ᑎᐱᑦ ᐅᓂᑭᒧᐅᓇ 62 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ1 ᑕᑈ ᓂᑦ ᐊᒐᐧᒄ ᐊᓯᓄᐛᐊᐤ ᒋᓴᒪᓂᑐᐛ: ᐎᔾ ᐊᑕᑦ ᐅᒋᐱᔪᐤ ᓂᐱᒪᒋᐃᑯᓯᐅᓐ᙮ 2 ᐎᔾ ᒥᒄ ᓂᒋᔅᑕᐱᔅᑯᒻ ᑭᔭ ᓂᐱᒪᒋᐃᑯᓯᐅᓐ; ᐎᔾ ᓂᒋᔅᐸᐛᑎᑯᓯᐅᓐ; ᓇᒪᐎᔾ ᓇᔅᒡ ᓂᑭ ᐊᒋᐸᔨᐃᑯᐅᓐ᙮ 3 ᑕᓐ ᐊᔪᐛᒃ ᒐ ᐃᑕᔨᑎᒪᒄ ᒐ ᒪᔭᔨᒪᒄ ᐃᔪᐤ ? ᒋᑭ ᓂᐸᐃᑯᐅᓇᐛᐤ ᒥᓯᐛ ᐊ ᑎᓯᔭᒄ: ᒧᔭᒻ ᑲ ᑲᐛᐛᐱᔨᒡ ᒪᓂᑭᓐ ᒋᑭ ᐃᓯᓇᑯᓯᓇᐛᐤ, ᑭᔭ ᒧᔭᒻ ᑲ ᑯᔅᑯᐱᔨᒡ ᒪᓂᑭᓐ᙮ 4 ᒥᒄ ᓯᒋᒥᑐᒡ ᐅᑦ ᐃᔅᐸᔨᑕᑯᓱᓂᒡ ᒐᒋ ᐅᒋ ᓂᒋᐛᐳᐛᒡ; ᒥᔽᔨᑎᒧᒡ ᑭᑭᒋᔭᐅᓇ; ᐅᑐᓄᐛᒡ ᐅᒋ ᒥᔽᒋᒧᐛᐅᒡ, ᒪᒃ ᐱᒋᔪᐤ ᒪᒐᒋᒧᐛᐅᒡ᙮ 5 ᓂᑦ ᐊᒐᐧᒄ, ᒋᑭ ᐊᓯᓄᐛᐤ ᒋᓴᒪᓂᑐᐛ ᒥᒄ; ᐛᔅ ᐎᔾ ᓂᑦ ᐊᔅᐸᔨᒪᐤ᙮ 6 ᐎᔾ ᒥᒄ ᓂ ᒋᔅᑕᐱᔅᑯᒻ ᑭᔭ ᓂ ᐱᒪᒋᐃᑯᓯᐅᓐ; ᐎᔾ ᓂ ᓇᑕᒪᑯᓯᐅᓐ; ᓇᒪ ᓂᑕ ᓂᑭ ᒋ ᐊᒋᐸᔨᐃᑯᐅᓐ᙮ 7 ᒋᓴᒪᓂᑐᒡ ᐃᑎᔅᑕᐤ ᓂ ᐱᒪᒋᐃᑯᓯᐅᓐ ᑭᔭ ᓂᒋᔅᑕᔨᑕᑯᓯᐅᓐ; ᐊ ᒋᔅᑕᐱᔅᑯᐅᒡ ᓂ ᒥᔅᑯᐅᓯᐅᓐ, ᑭᔭ ᓂ ᓇᑕᓯᒧᐅᓐ ᒋᓴᒪᓂᑐᒡ ᐃᑎᔅᑕᐤ᙮ 8 ᒪᒥᓯᑐᑕᐧᒄ ᑲᒋᒡ; ᒋᔨᐛᐤ ᐃᔨᑐᒄ, ᓯᒋᓇᒧᐛᐧᒄ ᒋᑕᐃᐛᐛ: ᒋᓴᒪᓂᑐᐤ ᒋᓇᑕᓯᒧᐅᓇᓄᐤ᙮ 9 ᒐᔅᑎᓇᔅ ᐃᔪᒡ ᑲ ᐊᐱᔅᑕᔨᑕᑯᓯᒡ ᓂᑐᐎᔾ ᐃᑕᔨᑕᑯᓱᐅᒡ, ᑭᔭ ᐃᔪᒡ ᑲ ᐃᔅᐸᔨᑕᑯᓯᒡ ᑭᑭᒋᔭᐅᒡ: ᒐᒋ ᑎᐸᔅᑯᓇᑭᓄᐅᒡ, ᐅᔅᑕ ᔭᐧᑭᓱᐅᒡ ᐃᔅᐱᔅ ᓂᑐᐎᔾ ᒐᒂᓐ᙮ 10 ᐊᑲᐎᔾ ᒪᒥᓯᑐᑎᒧᒄ ᐊᔨᒥᐃᐛᐅᓐ, ᐊᑲ ᑭᔭ ᒋᔅᑕᔨᒧᒄ ᒪᔅᑲᑥᐅᓂᒡ; ᐃᔅᐱᔅ ᐃᔅᐱᐱᔨᒂᐛ ᒋᐛᔨᑎᓱᐅᓄᐛᐛ, ᐊᑲᐎᔾ ᐊᓐᑕ ᐃᑎᔅᑕᒄ ᒋᑕᐃᐛᐛᐤ᙮ 11 ᒋᓴᒪᓂᑐᐤ ᒋ ᐃᔨᒧᐤ ᐸᐃᒂᐤ; ᓂᔄᐤ ᐅ ᓂᒋ ᐸᑕᓐ; ᑭᔅᒋᐅᓂᔪᐤ ᐊ ᑎᐱᔽᐅᓯᑦ ᒋᓴᒪᓂᑐᐤ᙮ 12 ᒋᔾ ᑭᔭ, ᐅ ᑎᐸᔨᒋᒐᓱᐤ, ᒋ ᑎᐱᔽᐅᓯᓐ ᓱᐛᔨᒋᒐᐅᓐ; ᐛᔅ ᒋᑦ ᐃᓯ ᒥᔭᐤ ᒥᓯᐛ ᑕᑐᐤ ᐃᔪᐤ ᑲ ᐃᓯᓇᒂᓂᔨᒡ ᐅᑦ ᐊᑐᔅᒐᐅᓐ᙮ |
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
Wycliffe Bible Translators, Inc.