1 Stori 4 - Nobonob Baibel

Juda buɗub laa

¹ Juda buɗub am Peres, Hesron, Karmi, Hur, Sobal ele.

² Sobal bekka am Reaia. Reaia bekka am Jahat. Jahat bekoɗ am Ahumai, Lahat ele. Danab amu oh ag aab ikki Sora, ag amunu danab.

³ Etam bekkod am Jesril, Isma, Idbas ele. Ag appinlag am Haselelponi.

⁴ Penuel bekka am Gedor. Eser bekka am Husa. Amuam Hur, Epratah bekka, nid naanaeg, aab Betlehem kalom amu, nug buɗub aakku.

⁵ Asur, nug aab Tekoa kalom amu, nug ah aɗit ele, Hela, Nara ele.

⁶ Asur, Nara ele bekkalti am Ahusam, Heper, Temeni, Hahastari ele. Amuam Narah buɗub.

⁷ Aria, Asur, Hela ele bekkalti am Seret, Sohar, Etnan,

⁸ Kos ele. Kos bekoɗ aɗit am Anup, Hasobeba ele. Nug bekoɗ amu aakku. Nug aa mamelah dayaya, nug am Harum bekka Aharhel buɗub, nug aab ikki amu mamelag ele dayom.

⁹ Amu danab laa, nug onig Jabes. Nug oiyaya, binag okkai ele awom; nug binag am awakkud amakkud binalag eɗittak. Nug anig nug menuom haenppa nug guittak doya, Jabesnu, “Da guittak okkai doyeye, menumi,” aum amunu, nug onig Jabes ataɗom.

¹⁰ Jabes nug Israel dilag Kayak unuqitta, inam aum. “O Kayak, na da itittak ena meɗan heppe, dahil wan am okkai daakkunu, da guittak ii doopanu, da na eppenppa daappi, na ehaniɗppe, uug laa dahilppa ii bemanu unuqidttem,” awa unuqittom. Jabes nug anam unuqitte, Kayak Nug Jabes unuqittom bia nuhigppa heum.

¹¹ Suha amag Kelub bekka am Mehir. Mehir bekka am Eston.

¹² Eston bekkod am Betrapa, Pasea, Tehina ele. Tehina nug Ir Nahas mameg. Danab amu, ag baelkadppa ele, ag am Reka danab.

¹³ Kenas bekoɗ am Otniel, Seraia ele. Otniel bekoɗ am Hatat, Meonotai ele.

¹⁴ Meonotai bekka am Opra. Seraia bekka am Joap. Joap nug danab ag oolnu noak onig Danab Uɗat Laala Haknu Doyak Okkai Ele, ag amuppa daatteb amu, nug ag mamelag. Oolnu noak amunu onig anam daattenu diig am, danab uɗat laala haknu doyak okkai ele, ag appa ana daatteb. Joap buɗub ag anam henana, oolnu noak amuppa daappig amunu, laa ag onig amu ataɗppig.

¹⁵ Jepune bekka Kalep bekkod am, Iru, Ela, am Nam ele. Ela bekka am Kenas.

¹⁶ Jehalelel bekkod am Sip, Sipa, Tiria, Asarel ele.

^17-18 Esra bekkod am Jeter, Meret, Eper, Jalon ele. Meret nug Isip dilag king laa aɗeg onig Bitia awom. Aa aɗelah laa onig Miriam, aa bekkalti am Samai, Isba ele. Isba nug aab onig Estemoa kalom. Meret nug Juda ah laa ele awom. Nug ah amu ele aa bekkalti am, Jeret, Heber, Jekutiel ele. Jeret nug aab Gedor kalom. Heber nug aab Soko kalom. Jekutiel nug aab Sanoa kalom.

¹⁹ Amu danab laa onig Hodia, nug wau am Naham appinag. Aa bekkalah laa am Keila, laa am Estemoa. Keila nug Gerem danab mamelag, Estemoa nug Maka danab mamelag.

²⁰ Simon bekkod Amnon, Rina, Benhanan, Tilon ele. Isi bekoɗ aɗit am Sohet, Bensohet ele.

^21-22 Aria, Juda bekka Sela buɗub am Er, nug aab Leka kalom, Lada, nug aab Maresa kalom, danab ag Betasbea appa aab ikki anen anen daan, linen lamen akkak hetteb ele, aria Jokim, aab Koseba danab, Joas, Sarap ele. Joas, Sarap ele aa Moap ah diiatya, Betlehem guguittak uɗiya, appa daapiɗ. Anam, amu kaya amuam anukkanu uɗiak.

²³ ⌊Joas, Sarap buɗulti ele⌋ ag waa keeke hak danab; ag Netaim, Gedera ele daanna, uɗat amu kingnu heppig.

Simeon buɗub

²⁴ Simeon buɗub am Nemuel, Jamin, Jarib, Sera, Saul ele.

²⁵ Saul bekka am Salum. Salum bekka am Mipsam. Mipsam bekka am Misma.

²⁶ Misma buɗub am, nug bekka Hamuel. Hamuel bekka am Sakur. Sakur bekka am Simei.

²⁷ Simei nug bekkod 16, aɗekkud am eblaih laippu ele, amge Simei awakkud amakkud ag nug bia nid kuɗum ele iitta amunu, Israel dilag huu okkai Simeonnu ebqak am okkainab iitta; Juda danab ah bia iitta.

²⁸ Simei buɗub ag aab kuɗumppa daappig. Aab amuam Berseba, Molada, Hasarsual,

²⁹ Bilha, Esem, Tolad.

³⁰ Betuel, Horma, Siklak,

³¹ Bet Markabot, Hasarsusim, Betbiri, Saraim ele. Ag aab amuppa daaegeg uɗie, Dawit nug king abennabppa ta dayom batak.

³² Aab naunau tanig ele aab amu guguittak daappig am Etam, Ain, Rimon, Token, Asan ele.

³³ Aab laala ele nakok uma daappig am daaeg ukka ukka, aab Balat batak daappig. Simei buɗub ag aben amuppa daappig. Ag amuppa daanna, ag ahilag kaya, aun am aun mameg, aun okkai dayom, keeke amubia amu, ag anam anam yaappig.

³⁴ ⌊Danab amunu aab ikki dilag okkai am⌋ Meshobab, Jamlek, Amasaia bekka Josa,

³⁵ Joel, Josibia bekka Jehu, nug alag am Seraia, dokkiab am Aisel,

³⁶ amu Elioenai, Jakopa, Jesohaia, Asaia, Adiel, Jesimiel, Benaia,

³⁷ Sipi bekka Sisa ele. Sisa alag am Alon, dokkiab am Jedaia, memetab am Simri. Simri mameg am Semaia.

³⁸ Danab onilag amu, ag ahilkad aab ikki dilag okkai daappig. Huu amu, ag huanaknab appatna oippig.

³⁹ Ag huanak appatna oinna, ahilkad doɗ gikkiɗah lakkulagnu mattinna, ag gona, oolnu noak aab Gedor daatteppa gona, oolnu noakppanu aben kaɗag uɗitteppanu daatte, ag gona aakku batak madippig.

⁴⁰ Aben amuppa ag gikkiɗah enanag anidna, wan ele okkai anidppig. Wan amuam manin, maɗoɗ ele dayom; oqotti okkai ele ii dayom. Aɗinu? Simeon danab ag gona, wan amu anidppig, haen amuppa Ham buɗub laala ag aguppa daappig.

⁴¹ Simeon danab ag wan amu anidna, Juda dilag king Hesekaia dayom haenppa danab ag onilag listappa daatteb ag ahan, Ham danab amu aqaglagnu banelag gona, Ham danab amu, Meun danab ele daappig, ahilag lag keeke ag heeg nauheg, gemu ⌊nai imu yaak haenppa⌋ ele, am anam daatte; am anttaknu elele. Simeon ag keeke heeg nauhegeg, ag heeg, ⌊danab ah appa daappig amu, ag⌋ Yawenuib nuhig pelemppa daappig. Simeon amu hena malona, ahilkad doɗ dilag gikkiɗah huanak ele amunu, ag aguppa daappig.

⁴² Aria, Simeon danab onilag Pelatia, Nearia, Repaia, Usiel, ag am Isi bekkod, ag ahan, Simeon danab 500 diieg gona, ag Seir wanppa qauko qauko daattebppa gona, danab appa daappig ele ban heppig.

⁴³ Ag gona, ban hena, ag Amalek danab banppanu oolna, ena daappig ele oh aqaeg mauhppig. Ag aqan malona, ag aguppa digmena daaeg uɗie uɗie, gemu ⌊nai imu yaak haenppa⌋ ele, ag appa ana daatteb.