ᑎᐱᑦ ᐅᓂᑭᒧᐅᓇ 66 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ1 ᒥᔽᔨᑎᒧ ᐸᑕᑯᓯᔅᑕᐧᒄ ᒋᓴᒪᓂᑐᐤ, ᒥᓯᐛ ᒋᔨᐛᐤ ᐊᔅᒋᔭ: 2 ᓂᑭᒧᑎᒺᐧᒄ ᐊᔅᐱᔅ ᒋᔅᑕᔨᑕᒂᓂᔨᒡ ᐅᑦ ᐃᓯᓂᐧᑲᓱᐅᓐ; ᒋᐧᑲᔭᑐᑎᒺᐧᒄ ᐅᒪᒥᒋᒥᑯᓯᐅᓐ᙮ 3 ᐃᑎᐧᒄ ᒋᓴᒪᓂᑐᐤ, “ᑕᑈ ᒋ ᑯᔅᑕᑎᑯᓯᓐ ᒋᑦ ᐊᑐᔅᒐᐅᓂᒡ ! ᐊᔅᐱᔅ ᒋᔅᑕᔨᑕᒂᒡ ᒋᑭᔅᒋᐅᓐ ᐊᓐᒡ ᑲ ᐛᐧᑲᑎᔅᒡ ᒋᑭ ᐅᒋ ᐱᑎᐱᔅᑕᒂᒡ᙮ 4 ᒥᓯᐛ ᐊᔅᐱᑎᔅᑲᒥᑲᒡ ᒋᑭ ᐊᔭᒥᐊᔅᑕᑯᐅᓐ, ᒋᑭ ᓂᑭᒧᔅᑕᑯᐅᓐ; ᒋᑭ ᓂᑭᒧᔅᑎᒧᒡ ᒋᑦ ᐃᓯᓂᐧᑲᓱᐅᓂᔪᐤ᙮” 5 ᐸᒋ ᐛᐸᑎᒺᐧᒄ ᐅᑦ ᐊᑐᔅᒐᐅᓇ ᒋᓴᒪᓂᑐᐤ: ᑯᔅᑕᑎᑯᓯᐤ ᐊ ᐃᑐᑐᐛᑦ ᐃᔪᐛ ᐅᑦ ᐊᐛᓯᒥᓯᔪᐛ᙮ 6 ᒋ ᐸᒂᔅᑭᒥᒋᑕᐤ ᐎᓂᐸᑯᔪᐤ: ᒋ ᐱᒧᑕᐅᒡ ᐊᑲ ᓂᐱᐎᔨᒡ: ᐊᑯᑕ ᑲ ᒥᔽᔨᑕᒡ᙮ 7 ᑎᐸᔨᒋᒐᐤ ᐅᑭᔅᒋᐅᓂᒡ ᐅᒡ ᑲᒋᒡ; ᑭᓄᐛᐱᒪᐤ ᑲ ᐃᑎᔅᑲᓇᓯᔨᒋ ᐃᔪᐛ: ᐊᑯᔅ ᐊᑲᐎᔾ ᑲ ᐃᔨᐛᒧᑐᑕᒐᒡ ᒋᑭ ᐃᔅᐸᔨᑕᑯᐃᑎᓱᐅᒡ᙮ 8 ᐅ ᒪᒥᒋᒥᐧᒄ ᒋᒋᓴᒪᓂᑐᒥᓄᐤ, ᒋᔨᐛᐤ ᐃᔪᒡ, ᑭᔭ ᐸᑕᑯᑕᐛᐧᒄ ᐅᒪᒥᒋᒥᑯᓯᐅᓐ᙮ 9 ᑲ ᓯᑐᓇᑦ ᒋᑦ ᐊᒐᐧᑯᓇᐛ ᐱᒪᑎᓯᐅᓂᒡ, ᑭᔭ ᐊᑲ ᓇᐊᔨᑕᐧᒃ ᒋᓯᑎᓄᐛ ᒐᒋ ᐊᒋᐱᔨᒋ᙮ 10 ᐛᔅ ᒋᔾ, ᐅ ᒋᓴᒪᓂᑐᐤ, ᔅᒋ ᑯᒋᐃᓇᓐ; ᔅᒋ ᑯᒂᒋᐃᓇᓐ, ᒧᔭᒻ ᐊ ᑯᒂᒋᑕᑭᓄᐅᒡ ᓱᓇᔭᐱᔅᒄ᙮ 11 ᔅᒋ ᐃᓯᐅᔨᓇᓐ ᐃᔭᐱᒡ; ᔅᒋ ᐃᑎᔅᑕᓐ ᐊᔨᒥᓱᐅᓐ ᓂᔅᐱᔅᑯᓂᓇᒡ᙮ 12 ᔅᒋ ᐱᒥᑕᑎᐱᐊᐅᒡ ᐃᔪᒡ ᒥᒋᒪ ᓂᔅᑎᒂᓂᓇᒡ: ᓂᒋ ᓴᐳᔅᑲᓇᓐ ᐃᔅᑯᑕᐤ ᑭᔭ ᓂᐱᔾ; ᒪᒃ ᔅᒋ ᐸᒋ ᐃᑐᑕᐃᓇᓐ ᐊᓐᑕ ᐊ ᐛᔪᑎᒡ᙮ 13 ᓂᑭ ᐱᒐᓐ ᒋᒋᒡ ᐊ ᐸᑕᔭᓐ ᐃᔎᑕᐤ ᐱᔅᑎᓂᒐᐅᓇ; ᒋᑭ ᑎᐸᐊᒪᑎᓐ ᓂᒋᒋᐃᔨᒧᐅᓇ, 14 ᓂᑐᓂᒡ ᑲ ᐅᒋ ᐎᑎᒪᓐ ᑭᔭ ᐃᔭᓐ, ᒪᒂᒡ ᑲ ᐊᔨᒥᓯᔪᐛᓇ᙮ 15 ᒋᑭ ᐸᒋᑎᓇᒪᑎᓐ ᐃᔎᑕᐤ ᐱᔅᑎᓂᒐᐅᓂᒡ ᑕᒋᐳᐊᑭᓐᒡ, ᒋᒡ ᐊ ᐎᒋᒪᑯᓯᒡ ᓇᐸ ᒪᔭᑕᓂᓯᒡ; ᓂᑭ ᐱᔅᑎᓂᒐᓐ ᓇᐸ ᒥᔅᑐᓯᒡ ᑭᔭ ᑲ ᐅᑦ ᐊᔅᑭᓂᓯᒡ ᑲ ᐊᐱᓯᓯᒡ ᐊᐛᓯᓯᒡ᙮ 16 ᐸᒋ ᓂᑐᒥᑎᐧᒄ, ᒥᓯᐛ ᒋᔨᐛᐤ ᑲ ᓇᓂᒋᔅᑐᐛᒄ ᒋᓴᒪᓂᑐᐤ, ᓂᑭ ᐎᑕᓐ ᒪᒃ ᑲ ᐃᑐᑐᐛᑦ ᓂᑦ ᐊᒐᒂ᙮ 17 ᓂᒋ ᒪᑐᐛᐤ ᐊ ᐸᑕᑯᓯᔭᓐ, ᓂᑕᔨᔨᒡ ᑭᔭ ᓂᒋ ᐅᒋ ᒋᔅᑕᒋᒪᐤ᙮ 18 ᒧᔭᒻ ᐱᔅᒐᔨᑎᒪᓇ ᒥᒐᑎᓯᐅᓐ ᓂᑕᐃᒡ, ᑎᐸᔨᒋᒐᓱᐤ ᓇᒪᐎᔾ ᓂᑭ ᓂᑐᑕᒄ᙮ 19 ᒪᒃ ᑕᑈ ᒋᓴᒪᓂᑐᐤ ᓂᒋ ᐸᑕᒄ: ᒋ ᓂᑐᑎᒻ ᑭᔭ ᐊ ᐃᑎᑕᑯᓯᒥᑭᓂᔨᒡ ᓂᑦ ᐊᔭᒥᐊᐅᓂᔪᐤ᙮ 20 ᒪᒥᒋᑕᑯᓱᐤ ᒋᓴᒪᓂᑐᐤ ! ᐊ ᐊᑲ ᐛᐱᓇᐧᒃ ᓂᑦ ᐊᔭᒥᐊᐅᓂᔪᐤ, ᐊ ᐊᑲ ᐃᒐᓂᒧᐅᑦ ᐅᒋᔅᑎᒪᒐᔨᒋᒐᐅᓐ᙮ |
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
Wycliffe Bible Translators, Inc.