am Bela, Beker, Jediael ele. Ahilag ebqak am ewam.

⁷ Bela bekkod am Esbon, Usi, Usiel, Jerimot, Iri ele. Danab amu ag, ag baelkadppa dilag ikki daappig. Ahilag ebqak am tanig ele. Ag Bela buɗub onilkad bukppa yaappig, yaak amuppa nug buɗub oolagppanu ban danab daappig amu, ahilag ebqak am 22,034.

⁸ Beker bekkod am Semira, Joas, Elieser, Elioenai, Omri, Jeremot, Abaiya, Anatot, Alemet ele. Amu oh am Beker bekkod.

⁹ Ag Beker buɗub onilkad bukppa yaappig, yaak amuppa nug buɗub oolagppanu, ag baelkadppa dilag ikki daappig, ban danab daappig ele amu, ahilag ebqak am 20,200.

¹⁰ Jediael bekka am Bilhan. Bilhan bekkod Jeus, Benyamin, Ehud, Kenana, Setan, Tarsis, Ahisahar ele.

¹¹ Jediael buɗub amu oh ag baelkadppan dilag ikki danab daappig. Ag Jedaieal buɗub onilkad bukppa yaappig, yaak amuppa nug buɗub oolagppanu ban danab daappig amu, ahilag ebqak am 17,200. Ban danab amu oh ag gona, ban hekkulagnu babaittak daappig.

¹² Ir buɗub am Sup danab, Hup danab ele. Aher buɗub am Hus danab.

Naptali buɗub

¹³ Naptali bekkod am Jahsiel, Guni, Jeser, Salum ele. Naptali anig am Bilha.

Manase buɗub

¹⁴ Manase buɗub am inam. Manase wau amge waunab iitta am Aram ah. Manase, ah amu ele aa bekkalti am Asriel, Gileat mameg Makir ele.

¹⁵ Makirnu ah nug am Hup danab, Sup danab ele oolagppanu. Makir appinag am Makah. Amu Makir buɗub laa am Selopehad. Selopehad nug nid ahib, nid danab iitta.

¹⁶ Aria, Makir wau Makah nug nid danab ahilah menua, nug onig Peres ataɗom. Peres amag Seres bekoɗ am Ulam, Rekem ele.

¹⁷ Ulam bekka am Bedan. Amu oh am Gileat buɗub. Gileat nug am Makir bekka. Makir nug am Manase bekka.

¹⁸ Gileat appinag am Hamoleket. Hamoleket nug bekkod am Ishot, Abieser, Malah ele.

¹⁹ ⌊Semida nug Manase buɗub laa,⌋ nug bekkod am Ahian, Sekem, Likhi, Aniam ele.

Epraim buɗub

²⁰ Epraim buɗub am inam. Epraim bekka am Sutela. Sutela bekka am Beret. Beret bekka am Tahat. Tahat bekka am Eleada. Eleada bekka am Tahat.

²¹ Tahat bekka am Sabat. Sabat bekka am Sutela. Epraim bekoɗ aɗit laa am Eser, Eleat ele. Amge nid aɗit amu aa ahaya goya, Gatnu danab, anilkad wan amuppa menuadppig amu, aa amu dilag doɗ aoglahnu gopiɗ amunu, Gat danab ag ahan, aqatteg mauhpiɗ.

²² Gat danab ag nid aɗit amu aqatteg mauheh, mamelah Epraim nug haen elab mahiatete, nug laikkud tiig laippu ele ag ehanidppeppeg, oo mekkunu uɗieg, nug ele daappig.

²³ Amu dimppa Epraim nug wau ele oiya, wau nug oo ele daya, nid danab menuom. Epraim nug uug nau nug baegppan dilag beum dabmeum amunu, nug nid amu onig Beria ataɗom.

²⁴ Nug aɗeg am Serah. Ah amu nug Bethoron attan, Bethoron honap, amu Usensera ele kalom.

²⁵ Nug bekka am Repa. Repa bekka am Resep. Resep bekka am Tela. Tela bekka am Tahan.

²⁶ Tahan bekka am Ladan. Ladan bekka am Amihut. Amihut bekka am Elisama.

²⁷ Elisama bekka am Nan. Nan bekka am Josua.

²⁸ Epraim buɗub ag Kanan wanppa, wan aab ele inam aon daappig. Ag aab onig Betel, aab naunau aab am talilidna daatteb ele aon, appanu kaɗag uɗitteppanu Naran batak aon, Betelnu qaban uɗitteppanu ag Geser, aab naunau Geser talilidna daatteb ele aon, ag Sekem, aab naunau Sekem talilidna daatteb ele aon gona gona, Aiya, aab naunau Aiya talilidna daatteb batak ele aon daappig.

²⁹ Manase buɗub dilag wannu tomppa amu aab Betsan, Tanak, Megido, am Dor ele daappig. Aab amu, aab naunau aab amu taliliadna daatteb ele amu, aab amu oh am Manase wanppa daappig. Am Israel bekka Josep buɗub ag aab amu oh aon daan oippig.

Aser buɗub

³⁰ Aser bekkod am Imna, Iswa, Iswi, Beria ele. Ag appinalag am Serah.

³¹ Beria bekoɗ am Heber, Malkiel ele. Malkiel bekka am Birsait.

³² Heber bekkod am Japlet, Somer, Hotam ele. Ag appinlag am Sua.

³³ Japlet bekkod am Pasak, Bimhal, Aswat ele. Ag am Japlet bekkod.

³⁴ Somer bekkod am Ahi, Roga, Jehuba, Aram ele.

³⁵ Japlet amag Helem bekkod am Sopa, Imna, Seles, Amal ele.

³⁶ Sopa bekkod am Sua, Harneper, Sual, Beri, Imra,

³⁷ Beser, Hod, Sama, Silsa, Itran, Bera ele.

³⁸ Jeter bekkod am Jepune, Pispa, Ara ele.

³⁹ Ula bekkod am Ara, Haniel, Risia ele.

⁴⁰ Amu oh am Aser buɗub aakku. Danab amu ag baelkadppa dilag ikki daappig. Ag danab ena. Ban hak haenppa ag oolagppa ɠagattag doon, ban heppig. Ag am ikki danab, onilag ele. Ag Aser buɗub onilag bukppa yaappig, yaak amuppa nug buɗub oolagppanu ban danab ban hekkulagnu babaittak daappig amu, ahilag ebqak am 26,000.