ᑎᐱᑦ ᐅᓂᑭᒧᐅᓇ 98 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

Psalm 98 (Christmas Year A; Easter-6 Year B; Proper-28 Year C)

¹ ᐅ ᓂᑭᒧᔅᑕᐧᒄ ᑎᐸᔨᒋᒐᓱᐤ ᐅᔅᒋ ᓂᑭᒧᐅᓂᔪᐤ, ᐛᔅ ᒋ ᒪᒥᔅᑲᒡ-ᐃᑐᐤ: ᐎᔾ ᐅᒥᔪᐅᓂᒡ, ᑭᔭ ᐎᔾ ᐅᐸᔭᒋ ᐅᔅᐱᑐᓂᒡ ᒋ ᐅᒋ ᐱᐧᑯᐃᐛᐤ᙮

² ᑎᐸᔨᒋᒐᓱᐤ ᒧᓴ ᒋ ᐛᐸᑎᔨᐛᐤ ᐎᔾ ᐊᒋ ᐱᒪᒋᐃᐛᑦ; ᐎᔾ ᐊ ᑯᐃᔅᑯᑕᑎᓯᑦ ᓇᐃᔪᐤ ᒋ ᓄᑯᑐᐛᐤ ᐸᐱᑐᔅ ᐃᔅ ᐃᔪᐛ᙮

³ ᓇᒪ ᐅᒋ ᐅᓂᒋᔅᒍᐤ ᒐ ᒋᓴᐛᑐᑐᐛᑦ ᑭᔭ ᒐ ᑕᑈᐅᓯᔅᑐᐛᑦ ᐃᔅᕋᐃᓚ ᒥᓯᐛ ᐊᑎᓯᔨᒋ; ᒥᓯᐛ ᐊ ᐊᑎ ᐃᔎᔭᔨᒡ ᐊᔅᒋᔪᐤ ᒋ ᐛᐸᑕᑭᓄᐎᔪᐤ ᐅᐱᒪᒋᐃᐛᐅᓐ ᒋᒋᓴᒪᓂᑐᒥᓄᐤ᙮

⁴ ᒧᒋᒐᔨᑎᒧᒄ ᒋᔨᐛᐤ ᐊᔅᒋᒡ ᑎᐸᔨᒋᒐᓱᐤ ᐅᒋ; ᐅᒋ ᐸᒋ ᒋᔄᐛᒄ ᐊ ᓂᑭᒧᔭᒄ ᐊᔅᐱᔅ ᐛᐛᓂᒥᔽᔨᑎᒪᒄ, ᓂᐦᐃ, ᑕᑈ ᓂᑭᒧᒄ ᐊ ᒋᔅᑕᒋᒪᒄ᙮

⁵ ᓂᑭᒧᔅᑐᐛᐧᒄ ᑎᐸᔨᒋᒐᓱᐤ ᐊᓯᑭᓇᔭᐱᔾ ᒋᔍᐛᐱᒋᑭᓐ ᐊ ᒋᔍᐛᑲᐸᐃᒐᔭᒄ; ᐊᓯᑭᓇᔭᐱᔾ ᒋᔍᐛᐱᒋᑭᓐ ᐊ ᒋᔍᐛᑲᐸᐃᒐᓄᐅᒡ ᑭᔭ ᐊ ᓂᑭᒧᓇᓄᐅᒡ᙮

⁶ ᐳᑕᒋᑭᓐ ᑭᔭ ᐸᑕᒋᑭᓂᔅᒐ ᐊ ᐊᐱᑎᔨᒋ, ᐸᒋ ᒋᔄᐛᑎᒧᒄ ᐊ ᒧᒋᑕᑯᓯᔭᒄ ᐅᑎᔅᑯᐤ ᐊ ᑕᑦ ᒋᓴᐅᒋᒪᐤ, ᑲ ᑎᐸᔨᒋᒐᓱᐅᑦ᙮

⁷ ᐊᑯᔅ ᒋᑭ ᒋᔄᐛᒪᑭᓐ ᐎᓂᐸᒄ, ᑭᔭ ᒥᓯᐛ ᐊᓐᑕ ᒐᒂᓐ ᐊ ᑎᒂᒡ; ᐊᔅᒋᔾ, ᐊᓐᒡ ᒪᒃ ᐊᓐᑕ ᐊ ᑕᒡ᙮

⁸ ᐊᑯᔅ ᓯᐱᔭ ᐊ ᑎᒥᒂᑕᑯᐱᔨᒋ ᒋᑭ ᐱᐸᓯᑎᒐᐅᒥᑭᓇ, ᐊᑯᔅ ᐱᔅᑯᑎᓇᐛ ᒋᑭ ᒪᒧᐛᑎᒧᒥᑭᓇ ᐊ ᓂᑭᒧᒥᑲᒋ᙮

⁹ ᐅᑎᔅᑯᐤ ᑎᐸᔨᒋᒐᓱᐛ; ᐛᔅ ᒋᑭ ᐸᒋ ᑎᑯᓯᓂᔪᐛ ᒐ ᑎᐸᔅᑯᓂᒥᔨᒋ ᐊᔅᒋᔪᐤ: ᑯᐃᔅᒄ ᒋᑭ ᐃᓯ ᑎᐸᔅᑯᓇᐤ ᒥᓯᑕᔅᑭᒥᒡ ᐊ ᑕᔨᒋ, ᒋᒡ ᑭᔭ ᒥᓯᐛ ᐃᓯ ᐃᔪᐛ ᑯᐃᔅᑯᑐᑕᒐᐅᓂᒡ᙮