ᑎᐱᑦ ᐅᓂᑭᒧᐅᓇ 72 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ1 ᒥᔾ ᒋᓴᐅᒋᒪᐤ ᒋ ᑎᐸᔅᑯᓂᒐᐅᓇ, ᐅ ᒋᓴᒪᓂᑐᐤ, ᑭᔭ ᒋ ᑯᐃᔅᑯᑕᑎᓯᐅᓂᔪᐤ ᒋᓴᐅᒋᒪᐤ ᐅᑯᓴ᙮ 2 ᑯᐃᔅᑯᑕᑎᓯᐅᓂᒡ ᒋᑭ ᑎᐸᔅᑯᓇᐤ ᒋᑦ ᐃᔨᒪ, ᑭᔭ ᒋ ᒋᔅᑎᒪᑎᓯᒪ ᑎᐸᔅᑯᓂᒐᐅᓂᒡ᙮ 3 ᐱᔅᑯᑎᓇᐛ ᒋᑭ ᐸᑥᑯᐅᒡ ᐃᔪᒡ ᒋᔭᒪᔨᑎᒧᐅᓂᔪᐤ, ᑭᔭ ᐱᔅᑯᑎᓇᓴ, ᑯᐃᔅᑯᑕᑎᓯᐅᓐ ᐅᒡ᙮ 4 ᒋᑭ ᑎᐸᔅᑯᓇᐤ ᑲ ᒋᔅᑎᒪᑎᓯᔨᒋ ᐃᔪᐛ, ᒋᑭ ᐱᒪᒋᐃᒪᐤ ᐅᑦ ᐊᐛᓯᒥᓯᔪᐛ ᑲᔅᑎᒪᑎᓯᔨᒋ, ᑭᔭ ᒋᑭ ᐱᓯᓯᒪᐤ ᐅᑦ ᐊᔨᒥᐃᐛᐛ᙮ 5 ᒋᑭ ᓇᓂᒋᔅᑕᑯᒡ ᒐ ᐃᔅᐱᔅ ᑕᔨᒋ ᒋᓯᑲᐤ ᐱᓯᒺ ᑭᔭ ᑎᐱᔅᑲᐤ ᐱᓯᒺ, ᒥᓯᐛ ᒐ ᐊᑎ ᐊᓂᔅᒐ ᐱᒪᑎᓯᓇᓄᐎᒡ᙮ 6 ᒋᑭ ᐸᒋ ᔭᓯᐤ ᒧᔭᒻ ᐊ ᒋᒺᒡ ᐊ ᒥᓂᓯᑭᓄᐅᒋ ᒪᔅᑯᓱᐛ; ᒧᔭᒻ ᐊ ᐸᐸᒋᐸᔅᑕᒡ ᑲ ᐅᒋ ᐅᑯᔅᒋᐸᒡ ᐊᔅᒋᔾ᙮ 7 ᒪᒂᒡ ᐊ ᐅᒋᓯᑲᒥᑦ ᐅᑯᐃᔅᑯᑕᑎᓯᐤ ᒋᑭ ᒥᔽᐱᒪᐅᓯᐤ, ᑭᔭ ᒥᔅᑎ ᒋᔭᒪᔨᑎᒧᐅᓂᔪᐤ ᒐ ᐃᔅᐱᔅ ᑕᔨᒋ ᑎᐱᔅᑲᐤ ᐱᓯᒺ᙮ 8 ᒋᑭ ᑎᐸᔨᒋᒐᐤ ᒪᒃ ᐸᐃᒄ ᐎᓂᐸᑯᒡ ᐅᒋ ᑯᑎᒡ ᐎᓂᐸᑯᒡ ᐃᔅᐱᔅ, ᑭᔭ ᓯᐱᒡ ᐅᒋ ᐊ ᒋᓯᐸᒡ ᐊᔅᒋᒡ ᐊ ᐃᔎᔭᔨᒡ ᐊᔅᒋᔪᐤ ᐃᔅᐱᔅ᙮ 9 ᐊᓐᒡ ᐸᐧᑯᑎᔅᑭᒥᑲᒡ ᑲ ᐎᒋᒡ ᒋᑭ ᓄᐛᒋᔅᑐᐛᐅᒡ; ᑭᔭ ᑲ ᐛᐧᑲᑕᒡ ᒋᑭ ᓄᒂᑎᒧᒡ ᒥᔅᑯᓱᒥᔅᑎᑯᓴ᙮ 10 ᒋᓴᐅᒋᒪᐅᒡ ᑲ ᑎᐸᔨᒋᒐᒡ ᑕᕐᓯᓯᒡ ᑭᔭ ᐊ ᒥᓂᔅᑎᑯᔅᑲᔨᒡ ᒋᑭ ᐸᑕᐅᒡ ᒥᔨᐛᐅᓇ: ᓯᐸ ᑭᔭ ᓯᐸ ᒋᓴᐅᒋᒪᐅᒡ ᒋᑭ ᐱᔅᑎᓂᒐᐅᒡ ᒥᔨᐛᐅᓇ᙮ 11 ᓂᐦᐃ, ᒥᓯᐛ ᒋᓴᐅᒋᒪᐅᒡ ᒋᑭ ᐸᒋᓯᓂᔅᑐᐛᐅᒡ; ᒥᓯᐛ ᑲ ᑕᑐᔅᑲᓇᓯᒡ ᐃᔪᒡ ᒋᑭ ᐊᑐᔅᒐᔅᑐᐛᐅᒡ᙮ 12 ᐛᔅ ᒋᑭ ᐱᒪᒋᐊᐤ ᓂᓂᐧᑲᑎᓯᐛ ᒪᓱᒧᔅᑕᒐᔨᒐ; ᐅᒋᔅᑎᒪᒋᓴ ᐊᓯᒡ, ᑭᔭ ᐊᑲ ᑕᔨᒋ ᒐ ᐎᒋᐃᑯᔨᒋ᙮ 13 ᒋᑭ ᒥᓇᒋᐊᐤ ᐅᒋᔅᑎᒪᑎᓯᐛ ᑭᔭ ᓇᓇᐧᑲᑎᓯᐛ, ᑭᔭ ᒋᑭ ᐱᒪᒋᐃᒪᐤ ᐅᑦ ᐊᒐᐧᑯᔪᐛ ᑲᔅᑎᒪᑎᓯᔨᒋ᙮ 14 ᒋᑭ ᐎᐧᑯᒋᐃᒪᐤ ᐅᑦ ᐊᒐᐧᑯᔪᐛ ᑭᑭᒋᔭᓂᓯᐅᓂᒡ ᑭᔭ ᐊᒂᑎᓯᐅᓂᒡ ᐅᒡ: ᑭᔭ ᒋᑭ ᒋᔅᑕᒋᑕᒺᐤ ᐅᒥᐧᑯᔪᐤ᙮ 15 ᒋᑭ ᐱᒪᑎᓯᐤ ᒪᒃ, ᑭᔭ ᒋᑭ ᒥᔭᑭᓄᐤ ᓯᐸ ᐎᔄᐅᓱᓇᔭᐱᔅᑯᔪᐤ: ᒧᓯᓇᐤ ᑭᔭ ᒋᑭ ᐊᔭᒥᐊᔅᑐᐛᑭᓄᐤ; ᑭᔭ ᐊᓯᒡ ᒋᑭ ᒪᒥᒋᒪᑭᓄᐤ᙮ 16 ᐸᐃᑯᒥᑎᒋ ᒪᑕᒥᓇ ᐊᔅᒋᒡ ᒋᑭ ᑕᐤ ᑕᐧᑯᒡ ᐱᔅᑯᑎᓇᒡ; ᐊ ᒥᓂᓱᐅᒋ ᒪᒃ ᒋᑭ ᐱᐅᐱᔪᐛ ᒧᔭᒻ ᓚᐸᓇᓐ: ᑭᔭ ᐊᓐᒡ ᐅᑕᓇᒡ ᑲ ᐃᑕᒡ ᒋᑭ ᒥᔽᐱᒪᐅᓯᐅᒡ ᒧᔭᒻ ᒥᔅᑯᓱᐛ ᐊᔅᒋᒡ᙮ 17 ᐅᑦ ᐃᓯᓂᐧᑲᓱᐅᓐ ᓇᓂᑎᒻ ᒋᑭ ᑎᑯᓂᔪᐤ: ᐅᑦ ᐃᓯᓂᐧᑲᓱᐅᓐ ᒋᑭ ᐱᒥᐱᔪᐤ ᒐ ᐃᔅᐱᔅ ᑕᒂ ᐱᓯᒻ᙮ ᐃᔪᐤ ᒪᒃ ᒋᑭ ᓱᐛᔨᑕᑯᓱᐤ ᐎᔾ ᐅᒡ; ᒥᓯᐛ ᑭᔭ ᑲ ᐃᑎᔅᑲᓇᓯᔨᒋ ᐃᔪᐛ ᓱᐛᔨᑕᑯᓯᐤ ᒋᑭ ᐃᑎᑯᐤ᙮ 18 ᒋᑭ ᐎ ᒪᒥᒋᒪᑭᓄᐤ ᑕᐸᔨᒋᒐᓯᐅᑦ ᒋᓴᒪᓂᑐᐤ, ᐅᒋᓴᒪᓂᑐᒪ ᐃᔅᕋᐃᓪ, ᐎᔾ ᒥᒄ ᑲ ᒪᒪᑕᐤ ᐃᔨᑎᑦ᙮ 19 ᑭᔭ ᒋᑭ ᐎ ᒪᒥᒋᒥᑕᑭᓄᐎᔪᐤ ᐅᒋᔅᑕᔨᑕᑯᓱᐅ ᐃᓯᓂᐧᑲᓱᐅᓐ ᑲᒋᒡ: ᐊᑯᔅ ᒪᒃ ᒥᓯᐛ ᐊᔅᒋᒡ ᒋᑭ ᓴᑭᔅᒋᓇᔪᐤ ᐅᒋᔅᑕᔨᑕᑯᓱᐅᓐ᙮ ᐊᒥᓐ, ᑭᔭ ᐊᒥᓐ᙮ 20 ᐅᑦ ᐊᔭᒥᐊᐅᓇ ᑎᐱᑦ, ᒐᓯᔾ ᐅᑯᓴ ᐳᓂᐱᔪᐛ᙮ |
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
Wycliffe Bible Translators, Inc.