ᑎᐱᑦ ᐅᓂᑭᒧᐅᓇ 67 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐPsalm 67 (Easter-6 Year C) 1 ᒋᓴᒪᓂᑐᐤ ᒋᑭ ᒋᓴᐛᑐᑕᑯᓄᐤ, ᑭᔭ ᒋᑭ ᒥᔪᑐᑕᑯᓄᐤ, ᑭᔭ ᒋᑭ ᐸᒋ ᐛᓯᓱᔅᑕᑯᓄᐤ᙮ 2 ᒋᑦ ᐃᓯᑥᐅᓐ ᒐᒋ ᒋᔅᒐᔨᑕᑭᓄᐅᒡ ᐊᔅᒋᒡ, ᒋᐱᒪᒋᐃᐛᐅᓐ ᒪᒃ ᒥᓯᐛ ᐃᔅ ᐃᔨᓇᒡ᙮ 3 ᐊᑯᔅ ᒋᑭ ᒪᒥᒋᒥᑯᒡ ᐃᔪᒡ, ᐅ ᒋᓴᒪᓂᑐᐤ; ᐊᑯᔅ ᒥᓯᐛ ᐃᔪᒡ ᒋᑭ ᒪᒥᒋᒥᑯᒡ᙮ 4 ᐅ ᐊᑯᔅ ᒥᓯᐛ ᐊ ᑕᑐᔅᑲᓇᓯᒡ ᐃᔪᒡ ᒋᑭ ᓯᒋᔭᓱᐅᒡ, ᑭᔭ ᒋᑭ ᓂᑭᒧᐅᒡ ᐊᔅᐱᔅ ᒧᒋᒐᔨᑕᒡ: ᐛᔅ ᒋᑭ ᑎᐸᔅᑯᓇᐅᒡ ᐃᔪᒡ ᑯᐃᔅᑯᑕᑎᓯᐅᓂᒡ, ᑭᔭ ᐎᔨᓱᒪᐅᒡ ᒥᓯᐛ ᐊ ᑕᑐᔅᑲᓇᓯᒡ ᐃᔪᒡ ᐊᔅᒋᒡ ᐊᑕᒡ᙮ 5 ᐊᑯᔅ ᒋᑭ ᒪᒥᒋᒥᑯᒡ ᐃᔪᒡ, ᐅ ᒋᓴᒪᓂᑐᐤ; ᐊᑯᔅ ᒥᓯᐛ ᐃᔅ ᐃᔪᒡ ᒋᑭ ᓂᓇᔅᑯᒥᑯᒡ᙮ 6 ᐊᑯ ᐊᔅᒋᔾ ᐊ ᐃᓯ ᓂᑕᐅᒋᑕᒥᑲᒡ; ᒋ ᐛᔪᒋ ᓂᑕᐅᒋᓐ: ᒋᓴᒪᓂᑐᐤ ᒪᒃ, ᓂᐦᐃ ᒋᔭᓄᐤ ᑎᐱᔨᐛ ᒋᒋᓴᒪᓂᑐᒥᓄᐤ, ᒋᑭ ᒥᔪᑐᑕᑯᓄᐤ᙮ 7 ᒋᓴᒪᓂᑐᐤ ᒋᑭ ᒥᔪᑐᑕᑯᓄᐤ: ᑭᔭ ᒥᓱᐛᔅᑲᒥᑯᔪᐤ ᒋᑭ ᓇᓂᒋᔅᑕᑯᐤ᙮ |
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
Wycliffe Bible Translators, Inc.