ᑎᐱᑦ ᐅᓂᑭᒧᐅᓇ 52 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ1 ᒐᒂᓐ ᐛᒋ ᒋᐧᑲᔭᒋᒧᔨᓐ ᒪᔭᔨᒐᐅᓂᒡ, ᐅ ᓱᐧᑲᑎᓯᔨᓐ ᐃᔪᐤ ? ᐅᒥᔽᑎᓯᐅᓐ ᒋᓴᒪᓂᑐᐤ ᑲᒋᒡ ᑎᑯᓂᔪᐤ᙮ 2 ᒋᑕᔨᔾ ᒥᒐᑎᓯᐎᑎᒥᑭᓐ; ᒧᔭᒻ ᐊᒋᓇᒡ ᑲᔅᑲᔨᔅᑐᐛᓐ, ᐊᐅᔭᓯᐃᐛᐤ ᐊᑐᔅᒐᒥᑲᒡ᙮ 3 ᐊᑐᐎᔅ ᒋ ᓴᒋᑕᓐ ᑲ ᒪᔭᑎᒡ ᐃᔅᐱᔅ ᑲ ᒥᔽᓯᒡ, ᑭᔭ ᑭᑭᒋᔭᐅᓐ ᐃᔅᐱᔅ ᒐᒋ ᐃᔭᔨᒧᑎᒥᓐ ᑯᐃᔅᑯᑕᑎᓯᐅᓐ᙮ 4 ᒋ ᓴᒋᑕᓐ ᒥᓯᐛ ᓂᓱᐅᓇᒋᒧᐛᐅᓇ, ᐅ ᒋᔾ ᑭᑭᒋᔭᐤ ᒥᑕᔨᔾ᙮ 5 ᒋᓴᒪᓂᑐᐤ ᒋᑭ ᓇᔅᐱᒋ ᓂᓱᐅᓇᒋᐃᒄ: ᒋᑭ ᐅᑎᓂᒄ, ᒋᑭ ᐃᒐᓂᒄ ᐊᓐᑕ ᐊ ᐃᑕᔨᓐ ᐅᒋ, ᑭᔭ ᒋᑭ ᐱᐧᑯᒋᐱᑎᒄ ᐅᑦ ᐊᔅᒋᔨᒡ ᐅᐱᒪᑎᓯᐛ ᐅᒋ᙮ 6 ᐅᑯᐃᔅᑯᑕᑎᓯᐅᒡ ᑭᔭ ᒋᑭ ᐛᐸᑎᒧᒡ, ᑭᔭ ᒋᑭ ᓴᒋᓱᐅᒡ, ᑭᔭ ᒋᑭ ᐅᓯᓂᐛᐅᒡ, ᐊ ᐃᔅᒋᔄᒡ, 7 “ᐛᐸᑎᒥᒄ, ᐅ ᐊᐅᑯᓐ ᐃᔪᐤ ᐊᑲ ᐛᒡ ᐊᔅᐸᔨᒧᑐᑐᐛᑦ ᒋᓴᒪᓂᑐᐛ ᒐᒋ ᒥᔅᑯᐅᓯᐃᑯᑦ: ᒪᒃ ᒋ ᒪᒥᓯᑐᑎᒻ ᑲ ᒥᒐᓂᔨᒋ ᐅᐛᔪᑎᓯᐅᓇ, ᑭᔭ ᑲᒋ ᐊᔨᒋᐃᑎᓱᑦ ᐅᒥᒋᑥᐅᓂᒡ᙮” 8 ᒪᒃ ᓂᔾ ᓂ ᓂᔅᐱᑐᐛᐤ ᐊ ᓯᐸᔭᑯᓯᑦ ᐊᓕᐸᑎᒄ ᐎᒋᒡ ᒋᓴᒪᓂᑐᐤ: ᓂᑭ ᒪᒥᓯᑐᑎᒺᓐ ᐅᒋᔅᑎᒪᒐᔨᒋᒐᐅᓐ ᒋᓴᒪᓂᑐᐤ ᑲᒋᒡ ᑭᔭ ᑲᒋᒡ᙮ 9 ᒋᑭ ᒪᒥᒋᒥᑎᓐ ᑲᒋᒡ, ᐛᔅ ᒋᔾ ᔅᒋ ᑐᑕᓐ: ᓂᑭ ᐊᓯᓂᐛᑕᓐ ᑭᔭ ᒋᑦ ᐃᓯᓂᐧᑲᓱᐅᓐ; ᐛᔅ ᒥᔽᓯᔪᐤ ᐅᑎᔅᑯᐤ ᒋᐸᔭᒋᓯᒥᒡ᙮ |
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
Wycliffe Bible Translators, Inc.