ᑎᐱᑦ ᐅᓂᑭᒧᐅᓇ 6 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ1 ᐅ ᑎᐸᔨᒋᒐᓱᐤ, ᐊᑲᐎᔾ ᒋᑐᓯ ᐊ ᒋᔄᓯᔨᓐ, ᐊᑲ ᑭᔭ ᐸᐱᓯᔅᑕᐎ ᐊ ᐊᐧᑯᐎᔭᔅᑕᔨᑎᒥᓐ᙮ 2 ᒋᔅᑎᒪᒐᔨᒥ, ᐅ ᑎᐸᔨᒋᒐᓱᐤ, ᐛᔅ ᓂ ᐃᔨᔨᒥᓯᓐ: ᐅ ᑎᐸᔨᒋᒐᓱᐤ, ᒥᓏᒋᐃ, ᐛᔅ ᓂᐅᔅᑕᒪᒋᐅᓐ ᓂᔅᑭᓂᒡ᙮ 3 ᓂᑦ ᐊᒐᐧᒄ ᓇᔅᒡ ᐅᔅᑕᐱᔪᐤ: ᒪᒃ ᒋᔾ, ᐅ ᑎᐸᔨᒋᒐᓱᐤ, ᑕᓐ ᒐ ᐃᔅᐱᔅ ᐊᔅᒄ ᐊᓱᐛᐸᑎᒥᓐ ᒐᒋ ᐎᒋᔨᓐ ? 4 ᒂᔅᒋ, ᐅ ᑎᐸᔨᒋᒐᓱᐤ, ᐱᒪᒋ ᓂᑦ ᐊᒐᐧᒄ: ᐅ, ᐱᒪᒋᐃ, ᒋᓱᐛᔨᒋᒐᐅᓐ ᐅᒡ᙮ 5 ᐛᔅ ᓂᐳᐅᓂᒡ ᓇᒪᐎᔾ ᒋ ᒋᔅᒋᑕᑯᐅᓐ: ᐊᐛᓐ ᒐ ᓂᓇᔅᑯᒥᔅᒃ ᒋᐱᐃᒋᐛᐱᒡ ᐅᒡ ? 6 ᓂᑦ ᐊᔭᔅᑯᐃᑯᓐ ᐊ ᒪᒪᑥᔭᓐ; ᐃᔅᑭᓂ ᑎᐱᔅᑲᐛ ᓂᒋ ᒋᔅᑕᐸᐅᑕᓐ ᓂᓂᐸᐅᓐ; ᓂ ᓂᐱᐅᑕᓐ ᓂᑦ ᐊᔎᓯᒧᓐ ᐊ ᐅᒋᐧᑯᐛᐱᔭᓐ ᐅᒡ᙮ 7 ᓂᔅᒋᓯᒄ ᓂᓱᐅᓇᑎᓐ ᐊᔅᐱᔅ ᒥᑯᔅᑲᑕᔨᑎᒪᓐ; ᓇᒪ ᓂ ᐛᐸᑕᓐ ᒥᓯᐛ ᑲ ᐛᐧᑲᓯᒡ ᐅᒡ᙮ 8 ᓂᑭᓯᒄ, ᒥᓯᐛ ᑲ ᒥᒋᐃᑎᔭᒄ; ᐛᔅ ᑎᐸᔨᒋᒐᓱᐤ ᒋ ᐸᑎᒻ ᑲ ᐃᑎᑕᑯᓂᔨᒡ ᓂᒪᐅᓂᔪᐤ᙮ 9 ᑎᐸᔨᒋᒐᓱᐤ ᒋ ᐸᑎᒻ ᓂᓂᑐᑎᒪᒐᐅᓂᔪᐤ; ᑎᐸᔨᒋᒐᓱᐤ ᒋᑭ ᐱᓯᒋᑎᒻ ᓂᑦ ᐊᔭᒥᐊᐅᓂᔪᐤ᙮ 10 ᐊᑯᔅ ᒥᓯᐛ ᑲ ᐛᐧᑲᓯᒡ ᒋᑭ ᓯᓴᒂᔨᒧᐅᒡ ᑭᔭ ᓇᔅᒡ ᒋᑭ ᒥᑯᔅᑲᑕᔨᑎᒧᒡ; ᐊᑯᔅ ᒋᑭ ᒋᐛᐅᒡ ᑭᔭ ᓯᔅᒋᑯᒡ ᒋᑭ ᓯᓴᒂᔨᒧᐅᒡ᙮ |
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
Wycliffe Bible Translators, Inc.