ᑎᐱᑦ ᐅᓂᑭᒧᐅᓇ 97 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

Psalm 97 (Christmas Year B; Easter-7 Year C)

¹ ᑎᐸᔨᒋᒐᓱᐤ ᑎᐸᔨᒋᒐᐤ; ᐊᑯᔅ ᐊᔅᒋᔾ ᒋᑭ ᒧᒋᒐᔨᑎᒧᒪᑭᓐ; ᐊᑯᔅ ᑲ ᒪᒥᒐᒋ ᒥᓂᔅᑎᒂ ᒋᑭ ᓯᒋᔭᓯᒥᑭᓇ᙮

² ᑭᔅᑯᐅᓇ ᑭᔭ ᐅᑲᔅᑕᐅᓂᔪᐤ ᐛᔅᑲᔅᑲᑯᐤ: ᑯᐃᔅᑯᑕᑎᓯᐅᓂᒡ ᑭᔭ ᑎᐸᔅᑯᓂᒐᐅᓂᒡ ᐊᔨᑎᔅᑕᔪᐤ ᐅᒋᓴᐅᒋᒪᐤ ᑕᑎᐳᐛᑭᓐ᙮

³ ᐃᔅᑯᑕᔪᐤ ᓂᑲᓂᐸᔨᔅᑕᑯᐤ, ᑭᔭ ᐃᔎᓱᔪᐛ ᑲ ᐛᐧᑲᑎᑯᑦ ᒥᓯᐛ ᐛᔅᑲ᙮

⁴ ᐅ ᐛᔅᑕᐱᔨᒪ ᒋ ᐛᔅᑕᓂᒪᑯᔪᐛ ᐊᔅᒋᒡ ᐊ ᑕᔨᒋ: ᐊᔅᒋᔾ ᒋ ᐛᐸᑎᒧᒪᑭᓐ ᑭᔭ ᓇᓇᒥᐱᔪᐤ᙮

⁵ ᐱᔅᑯᑎᓇᐛ ᒋ ᑎᒋᑕᐛ ᒧᔭᒻ ᐱᓴᒂᐃᑭᓐ ᐅᑎᔅᑯᐤ ᑕᐸᔨᒋᒐᑦ, ᐅᑎᔅᑯᐤ ᑲ ᑎᐸᔨᑕᐧᒃ ᒥᓯᐛ ᐊᔅᒋᔪᐤ᙮

⁶ ᒋᓯᒂ ᐎᑎᒧᒪᑭᓂᔪᐛ ᐅᑯᐃᔅᑯᑕᑎᓯᐅᓐ, ᑭᔭ ᒥᓯᐛ ᐃᔪᐛ ᐛᐸᑎᒥᔪᐛ ᐅᒋᔅᑕᔨᑕᑯᓱᐅᓐ᙮

⁷ ᒋᑭ ᐛᐛᓇᔨᑎᒧᒡ ᒥᓯᐛ ᐊᓐᒡ ᑲ ᐊᑐᔅᑯᐛᒡ ᒥᓂᑐᐧᑲᓇ, ᑲ ᐅᒋ ᒪᒪᑕᑯᒧᒡ ᒥᓂᑐᐧᑲᓇ: ᐸᑕᐱᔅᑕᐧᒄ, ᒥᓯᐛ ᒋᔨᐛᐤ ᒥᓂᑐᐅᒡ᙮

⁸ ᓴᐃᔭᓐ ᒋ ᐸᑎᒻ, ᑭᔭ ᒋ ᓯᒋᔭᓱᐤ; ᒍᑕ ᐅᑕᓂᓯᒪᐅᒡ ᑭᔭ ᒋ ᒧᒋᒐᔨᑎᒧᒡ, ᒋᑎᐸᔅᑯᓂᒐᐅᓇ ᐅᒋ, ᐅ ᑎᐸᔨᒋᒐᓱᐤ᙮

⁹ ᐛᔅ ᒋᔾ, ᑎᐸᔨᒋᒐᓱᐤ, ᓇᔅᒡ ᒋ ᒋᔅᑎᓯᓐ ᐊᔅᒋᒡ: ᓇᔅᒡ ᒋᑦ ᐊᔪᐛᒋᔅᑯᐛᐅᒡ ᒥᓯᐛ ᒥᓂᑐᐅᒡ᙮

¹⁰ ᒋᔨᐛᐤ ᑲ ᓴᒋᐊᒃ ᑎᐸᔨᒋᒐᓱᐤ, ᐛᐧᑲᑎᒧᒄ ᑲ ᒪᔭᑎᒡ: ᑭᓄᐛᔨᒥᒪᐤ ᐅᑦ ᐊᒐᐧᑯᔪᐛ ᐅᐸᔭᒋᓯᒪ; ᐎᒂᒋᐊᐤ ᐅᑎᒋᔨᒡ ᐅᒋ ᐅᒥᒋᑥᐛ᙮

¹¹ ᐛᓴᔭᓯᐅᓂᔪᐤ ᓂᑕᐅᒋᑕᒪᐛᑭᓄᐅᒡ ᐅᑯᐃᔅᑯᑕᑎᓯᐅᒡ, ᑭᔭ ᓯᒋᔭᓯᐅᓂᔪᐤ ᐊᓐᒡ ᑲ ᑯᐃᔅᑯᑕᐊᒡ᙮

¹² ᒥᔽᔨᑎᒧᒄ ᑎᐸᔨᒋᒐᓱᐤ ᐅᒋ, ᒋᔨᐛᐤ ᑲ ᑯᐃᔅᑯᑕᑎᓯᔭᒄ; ᑭᔭ ᓂᓇᔅᑯᒥᐧᒄ ᐊ ᒋᔅᒋᑎᒺᒄ ᐅᐸᔭᒋᓯᐅᓐ᙮