ᑎᐱᑦ ᐅᓂᑭᒧᐅᓇ 76 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ1 ᒍᑕᐃᒡ ᒋᓴᒪᓂᑐᐤ ᒋᔅᒐᔨᑕᑯᓱᐤ: ᐅᑦ ᐃᓯᓂᐧᑲᓱᐅᓐ ᒋᒋᐃᑕᔨᑕᑯᓂᔪᐤ ᐃᔅᕋᐃᓕᒡ᙮ 2 ᓴᓚᒥᒡ ᑭᔭ ᑎᑯᓂᔪᐤ ᐅᒥᒋᐛᐱᒻ, ᑭᔭ ᐎᒡ ᓴᐃᔭᓂᒡ᙮ 3 ᐊᑯᑕ ᐸᑯᓇᑦ ᐊᑭᔎ ᐊᒐᐱᒡ, ᐊᒂᓇᐅᓱᐛᑭᓂᔪᐤ, ᓂᑐᐱᔪᐅ-ᒧᐧᑯᒪᓂᔪᐤ, ᑭᔭ ᑯᑎᑲ ᓂᑐᐱᔪᐅᓂᔪᐤ᙮ 4 ᐊᑐᐎᔅ ᒋ ᒋᔅᑕᔨᑕᑯᓯᓐ ᑭᔭ ᒋᒋᐃᑕᔨᑕᑯᓯᓐ, ᐃᔅᐱᔅ ᒪᔅᑲᑥᐅᓇ ᐱᔅᑯᑎᓇᐛ᙮ 5 ᑲ ᓱᒋᑕᐊᒡ ᒥᔅᑭᒪᑭᓄᐅᒡ, ᒋ ᓂᐸᐅᒡ ᐃᔅᐱᔅ ᐛ ᓂᐸᒡ: ᓇᒪ ᑭᔭ ᐅᒋ ᒥᔅᑭᒧᒡ ᐅᑎᒋᐛᐛ ᑲ ᓱᐧᑲᑎᓯᒡ ᐃᔪᒡ᙮ 6 ᐊᒋ ᒋᑕᐊᒪᒐᔨᓐ, ᐅᒋᓴᒪᓂᑐᒪ ᒐᑭᑉ, ᒧᔭᒻ ᑎᑎᐱᑕᐸᓇᔅᒄ ᑭᔭ ᑲᐸᐃᑭᔎᐤ ᒋ ᓂᔅᐱᑎᒂᒥᐊᐅᒡ᙮ 7 ᒋᔾ, ᒋᔾ ᐅᑦ, ᒋᑭ ᓇᓂᒋᔅᑕᑯᐅᓐ: ᐊᐛᓐ ᒪᒃ ᒐᒋ ᐅᑎᔅᑲᐎᑲᐳᐅᔅᑕᔅᒃ ᐃᔅᐱ ᐊ ᒋᔄᓯᔨᓐ᙮ 8 ᔅᒋ ᐸᑕᑯᑕᓐ ᑎᐸᔅᑯᓂᒐᐅᓐ ᒋᒋᒋᓯᑯᒡ ᐅᒡ: ᐊᔅᒋᔾ ᒋ ᑯᔅᑕᒋᒥᑭᓐ, ᑭᔭ ᒋ ᒋᔭᒪᐅᐱᒥᑭᓐ᙮ 9 ᐃᔅᐱ ᒋᓴᒪᓂᑐᐤ ᐸᓯᑯᑦ ᒐᒋ ᑎᐸᔅᑯᓂᒐᑦ, ᒐᒋ ᐱᒪᒋᐊᑦ ᒥᓯᐛ ᐅᔪᔅᑲᑎᓯᐛ ᐊᔅᒋᒡ᙮ 10 ᒐᔅᑎᓇᔅ ᒋᑭ ᒪᒥᒋᒥᑯᐛᓐ ᐅᑦ ᐊᐧᑯᔪᐛᓱᐅᓐ ᐃᔪᐤ; ᑲ ᐃᔅᑯᐱᔨᒡ ᐊᐧᑯᔪᐛᓱᐅᓐ ᒪᒃ ᒋᑭ ᒋᐱᒋᑕᓐ᙮ 11 ᒋᒋᐃᑥᒄ, ᑎᐸᐊᒪᐧᒄ ᒪᒃ ᑎᐸᔨᒋᒐᓱᐤ ᒋᒋᓴᒪᓂᑐᒧᐛᐤ: ᐊᑯᔅ ᒥᓯᐛ ᑲ ᐛᔅᑲᔅᑲᑯᑦ ᒋᑭ ᐸᑥᑯᐤ ᒥᔨᐛᐅᓇ ᐊᓐ ᑲ ᐃᑕᔨᑕᑯᓯᑦ ᒐᒋ ᓇᓂᒋᔅᑐᐛᑭᓄᐅᑦ᙮ 12 ᒋᑭ ᒋᒥᓱᐅᒪᐤ ᐅᑦ ᐊᒐᐧᑯᐛᐛ ᒋᓴᐅᒋᒪᔅᒐ: ᑯᔅᑕᑎᑯᓯᔅᑐᐛᐤ ᒋᓴᐅᒋᒪᐛ ᐅᑕ ᐊᔅᒋᒡ᙮ |
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
Wycliffe Bible Translators, Inc.