1 Stori 6 - Nobonob Baibel

Lewi buɗub

¹ Lewi bekkod am Gerson, Kohat, Merari ele.

² Kohat bekkod am Amram, Ishar, Hebron am Usiel ele.

³ Amram bekoɗ am Aron, Moses ele. Nug aɗeg am Miriam. Aron bekkod am Nadap, Abihu, Eleasar, Itamar ele.

⁴ Eleasar bekka am Pinias. Pinias bekka am Abisua.

⁵ Abisua bekka am Buki. Buki bekka am Usi.

⁶ Usi bekka am Serahia. Serahia bekka am Meraiot.

⁷ Meraiot bekka am Amaraia. Amaraia bekka am Ahitup.

⁸ Ahitup bekka am Sadok. Sadok bekka am Ahimas.

⁹ Ahimas bekka am Asaria. Asaria bekka am Johanan.

¹⁰ Johanan bekka am Asaria. Amu haen Solomon nug Jerusalem appa Yawenu mettid lag buuom, haen amuppa Asaria amu, nug mana mettak danab dayom.

¹¹ Asaria bekka am Amaraia. Amaraia bekka am Ahitup.

¹² Ahitup bekka am Sadok. Sadok bekka am Salum.

¹³ Salum bekka am Hilkaia. Hilkaia bekka am Asaria.

¹⁴ Asaria bekka am Seraia. Seraia bekka am Jehosadak.

¹⁵ Amu Yawe he, Nebukatnesar nug Juda danab ah, laa Jerusalemnu, laa Juda wanppa laih laihnu amu, nug ag diia, Babilon wanppa ukke, appa ag diia ukka laih me dayak danab ah daappig, haen amuppa nug Jehosadak ele awa ukkom.

¹⁶ Lewi bekkod am Gerson, Kohat, Merari ele.

¹⁷ Gerson bekoɗ am Lipni, Simei ele.

¹⁸ Kohat bekkod am Amram, Ishar, Hebron, Usiel ele.

¹⁹ Merari bekoɗ am Mali, Musi ele. Aria, imu Lewi buɗubnu aab ikki anen anen, ag mamelkad aɗi onilag iikku.

²⁰ Gersonnu amu, nug bekka Lipni. Lipni bekka am Jahat. Jahat bekka am Sima.

²¹ Sima bekka am Joa. Joa bekka am Ido. Ido bekka am Sera. Sera bekka am Jeaterai.

²² Imuam Kohat buɗub. Nug bekka am Aminadap. Aminadap bekka am Kora. Kora bekka am Asir.

²³ Asir bekka am Elkana. Elkana bekka am Ebiasap. Ebiasap bekka am Asir.

²⁴ Asir bekka am Tahat. Tahat bekka am Uriel. Uriel bekka am Usia. Usia bekka am Saul.

²⁵ Imuam Elkana buɗub. Nug bekoɗ am Amasai, Ahimot ele.

²⁶ Ahimot bekka am Elkana. Elkana bekka am Sopai. Sopai bekka am Nahat.

²⁷ Nahat bekka am Eliap. Eliap bekka am Jeroham. Jeroham bekka am Elkana. Elkana bekka am Samuel.

²⁸ Samuel bekka naanaeg am Joel. Joel dimugppan am Abaiya.

²⁹ Imuam Merari buɗub. Nug bekka am Mali. Mali bekka am Lipni. Lipni bekka am Simei. Simei bekka am Usa.

³⁰ Usa bekka am Simea. Simea bekka am Hagia. Hagia bekka am Asaia.

Lewi buɗub ag Yawenu mettid lag, amuppa ahiettak uɗat gumappig

³¹ Amu Dawit, Israel dilag king, nug Tituanak Nainu Kunup awa uɗia, Yawenu mettid haknu peh lagppa me daye, amu dimppa nug Lewi buɗub laa, ag mettid haknu peh lag amuppa ahiettak gumaglagnu tituanatte daappig.

³² Danab amu ag uɗat amu digmena heppig amu, haen amuppa, mettid haknu peh lag danab ah appa qagmetteb ele, lag amu dayom. Ag lag amunu haɗap-ppa daanna, ahiettakppa danab ah Kayaknu ehanittak madappig. Ag amuppa heegeg ukke ukke, Solomon nug Yawenu mettid lag Jerusalem appa ha male, ag Yawenu mettid haknu peh lagppa uɗat amu uun, Yawenu mettid lag, amuppa heppig. Ɗo atten atten ag uɗat amu hekkulagnu dayom amu, ag ɗo amu dim lamidna heppig.

³³ Danab uɗat amu heppig, ag bekkalkad ele am iikku. Kohat buɗubnu am Heman. Nug am musik digdig hak danab. Nug am Joel bekka. Joel am Samuel bekka.

³⁴ Samuel am Elkana bekka. Elkana am Jeroham bekka. Jeroham am Eliel bekka. Eliel am Toa bekka.

³⁵ Toa am Sup bekka. Sup am Elkana bekka. Elkana am Mahat bekka. Mahat am Amasai bekka.

³⁶ Amasai am Elkana bekka. Elkana am Joel bekka. Joel am Asaria bekka. Asaria am Sepanaia bekka.

³⁷ Sepanaia am Tahat bekka. Tahat am Asir bekka. Asir am Ebiasap bekka. Ebiasap am Kora bekka.

³⁸ Kora am Ishar bekka. Isa am Kohat bekka. Kohat am Lewi bekka. Lewi am Israel bekka.

³⁹ Amuam Heman tiig ukkak aakku. Nuhig ehanittak okkai laa, nug eppeg naɗiap-ppa dayom amu, nug am Asap. Asap am Berekia bekka. Berekia am Simea bekka.

⁴⁰ Simea am Maikel bekka. Maikel am Baseia bekka. Baseia am Malkiya bekka.

⁴¹ Malkiya am Etni bekka. Etni am Sera bekka. Sera am Adaia bekka.

⁴² Adaia am Etan bekka. Etan am Sima bekka. Sima am Simei bekka.

⁴³ Simei am Jahat bekka. Jahat am Gerson bekka. Gerson am Lewi bekka.

⁴⁴ Merari buɗub Etan nug am Heman, Asap ele dilah ehanittak aakku. Nug Heman eppeg nanehppa dayom. Etan am Kisi bekka. Kisi am Abdi bekka. Abdi am Maluk bekka.

⁴⁵ Maluk am Hasabia bekka. Hasabia am Amasaia bekka. Amasaia am Hilkaia bekka.

⁴⁶ Hilkaia am Amsi bekka. Amsi am Bani bekka. Bani am Semer bekka.

⁴⁷ Semer am Mali bekka. Mali am Musi bekka. Musi am Merari bekka. Merari am Lewi bekka.

⁴⁸ Am danab amu ag ahi guman daaegeg, ag lailkad Lewi buɗubppan mana mettak danab iitta, ag mettid haknu peh lag, am Kayak laug aakku, ag amuppa uɗat laala ahilag anen anen heppig.

⁴⁹ Danab amu ag ehanittak uɗat gumanna heppig, amge Aron, nug buɗub ele ag akka, ag Yawenu mettid lag, amuppa manaknu ofa haknu qaɗabppa doɗ manan, Kayak mettanna, ag kalu muttuɗig enanag ileb baknu qaɗabppa kalu amu manan, Kayak medappig. Ag aɗi uɗat laa ele aben Kayaknunab tituanak daatte eleppa hekkulagnu dayom amu, ag amu ele heppig. Aron, nug buɗub ele ag mana mettak amuppa, ag heeg, Israel danab eheɗ haknu nob nau doɗ tiigppa iitta mekkunu elele mettom. Ag heppig ele amu, ag Kayak Nug Moses, nuhig maɗi nid, Nug aɗi aɗi ɗo mette, Moses nug haknunab anak amu Aron, nug buɗub ele ippuanattom ele amu, ag Moses oɗe amu oh dim lamidnana, uɗat amu heppig.

⁵⁰ Amu Aron buɗub am inam. Aron bekka am Eleasar. Eleasar bekka am Pinias. Pinias bekka am Abisua.

⁵¹ Abisua bekka am Buki. Buki bekka am Usi. Usi bekka am Serahia.

⁵² Seraia bekka am Meraiot. Meraiot bekka am Amaraia. Amaraia bekka am Ahitup.

⁵³ Ahitup bekka am Sadok. Sadok bekka am Ahimas.

Kayak aum bia Israel ag aab kuɗum Lewi buɗub madappig

⁵⁴ Nai imuam Aron buɗub ag Israel wanppa, aab adeppa adeppa daappignu nai. Danab ag aab paniak uɗat heppig ele amu, ag aab ikki atten aab tatam aoglag dooglagnu om ena yaan, Kohat aab ikki aoglagnu anidppig amunu, ag ahilag aab paniatteg, aab imuam aab ikki Kohat dilag daappig.

⁵⁵ Amu Israel ag aab ikki Kohat am aab Hebron, Israel dilag huu okkai Juda wanppanu, gikkiɗah dad okkai aab amu taliliattak daatteb ele madappig.

⁵⁶ Amge keeke eppaknu dad okkai, aab naunau aab okkai Hebron taliliadna daatteb amu, Josua aɗi ag Jepune bekka Kalep medappig.

⁵⁷ Israel ag aab amu aab ikki Kohat madappig amunu, Aron buɗub ag ahilag aab laa am Hebron. Hebron am ii doyaya laa qe mauhomnu ehanittak aab okkai aakku. Aria, aab laala Kohat buɗub ⌊Israel dilag huu okkai Juda, Simeon ele wanppanu⌋ aoppig am Lipna, Jatir, Estemoa,

⁵⁸ Hilen, Debir,

⁵⁹ Asan, Juta, Betsemes ele. Ag aab amu, gikkiɗah dad okkai amu talilittak daatteb ele aoppig.

⁶⁰ Israel danab ag Kohat buɗub ⌊Juda, Simeon ele wanppanu⌋ aab amu mattaeg, ag Israel dilag huu okkai Benyamin wanppanu aab imu madappig: Gibeon, Geba, Alemet, Anatot ele. Aab amu oh am gikkiɗah dad okkai aab am talilittak daatteb ele madappig. Aria, Israel ag aab ikki Kohat danab Juda, Simeon, Benyamin ele wanppanu aab madappig amu, aab amu ebqak am 13.

⁶¹ Israel ag aab amu Israel dilag huu okkai Juda, Simeon, Benyaminnu ele Kohat buɗub amu mattaeg, ag Kohat buɗub laa ele om ena yaan, aab madappig. Ag aab amu Israel dilag huu okkai Manase mahaib, ⌊ahilag wan Jodan leppanu qaban uɗitteppa daatte amu,⌋ ag aab Manasenu wan amuppanu Kohat buɗub laa amu madappig.

⁶² Aab ikki Kohat ag aab amu aoeg, Gerson buɗubnu aab ikki anen anen, Israel ag aab 13 ag madappig. Aab 13 amuam Israel dilag huu okkai Isakar, Aser, Naptali, amu Manase mahaib ele, ahilag wan am Jodan leppanu kaɗag uɗitteppanu Basan wanppa daatte ele, amu dilag wanppa ag madappig.

⁶³ Gerson buɗubnu aab ikki anen anen aab aoeg, Merari buɗubnu aab ikki anen anen amu, Israel ag om ena yaan, aab 12 madappig. Aab 12 amuam Israel dilag huu okkai Ruben, Gad, Seblon dilag wanppanu madappig.

⁶⁴ Anam amunu, Israel ag Lewi buɗub aab, am gikkiɗah dad okkai aab amu taliliattak daatteb ele madappig.

⁶⁵ Israel ag aab ikki Kohat aab laala Israel dilag huu okkai Juda, Simeon, Benyamin dilag wanppanu om ena yaan madappig amu, aab amu onilag am matu yaak daatteb.

⁶⁶ Amge Lewi buɗubnu aab ikki Kohatnu laa amu, Israel ag ahilag aab laala Israel dilag huu okkai Epraim wanppanu madappig.

⁶⁷ Aab amu laa am Sekem. Sekem am ii doyaya laa qe mauhomnu ehanittak aab okkai, Epraim wanppa, qauko qauko daattebppa daatte. Aria, Lewi buɗubnu aab ikki Kohatnu amu, ag aab laala ele Israel dilag huu okkai Epraim wanppanu aoppig, amuam Geser,

⁶⁸ Jokmeam, Bethoron,

⁶⁹ Aiyalon, Gatrimon ele. Aab ikki Kohatnu danab ag aab amu, gikkiɗah dad okkai aab amu taliliattak daatteb ele Israel dilag huu okkai Epraim wanppanu aoppig.

⁷⁰ Aria, Kohat aab ikki laa ag Israel dilag huu okkai Manase mahaib, ahilag wanppanu ag aab aoppig. Israel ag wan amuppanu aab Aner, Bileam ele, gikkiɗah dad okkai aab aɗit amu taliliatak daatteb ele madappig.

⁷¹ Aria, Gerson buɗub ag ele aab laala aoppig. Ag aab Israel dilag huu okkai Manase mahaib wanppanu aoppig am: Golan, Astarot ele. Ag aab aɗit amu, gikkiɗah dad okkai aab amu taliliatak daappig ele aoppig. Aab aɗit amu Basan appa daapiɗ.

⁷² Ag aab amu aona, ag Israel dilag huu okkai Isakar wanppanu aab Kedes, Daberat,

⁷³ Ramot, Anem ele aoppig. Ag aab amu, gikkiɗah dad okkai aab taliliattak daatteb ele aoppig.

⁷⁴ Ag aab amu aona, ag Israel dilag huu okkai Aser wanppanu aab Masal, Abdon,

⁷⁵ Hukok, Rehop ele aoppig. Ag aab amu, gikkiɗah dad okkai aab amu taliliattak daatteb ele aoppig.

⁷⁶ Ag aab amu aona, ag Israel dilag huu okkai Naptali wanppanu Galilinu aab Kedes, Hamon, Kiriataim ele aoppig. Ag aab amu, gikkiɗah dad okkai aab amu taliliattak daatteb ele aoppig.

⁷⁷ Geson buɗub ag aab amu aoeg, Merari buɗub, ag Lewi buɗub laa aakku, ag ele aab aoppig. Ag Israel dilag huu okkai Seblon wanppanu ag aab imu aoppig: Jokneam, Karta, Rimono, Tabor ele. Ag aab amu gikkiɗah dad okkai aab amu taliliattak daatteb ele aoppig.

⁷⁸ Ag aab amu aona, ag Israel dilag huu okkai Ruben wan, Jodan le heqo laih, Jeriko elenu kaɗag uɗitteppanu daatte, ag appanu atu taɗakppa ag Beser ele aoppig. Aab laala ele appanu aoppig am Jaser,

⁷⁹ Kedemot, Mepat ele. Ag aab amu, gikkiɗah dad okkai aab amu taliliattak daatteb ele aoppig.

⁸⁰ Ag aab amu aona, ag Israel dilag huu okkai Gad wanppanu Ramot, Gileat wanppa daatte, Mahanaim,

⁸¹ Hesbon, Jaser ele aoppig. Ag aab amu, gikkiɗah dad okkai aab amu taliliattak daatteb ele aoppig.