ᑎᐱᑦ ᐅᓂᑭᒧᐅᓇ 99 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

Psalm 99 (Proper-24 Year A) Psalm 99 (Transfiguration Year C)

¹ ᑎᐸᔨᒋᒐᓱᐤ ᑎᐸᔨᒋᒐᐤ; ᐊᑯᔅ ᒋᑭ ᓇᓇᒥᐱᔪᐅᒡ ᐃᔪᒡ: ᑎᔅᑐᐎᒡ ᒐᕋᐱᒥᒡ ᐊᐳᐤ; ᐊᑯᔅ ᐊᔅᒋᔾ ᒋᑭ ᐊᔭᒋᐱᔪᐤ᙮

² ᑎᐸᔨᒋᒐᓱᐤ ᒋᔅᑎᓯᐤ ᓴᐃᔭᓂᒡ, ᑭᔭ ᓇᔅᒡ ᐊᔪᐛᒋᔅᑯᐛᐤ ᒥᓯᐛ ᐃᔪᐛ᙮

³ ᐊᑯᔅ ᒋᑭ ᒪᒥᒋᑕᒧᒡ ᑲ ᒋᔅᑕᔨᑕᑯᓂᔨᒡ ᑭᔭ ᑲ ᑯᔅᑕᑎᑯᓂᔨᒡ ᒋᑦ ᐃᓯᓂᐧᑲᓱᐅᓂᔪᐤ; ᐛᔅ ᐸᔭᐧᑭᓂᔪᐤ᙮

⁴ ᒋᓴᐅᒋᒪᐤ ᐅᒥᔅᑯᐅᓯᐅᓂᒡ ᑭᔭ ᓴᒋᑕᐤ ᑎᐸᔅᑯᓂᒐᐅᓂᔪᐤ; ᒋᑦ ᐊᔨᑎᔅᑕᓐ ᑯᐃᔅᑯᑐᐅᓐ, ᒋ ᑎᐱᑐᑕᓐ ᑎᐸᔅᑯᓂᒐᐅᓐ ᑭᔭ ᑯᐃᔅᑯᑕᑎᓯᐅᓐ ᒐᑭᐱᒡ᙮

⁵ ᒋᔅᑕᔨᑕᑯᐃᐧᒄ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ, ᐊᔭᒥᐊᔅᑕᐧᒄ ᐅᑕᑯᔅᑲᒋᑭᓂᒡ; ᐛᔅ ᐸᔭᒋᓯᐤ᙮

⁶ ᒧᓱᓴ ᑭᔭ ᐊᕋᓇ ᐊᔪᑯᓐ ᐸᔅᒡ ᐅᒋᓴᐊᔭᒥᐊᐅᒋᒪᒪ, ᑭᔭ ᓴᒻᔪᐃᓪ ᐊ ᐎᒐᐛᑦ ᐊᓂᔭᔪᐛ ᑲ ᓇᓂᑐᑎᒥᔨᒋ ᐅᑦ ᐃᓯᓂᐧᑲᓱᐅᓐ; ᒋ ᓇᓂᑐᒪᐅᒡ ᑎᐸᔨᒋᒐᓱᐛ, ᒋ ᓂᑐᑕᑯᐅᒡ ᒪᒃ᙮

⁷ ᒋ ᐃᔨᒪᐊᐤ ᒋᒪᑕᐛᔅᑯᒡ ᐅᒋ; ᒋ ᑭᓄᐛᔨᑕᒥᔪᐛ ᐅᑎᐸᒋᒧᐅᓇ, ᑭᔭ ᒋᔅᒋᓄᑕᐃᐛᐅᓂᔪᐛ ᑲ ᒥᔭᑦ᙮

⁸ ᔅᒋ ᓂᔅᑯᒪᐅᒡ, ᐅ ᑎᐸᔨᒋᒐᓱᐤ ᓂᒋᓴᒪᓂᑐᒥᓇᓐ: ᒋᔾ ᒋᑦ ᐊᐎᓐ ᒋᓴᒪᓂᑐᐤ ᑲ ᐛᐸᔨᑎᒧᐅᑥᐤ, ᐊᑎ ᐊᒋ ᓂᔅᑯᔅᑕᒡ ᑲ ᐃᓯ ᒥᔅᑯᐛᔭᔨᑕᒡ ᐅᒋ᙮

⁹ ᒋᔅᑕᔨᑕᑯᐃᐧᒄ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ, ᑭᔭ ᐊᔭᒥᐊᐛᐧᒄ ᑕᐧᑯᒡ ᐅᐸᔭᒋ-ᐱᔅᑯᑎᓇᒥᒡ; ᐛᔅ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᐸᔭᒋᓯᐤ᙮