1 Stori 24 - Nobonob Baibel

Dawit nug mana mettak danab, ag ahilag uɗat attem attem hekkulag otiom

¹ Aron buɗub ag huu obatakppa daappignu nai am inam. Aron bekkod am Nadap, Abihu, Eleasar, am Itamar ele.

² Amge Nadap, Abihu ele aa, aa mamelah ii mauhom dayeye, tatam aa mauhpiɗ. Aa oh bekkalti iitta amunu, Eleasar, Itamar ele aa mana mettak danab daapiɗ.

³ Amu Dawit nug Aron buɗub ag ahilag uɗat hekkulagnu, nug he, ag obatak piɗe piɗe daan, huu atten ag haen adekku uɗin, ahilag uɗat hekkulag, huu atten laa ag haen adekku uɗin, ahilag uɗat hekkulag, nug ag anam aakku uɗat hekkulagnu otiattom. Eleasar buɗub laa Sadok, Itamar buɗub laa Ahimelek ele, aa otiak uɗat hekkunu Dawit ehanidpiɗ.

⁴ Eleasar buɗub oolagppa, ag baelkadppan danab okkai kuɗum daappig. Itamar buɗub oolagppa, ag baelkadppan danab okkai kuɗumnab anam ii daappig amunu, Eleasar buɗubnu obatak am 16 daappig. Itamar buɗubnu am eblaih ewam daappig.

⁵ Ag anam daappig, amge Eleasar buɗubnu, Itamar buɗubnu ele laa ag Kayaknu mettid lagnu anuqak danab daan, Kayaknu ɗo maɗoɗnu uɗat heppig amunu, nai daamanu obatak atten ag haen adekku uɗin, maɗi ahilag hekkulagnu, ag amu dooglagnu ag om ena yaan dooppig.

⁶ Ag om ena yaaeg, huu atten ag haen adekku uɗin, uɗat hekkulagnu daappig amu, yaak danab Netanel bekka Semaia, nug Lewi buɗubppan mana mettak danab iitta, ag oolagppanu amu, nug ag onilag yom. Ag King Dawit noobppa amu heegeg, mana mettak danab Sadok, Abiatar bekka Ahimelek, mana mettak danab ag baelkadppan dilag okkai, Lewi buɗubppan mana mettak danab iitta, ag baelkadppan dilag okkai, ag Dawit ele ag neegna daappig amunu, kobol eleleib beum. Ag Eleasar buɗubnu baelkadppanu danab okkai laippu awona, ag Itamar buɗubnu ele anamib heeg ukke, gogppa teppig.

⁷ Ag tatam om ena yaaeg, Jehoiaripnu obatak ag uɗin, uɗat hekkulagnu haen tatam aoppig. Jehoiaripnu obatak dimugppa Jedaianu obatak ag uɗin, uɗat hekkulagnu haen aakku aoppig.

⁸ Jedaianu obatak dimugppa Haraimnu obatak ag uɗin, uɗat hekkulagnu haen aakku aoppig. Haraimnu obatak dimugppa Seorimnu obatak ag uɗin, uɗat hekkulagnu haen aakku aoppig.

⁹ Soraimnu obatak dimugppa Malkiya obatak ag uɗin, uɗat hekkulagnu haen aakku aoppig. Malkiyanu obatak dimugppa Miyaminnu obatak ag uɗin, uɗat hekkulagnu haen aakku aoppig.

¹⁰ Miyaminnu obatak dimugppa Hakosnu obatak ag uɗin, uɗat hekkulagnu haen aakku aoppig. Hakosnu obatak dimugppa Abaiyanu obatak ag uɗin, uɗat hekkulagnu haen aakku aoppig.

¹¹ Abaiyanu obatak dimugppa Jesuanu obatak ag uɗin, uɗat hekkulagnu haen aakku aoppig. Jesuanu obatak dimugppa Sekanianu obatak ag uɗin, uɗat hekkulagnu haen aakku aoppig.

¹² Sekanianu obatak dimugppa Eliasipnu obatak ag uɗin, uɗat hekkulagnu haen aakku aoppig. Eliasipnu obatak dimugppa Jakimnu obatak ag uɗin, uɗat hekkulagnu haen aakku aoppig.

¹³ Jakaimnu obatak dimugppa Hupanu obatak ag uɗin, uɗat hekkulagnu haen aakku aoppig. Hupanu obatak dimugppa Jesebeapnu obatak ag uɗin, uɗat hekkulagnu haen aakku aoppig.

¹⁴ Jesebeapnu obatak dimugppa Bilganu obatak ag uɗin, uɗat hekkulagnu haen aakku aoppig. Bilganu obatak dimugppa am Imernu obatak ag uɗin, uɗat hekkulagnu haen aakku aoppig.

¹⁵ Imernu obatak dimugppa Hesairnu obatak ag uɗin, uɗat hekkulagnu haen aakku aoppig. Hesirnu obatak dimugppa Hapisesnu obatak ag uɗin, uɗat hekkulagnu haen aakku aoppig.

¹⁶ Hapisesnu obatak dimugppa Petahianu obatak ag uɗin, uɗat hekkulagnu haen aakku aoppig. Petahianu obatak dimugppa Jeheskelnu obatak ag uɗin, uɗat hekkulagnu haen aakku aoppig.

¹⁷ Jeheskelnu obatak dimugppa Jakinnu obatak ag uɗin, uɗat hekkulagnu haen aakku aoppig. Jakinnu obatak dimugppa Gamulnu obatak ag uɗin, uɗat hekkulagnu haen aakku aoppig.

¹⁸ Gamulnu obatak dimugppa Delaianu obatak ag uɗin, uɗat hekkulagnu haen aakku aoppig. Delaianu obatak dimugppa Masianu obatak ag uɗin, uɗat hekkulagnu haen aakku aoppig.

¹⁹ Amuam mana mettak danab huu anen anennu ag Yawenu mettid lagppa nuhig ɗo maɗoɗnu uɗat hekkulagnu goppig amu, ag huu anen anen nug dim lamittak anam anam goppig. Ag Yawenu mettid lag, amuppa uɗat heppig amu, ag memetalag anukkanu, Aron, nug Yawe, Israel dilag Kayak, Nug Aron amegppa uɗat hekkulagnu haknunab nai aum bia, ag aakku heppig.

Lewi buɗubppan mana mettak danab iitta, ag onilag, ahilag uɗat elenu nai

²⁰ Aria Lewi buɗubppan mana mettak danab iitta, amu dilag nai am inam. Amram buɗub oolagppanu am Subael. Subael buɗub oolagppanu am Jedea.

²¹ Rehabianu amu, nug buɗub oolagppanu am Isia. Isia nug nid danab tatamnu.

²² Ishar buɗub oolagppanu am Selomot. Selomot buɗub oolagppanu am Jahat.

²³ Hebron nug bekkod waɗele. Tatamnu am Jeria. Nug dimugppan am Amaraia. Amaraia dimugppan am Jahasiel. Jahasiel dimugppa am Jekameam.

²⁴ Usiel bekka am Maika. Maika buɗub oolagppanu am Samir.

²⁵ Isia, Maika ele aa eamag. Isia buɗub oolagppanu am Sekaraia.

²⁶ Merari bekoɗ am Mali, Musi ele. Jasia bekka am Beno.

²⁷ Merari buɗub Jasianu am Beno, Soham, Sakur, Ipri ele.

²⁸ ⌊Merari buɗub⌋ Malinu am Eleasar. Eleasar nug am bekka laa iitta.

²⁹ ⌊Merari buɗub⌋ Kisnu am Jeramel.

³⁰ Aria, ⌊Merari buɗub⌋ Musinu am Mali, Eder, Jerimot ele. Amu oh ag am Lewi buɗubppan mana mettak danab iitta onilkad aakku. Ag Israel dilag huu okkai Lewi oolagppanu baelkadppan dilag okkai daappig.

³¹ Ag danab amu, ag huu ahilkad ele ag aɗi aɗi uɗat hekkulagnu tituanadkkulagnu om ena yaappig. Ag mana mettak danab dilag heppig bia, ag imu dilagnu ele anam heppig. Ag King Dawit, Sadok, Ahimelek, mana mettak danab baelkadppan okkai, Lewi buɗubppan mana mettak danab iitta baelkadppan okkai ele noolagppa om ena yaan, uɗat attem attem hekkulagnu tituanadppig. Awag amag daappig ele, awalkad dilagppa kobol laa hena, amalkad dilagppa kobol laa ii heppig. Iitta. Ag amu dilag kobol laippuib dim lamidna, uɗat otiadppig.