ᑎᐱᑦ ᐅᓂᑭᒧᐅᓇ 42 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐᒥᓯᓇᐃᑭᓐ 2 1 ᒧᔭᒻ ᐊᑎᐧᒄ ᑲ ᐃᓯ ᓄᑕᔭᐸᒂᑐᑕᐧᒃ ᓯᐱᓯᓱᐛᐳᔪᐤ, ᐊᑯ ᒧᔭᒻ ᓂᑦ ᐊᒐᐧᒄ ᐊᓯ ᓄᑕᔭᐸᒂᑐᑕᔅᒃ, ᐅ ᒋᓴᒪᓂᑐᐤ᙮ 2 ᓂᑦ ᐊᒐᐧᒄ ᓄᑕᔭᐸᒂᑐᑐᐛᐤ ᒋᓴᒪᓂᑐᐛ, ᐸᒪᑎᓯᔨᒋ ᒋᓴᒪᓂᑐᐛ: ᑕᐃᔅᐱ ᒐ ᐸᒋ ᓄᑯᐃᑎᓱᔅᑐᐅᑦ ᒋᓴᒪᓂᑐᐤ ? 3 ᓂᔅᒋᓯᑯᒡ ᑲ ᐅᒋᑯᐅᒡ ᐊᐅᒄ ᓂᒥᒋᒻ ᐊ ᒋᓯᑲᒡ ᑭᔭ ᑎᐱᔅᑲᒡ, ᒪᒂᒡ ᓇᓂᑎᒻ ᐊ ᐃᓯᒡ, “ᑕᓐᑕ ᐊ ᑕᑦ ᒋᒋᓴᒪᓂᑐᒻ ?” 4 ᐃᔅᐱ ᐅᔭ ᒐᔅᒋᓯᔭᓂ, ᓂ ᓯᒋᓇᒪᓱᓐ ᓂᑦ ᐊᒐᐧᒄ: ᐛᔅ ᓂᒋ ᐎᒐᐛᐅᒡ ᑲ ᒪᒧᒥᒐᑎᒡ; ᓂᒋ ᐎᒐᐛᐅᒡ ᒋᓴᒪᓂᑐᐛ ᐅᒥᒋᐛᐱᒥᔨᒡ, ᐊᓯᒡ ᐊ ᐸᑕᒂᒡ ᒥᔽᔨᑎᒧᐅᓐ ᑭᔭ ᒪᒥᒋᒧᐛᐅᓐ, ᐊ ᐎᒐᐅᒂᐤ ᑲ ᒪᒧᒥᒐᑎᒡ ᐊ ᑭᓄᐛᔨᑕᒡ ᐸᔭᒋ ᒋᓯᑯᔪᐤ᙮ 5 ᒐᒂᓐ ᐛᒋ ᑯᐸᑕᔨᒧᔨᓐ ᐅ ᓂᑦ ᐊᒐᐧᒄ ? ᒐᒂᓐ ᐛᒋ ᒥᑯᔅᑲᑕᔨᑎᒥᐃᑯᔨᓐ ? ᐊᔅᐸᔨᒧᑐᑐᐤ ᒋᓴᒪᓂᑐᐤ: ᐛᔅ ᐃᔭᐱᒡ ᓂᑭ ᓂᓇᔅᑯᒪᐤ ᐊᒋ ᐎᒋᐃᑯᐅᒡ ᐅᑕᔅᑎᒥᐧᒄ᙮ 6 ᐅ ᓂᒋᓴᒪᓂᑐᒻ, ᓂᑦ ᐊᒐᐧᒄ ᑯᐸᑕᐃᒧᐤ; ᐊᐅᒄ ᐅᒋ ᒋᑭ ᒋᔅᒋᑐᑕᑎᓐ ᒠᕐᑕᓐ ᐊᔅᒋᒡ ᐅᒡ, ᑭᔭ ᐦᐊᕐᒧᓇᐃᑕᒃ, ᒪᐃᓴᕐ ᐱᔅᑯᑎᓇᒡ ᐅᒡ᙮ 7 ᐊᑎᒥᒡ ᑕᑈᑕᒧᒪᑭᓐ ᐊᑎᒥᒡ, ᐊ ᐊᐸᑕᑯᓯᒥᑲᒋ ᒋ ᐸᐅᔅᑎᑯᒪ: ᒥᓯᐛ ᒋ ᒪᒪᐧᑲᐊᒧᒡ ᑭᔭ ᒋ ᑭᔅᑭᓂᒪᒡ ᓂᑭ ᐊᑯᓇᐅᑯᒡ᙮ 8 ᐃᔭᐱᒡ ᒪᒃ ᑎᐸᔨᒋᒐᓱᐤ ᒋᑭ ᐃᑎᓱᐛᑎᒻ ᐅᓴᒋᐃᐛᐅ ᒋᓴᐛᑎᓯᐅᓐ ᒪᒂᒡ ᐊ ᒋᓯᑲᔨᒡ, ᑭᔭ ᒪᒂᒡ ᐊ ᑎᐱᔅᑲᔨᒡ ᓂᑭ ᓂᑭᒧᔅᑐᐛᐤ, ᑭᔭ ᓂᑭ ᐊᔭᒥᐊᔅᑕᐛᐤ ᒋᓴᒪᓂᑐᐤ ᑲ ᐅᒋ ᐱᒪᑎᓯᔭᓐ᙮ 9 ᓂᑭ ᐃᑕᐤ ᒋᓴᒪᓂᑐᐤ ᓂᒋᔅᑕᐱᔅᑯᒻ, “ᑕᓇᒡ ᐛᒋ ᒋ ᐛᐱᓂᔨᓐ ? ᑕᓇᒡ ᐛᒋ ᓂᓇᐧᑲᒋᒧᔭᓐ ᐊ ᐊᔨᒥᐃᑦ ᑲᐛᐧᑲᓯᑦ ?” 10 ᑭᔭ ᒥᒄ ᓯᒪᑭᓐ ᐊ ᐃᑎᒂᒡ ᓂᔅᑭᓂᒡ, ᑲ ᐛᐧᑲᓯᒡ ᓂ ᒋᔅᑐᑎᑯᒡ; ᒪᒂᒡ ᓇᓂᑎᒻ ᐊ ᐃᓯᒡ, “ᑕᓐᑕ ᐊ ᑕᑦ ᒋᒋᓴᒪᓂᑐᒻ ?” 11 ᑕᓇᒡ ᐛᒋ ᑯᐸᑕᐃᒧᔨᓐ, ᐅ ᓂᑦ ᐊᒐᐧᒄ ? ᑕᓇᒡ ᐛᒋ ᑭᔭ ᒥᑯᔅᑲᑕᔨᑎᒥᐃᑯᐅᔨᓐ ? ᐊᔅᐸᔨᒧᑐᑐᐤ ᒋᓴᒪᓂᑐᐤ; ᐛᔅ ᐃᔭᐱᒡ ᓂᑭ ᒪᒥᒋᒪᐤ, ᑲ ᐅᒋ ᒥᔪᐊᔭᔭᓐ, ᑭᔭ ᓂᒋᓴᒪᓂᑐᒻ᙮ |
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
Wycliffe Bible Translators, Inc.