ᑎᐱᑦ ᐅᓂᑭᒧᐅᓇ 75 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ1 ᒋᔾ, ᐅ ᒋᓴᒪᓂᑐᐤ, ᒋ ᓂᓇᔅᑯᒥᑎᓇᓐ, ᒋᔾ ᒋ ᓂᓇᔅᑯᒥᑎᓇᓐ; ᐛᔅ ᒥᒋᒪ ᐊ ᑎᒂᒡ ᒋᑦ ᐃᓯᓂᐧᑲᓱᐅᓐ, ᒋᒪᒥᔅᑲᒡ-ᐃᑐᐅᓇ ᐎᑎᒧᒥᑭᓇ᙮ 2 ᐃᔅᐱ ᐸᒋᑎᓇᒪᐎᓱᓇ ᑲ ᒪᒧᒥᒐᑎᒡ, ᑯᐃᔅᒄ ᓂᑭ ᑎᐸᔅᑯᓂᒐᓐ᙮ 3 ᐊᔅᒋᔾ ᑭᔭ ᒥᓯᐛ ᐊᓐᑕ ᑲ ᑕᒡ ᓂᓱᐅᓇᑎᓯᐅᒡ: ᓂᔾ ᓂ ᓯᑐᓇᓐ᙮ 4 ᓂᒋ ᐃᑕᐅᒡ ᒋᔎᐧᑲᓐᒡ, “ᐊᑲᐎᔾ ᑭᒐᐸᒡ ᐃᑐᑎᒺᒄ,” ᑭᔭ ᐅᒥᒋᑥᐅᒡ, “ᐊᑲᐎᔾ ᐅᐱᑕᔅᑭᓄᒃ: 5 ᐊᑲᐎᔾ ᐃᔅᐱᒥᒡ ᐅᐱᑕᔅᑭᓄᒃ: ᐊᑲᐎᔾ ᒋᑐᑯᔨᐛᔨᒄ ᐊ ᐃᔨᒥᔭᒄ᙮” 6 ᐛᔅ ᑎᐸᔅᑯᓂᒐᐅᓐ ᓇᒪᐎᔾ ᐛᐱᓄᑕᒡ ᐅᒋᐱᔪᐤ, ᓇᒪ ᑭᔭ ᒋᐛᑎᓄᒡ, ᓇᒪ ᑭᔭ ᓴᐅᓄᒡ᙮ 7 ᒪᒃ ᒋᓴᒪᓂᑐᐤ ᑎᐸᔅᑯᓂᒐᐤ: ᓂᑎᓇᐤ ᐸᐃᒄ, ᑯᑎᑲ ᒪᒃ ᐃᔅᐸᒐᓇᐤ᙮ 8 ᐛᔅ ᐅᑎᒋᒡ ᑎᐸᔨᒋᒐᓱᐤ ᑎᑯᓂᔪᐤ ᒥᓂᒂᑭᓂᔪᐤ, ᓱᒥᓇᐳᔾ ᑭᔭ ᒥᒂᑭᒧᐤ; ᓴᑭᔅᒋᓇᐤ ᒋᔨᑲᐛᐳᔾ; ᐊᓂᔭᔪᐤ ᑭᔭ ᓯᒋᓂᒻ: ᒪᒃ ᑲ ᐱᔭᒂᑭᒥᔨᒡ ᒥᓯᐛ ᐅᒥᒋᑥᐅᒡ ᐊᔅᒋᒡ ᒋᑭ ᐅᑎᓇᒧᒡ ᑭᔭ ᒋᑭ ᒥᓄᐅᒡ᙮ 9 ᒪᒃ ᓂᑭ ᐎᑕᓐ ᑲᒋᒡ; ᐊ ᓂᑭᒧᔭᓐ ᓂᑭ ᒪᒥᒋᒥᒪᐛ ᐅᒋᓴᒪᓂᑐᒪ ᒐᑭᑉ᙮ 10 ᒥᓯᐛ ᐅᑦ ᐊᔅᑭᓄᐛᐛ ᐅᒥᒋᑥᐅᒡ ᑭᔭ ᓂᑭ ᒋᒥᓱᒪᐛ; ᒪᒃ ᐅᑦ ᐊᔅᑭᓄᐛᐛ ᐅᑯᐃᔅᑯᑕᑎᓯᐅᒡ ᒋᑭ ᐃᔅᐸᒐᓂᒪᑭᓂᔨᐛ᙮ |
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
Wycliffe Bible Translators, Inc.