ᑎᐱᑦ ᐅᓂᑭᒧᐅᓇ 64 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ1 ᓂᑐᑐᐎ, ᐅ ᒋᓴᒪᓂᑐᐤ, ᓂᑦ ᐊᔭᒥᐊᐅᓂᒡ: ᑭᓄᐛᔨᑕ ᓂᐱᒪᑎᓯᐅᓐ ᐊ ᑯᔅᑎᒃ ᑲ ᐎ ᐎᔭᔅᑐᑐᐅᑦ᙮ 2 ᑲᐃ ᐊ ᒋᒧᑦ ᓯᒋᒥᑐᒡ ᐅᒥᒋᑥᐅᒡ; ᐊ ᐎ ᓂᑐᐱᔨᒡ ᑲ ᐎᔭᔅᑐᑐᐅᒡ ᐃᑎᒡ; 3 ᑲ ᒋᓂᑕᒡ ᐅᑕᔨᔪᐛᐛ ᒧᔭᒻ ᓂᑐᐱᔪᐅ-ᒧᐧᑯᒪᓂᔪᐤ, ᑭᔭ ᑲ ᐛᒋᓇᒡ ᐅᑦ ᐊᒐᐱᐛᐛ, ᒐᒋ ᐱᒧᒐᒡ ᐅᑦ ᐊᑭᔅᑯᐛᐛ, ᐊᑯ ᐃᔨᒧᐅᓇ ᐅᑎ; 4 ᒋᒧᑦ ᒐᒋ ᐱᒺᒡ ᑲ ᒥᔽᑎᓯᔨᒋ: ᓯᔅᒋᑯᒡ ᐱᒺᐛᒡ, ᓇᒪ ᑭᔭ ᑯᔅᑕᒋᐅᒡ᙮ 5 ᓯᒋᒥᑐᐅᒡ ᒥᒋ ᒐᒂᔪᐤ: ᓯᒋᒥᑐᐅᒡ ᒋᒧᑦ ᒐᒋ ᑕᐱᒂᒡ; ᐃᔅᒋᔄᐅᒡ, “ᐊᐛᔪᐛ ᒐ ᐛᐱᒥᑯᒡ ?” 6 ᓇᓂᑐᐛᐸᑎᒧᒡ ᒥᒐᑎᓯᐅᓇ; ᐛᓂᔅᒐ ᓇᓂᑐᐛᔨᒋᒐᐅᒡ ᒪᒧᐤ ᐱᒋᔪᐤ ᐅᒥᑐᓇᐃᒋᑭᓄᐛᒡ ᒥᓯᐛ ᐊ ᐃᑕᓯᒡ ᑭᔭ ᐅᑕᐃᐛᒡ ᑕᒥᔪᐤ᙮ 7 ᒪᒃ ᒋᓴᒪᓂᑐᐤ ᒋᑭ ᐱᒺᐤ ᐊᑭᔎ ᐅᒡ; ᓯᔅᒋᑯᒡ ᒋᑭ ᒥᔄᑭᓂᐧᑲᑕᑭᓄᐅᒡ᙮ 8 ᑎᐱᔽ ᐅᑕᔨᔪᐛᐛ ᒪᒃ ᒋᑭ ᐅᒋ ᑎᐧᑯᒧᔨᑎᓱᐅᒡ: ᒥᓯᐛ ᒐ ᐛᐱᒥᑯᒡ ᒋᑭ ᐅᓯᒧᔪᐛ᙮ 9 ᒥᓯᐛ ᐃᔪᒡ ᒪᒃ ᒋᑭ ᓴᒋᓯᐅᒡ, ᑭᔭ ᒋᑭ ᐎᑎᒺᐅᒡ ᐅᑦ ᐊᑐᔅᒐᐅᓂᔪᐤ ᒋᓴᒪᓂᑐᐛ; ᐛᔅ ᒋᑭ ᑭᒐᑕᐛᔨᑎᒧᐅ ᒥᑐᓇᔨᑎᒺᐅᒡ ᐅᑐᑎᒧᐅᓂᔪᐤ᙮ 10 ᐅᑯᐃᔅᑯᑕᑎᓯᐅᒡ ᒋᑭ ᒥᔽᔨᑎᒧᒡ ᑎᐸᔨᒋᒐᓱᐛ ᐅᒋ, ᑭᔭ ᒋᑭ ᒪᒥᓯᑐᑕᐛᐅᒡ; ᑭᔭ ᒥᓯᐛ ᑲ ᑯᐃᔅᑯᑕᐊᒡ ᒋᑭ ᒧᒋᒐᔨᑎᒧᒡ᙮ |
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
Wycliffe Bible Translators, Inc.