ᑎᐱᑦ ᐅᓂᑭᒧᐅᓇ 43 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ1 ᑎᐸᔅᑯᓂ, ᐅ ᒋᓴᒪᓂᑐᐤ ᑭᔭ ᓇᑎᒧᐎ ᐊᑲ ᒋᓴᒪᓂᑐᐛᑎᓯᒡ ᐊ ᐃᑎᔅᑲᓇᓯᒡ ᐃᔪᒡ ᐅᒡ: ᐅ ᐎᐧᑯᒋᐃ ᑭᑭᒋᔭᓯᐤ ᑭᔭ ᑲ ᒥᒋ ᐃᑎᑦ ᐃᔪᐤ ᐅᒡ᙮ 2 ᐛᔅ ᒋᔾ ᒋᓴᒪᓂᑐᐤ ᑲ ᐅᒋᐱᔨᒡ ᓂ ᒥᔅᑯᐅᓯᐅᓐ: ᑕᓇᒡ ᐛᒋ ᐛᐱᓂᔨᓐ ? ᑕᓇᒡ ᐛᒋ ᓇᓇᐧᑲᒋᒧᔭᓐ ᐊ ᐊᔨᒥᐃᑦ ᑲᐛᐧᑲᓯᑦ᙮ 3 ᐸᒋ ᐃᑎᓴᐊ ᒋᐛᓴᔭᓯᐅᓐ ᑭᔭ ᒋᑕᑈᐅᓐ᙮ ᐊᑯᔅ ᓂᑭ ᒋᔅᒋᓄᑕᐃᑯᓐ; ᐊᑯᔅ ᓂᑭ ᐃᑐᑕᐃᑯᓐ ᒋᐸᔭᒋ ᐱᔅᑯᑎᓇᒥᒡ, ᑭᔭ ᒋ ᒥᒋᐛᒥᒡ᙮ 4 ᐊᑯ ᒐ ᓇᑎᒧᒡ ᐅᐱᔅᑎᓂᒐᐅᓇᐱᔅᒄ ᒋᓴᒪᓂᑐᐤ, ᒋᓴᒪᓂᑐᐤ ᓂᒋᓴᒥᔽᔨᑎᒧᐅᓐ: ᓂᐦᐃ, ᐊᓯᑭᓇᔭᐱᔾ ᒋᔍᐛᐱᒋᑭᓂᒡ ᒋᑭ ᒪᒥᒋᒥᑎᓐ, ᐅ ᒋᓴᒪᓂᑐᐤ, ᓂᒋᓴᒪᓂᑐᒻ᙮ 5 ᑕᓇᒡ ᐛᒋ ᑯᐸᑕᔨᒧᔨᓐ, ᐅ ᓂᑦ ᐊᒐᐧᒄ ? ᑕᓇᒡ ᑭᔭ ᐛᒋ ᒥᑯᔅᑲᑕᔨᑎᒥᐃᑯᐅᔨᓐ ? ᐊᔅᐸᔨᒧᑐᑐᐤ ᒋᓴᒪᓂᑐᐤ: ᐛᔅ ᐃᔭᐱᒡ ᓂᑭ ᒪᒥᒋᒪᐤ, ᑲ ᐅᒋ ᒥᔪᐊᔭᔭᓐ, ᑭᔭ ᓂᒋᓴᒪᓂᑐᒻ᙮ |
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
Wycliffe Bible Translators, Inc.