ᑎᐱᑦ ᐅᓂᑭᒧᐅᓇ 60 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ1 ᐅ ᒋᓴᒪᓂᑐᐤ, ᒋ ᒋᐛᐱᓂᓇᓐ, ᔅᒋ ᐛᓴᔄᐱᓂᓇᓐ; ᔅᒋ ᓇᔭᑐᐛᔨᑕᓐ; ᐅ ᒋᐛ ᒂᔅᒋᑲᐳᐅᔅᑐᐅᓇᓐ᙮ 2 ᔅᒋ ᓇᓇᐱᔨᑕᓐ ᐊᔅᒋᔾ; ᔅᒋ ᐱᑯᓇᓐ᙮ ᒥᔽᓯᑕ ᐊ ᒪᔅᑲᒡ; ᐛᔅ ᑯᔅᑯᐱᔪᐤ᙮ 3 ᔅᒋ ᐛᐸᑎᔭᐅᒡ ᒋᑦ ᐃᔨᒥᒡ ᑲ ᐊᔨᒥᓂᔨᒋ: ᔅᒋ ᑐᑐᐅᓇᓐ ᒐᒋ ᒥᓂᔭᒡ ᒪᒥᔅᑲᑕᒧᐎ ᓱᒥᓇᐳᔾ᙮ 4 ᔅᒋ ᒥᔽᐅᒡ ᐊᔭᒥᐊᐅᓂᔪᐤ ᐊᓐᒡ ᑲ ᓇᓂᒋᔅᑕᔅᒡ, ᒐᒋ ᓄᑯᑕᑭᓄᐎᒡ ᑕᑈᐅᒡ᙮ 5 ᒋᓴᒋᐊᑭᓐ ᒐᒋ ᐱᒪᒋᐊᑭᓄᐅᑦ; ᐱᒪᒋᐃ ᒋᒥᔪᐅᓂᒡ ᐅᒡ, ᓂᑐᑐᐎ ᒪᒃ᙮ 6 ᒋᓴᒪᓂᑐᐤ ᒋ ᐃᔨᒧᐤ ᐅᐸᔭᒋᓯᐅᓂᒡ; “ᓂᑭ ᒥᔽᔨᑕᓐ, ᓂᑭ ᐸᐸᔅᒋᑎᓇᓐ ᓴᑭᒻ, ᓂᑭ ᑎᐸᐊᓐ ᑭᔭ ᐊ ᐱᓴᒡ ᓱᑯᑦ᙮” 7 ᑭᓕᐊᑦ ᓂ ᑎᐸᔨᑕᓐ, ᒪᓇᓴ ᑭᔭ ᓂ ᑎᐸᔨᑕᓐ; ᐃᑉᕋᐃᒻ ᑭᔭ ᑲ ᐅᒋ ᒥᔅᑯᐛᒡ ᓂᔅᑎᒂᓐ; ᒍᑕ ᐊᐅᒄ ᓂᐎᓱᐛᐅᐃᔨᒻ; 8 ᒧᐊᑉ ᓂᒋᔅᑕᐸᐎᔭᑭᓐ; ᐃᑕᒥᒡ ᓂᑭ ᐃᓯ ᐛᐱᓇᓐ ᓂᒥᔅᒋᓇ; ᐱᓕᔅᑕᐃᓐ ᐊᔅᒋᔾ ᒥᔽᔨᑕ ᓂᔾ ᐅᒡ᙮ 9 ᐊᐛᓐ ᒐ ᐸᓱᐅᑦ ᒥᔅᑯᐎ ᐅᑕᓇᒡ ? ᐊᐛᓐ ᒐ ᐃᑐᑕᐃᑦ ᐃᑕᒥᒡ ? 10 ᓇᒪ ᐊ ᒋᔾ, ᐅ ᒋᓴᒪᓂᑐᐤ, ᑲᒋ ᐛᐱᓂᔭᒡ ? ᒋᔾ ᒪᒃ, ᐅ ᒋᓴᒪᓂᑐᐤ, ᐊᑲ ᐛᒡ ᐎᒐᐅᑥᐤ ᓂᓂᑐᐱᔪᐅ-ᐃᔨᒥᓇᓐᒡ ? 11 ᐎᒋᐃᓇᓐ ᐊᔨᒥᓯᐅᓂᒡ ᐅᒡ: ᐛᔅ ᓇᒪ ᒐᒂᓐ ᐃᑕᔨᑕᑯᓂᔪᐤ ᐅᐎᒋᐃᐛᐅᓐ ᐃᔪᐤ᙮ 12 ᒋᓴᒪᓂᑐᐤ ᐅᒋ ᒋᑭ ᓱᒋᑕᐊᐅ-ᑐᑕᓇᓄᐤ: ᐛᔅ ᐎᔾ ᐊᐅᑯᓐ ᒐ ᑕᑯᔅᑲᑕᑦ ᐊᓂᔭ ᑲ ᒪᓯᔨᑎᑕᐧᑯᐤ᙮ |
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
Wycliffe Bible Translators, Inc.