ᑎᐱᑦ ᐅᓂᑭᒧᐅᓇ 32 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

Psalm 32 (Lent-1 Year A) Psalm 32 (Lent-4, Proper-26 Year C)

¹ ᓱᐛᔨᑕᑯᓱᐤ ᐊᓐ ᐅᐅᓂᑐᑎᒧᐅᓇ ᑲ ᐛᐸᔨᑕᑭᓄᐎᔨᒋ, ᐅᒥᒋᑥᐅᓇ ᑲ ᐊᒂᓇᐃᑭᓄᐎᔨᒋ᙮

² ᓱᐛᔨᑕᑯᓱᐤ ᐊᓐ ᐃᔪᐤ ᒥᒐᑎᓯᐅᓂᔪᐤ ᐊᑲ ᒐᒂᓐ ᐃᑎᒋᑎᒪᑯᑦ ᑎᐸᔨᒋᒐᓱᐛ, ᑭᔭ ᐅᑦ ᐊᒐᐧᑯᒡ ᐊᑲ ᐱᒋᔅᑲᑯᑦ ᑭᑭᒋᔭᐅᓂᔪᐤ᙮

³ ᐃᔅᐱ ᑲᒋ ᒋᒺᔭᓐ, ᓂᔅᑭᓇ ᒋ ᐊᑎ ᒐᔭᓯᓇᑯᓇ ᐊᒪᔭᓐ ᐃᔅᑭᓐ ᒋᓯᑲᐛ᙮

⁴ ᐛᔅ ᐊ ᒋᓯᑲᒡ ᑭᔭ ᐊ ᑎᐱᔅᑲᒡ ᔅᑎᒋᔾ ᓂ ᑯᓯᑯᔅᑲᑯᓐ: ᓂᑎᑈᓱᐅᓐ ᒧᔭᒻ ᐊ ᐸᔅᑕᒡ ᒪᒂᒡ ᐊ ᓂᐱᒡ᙮

⁵ ᔅᒋ ᐎᑎᒪᑎᓐ ᓂᒥᒋᑐᑎᒧᐅᓇ, ᓇᒪ ᑭᔭ ᓂ ᐅᒋ ᑲᑕᓐ ᓂᒥᒐᑎᓯᐅᓇ᙮ ᓂᒋ ᐃᔨᓐ, ᓂᑭ ᐎᑎᒧᐛᐤ ᑎᐸᔨᒋᒐᓱᐤ ᓂᐅᓂᑐᑎᒧᐅᓇ; ᒋᔾ ᒪᒃ ᔅᒋ ᐛᐸᔨᑕᓐ ᐊ ᐃᓯ ᒥᒐᑎᓯᒥᑲᒡ ᓂᒥᒋᑐᑎᒧᐅᓐ᙮

⁶ ᐅ ᒪᒃ ᐅᒋ ᒥᓯᐛ ᑕᑐᐤ ᐊᐛᓐ ᑲ ᐊᔭᒥᐊᐛᑎᓯᑦ ᒋᑭ ᐊᔭᒥᐊᔅᑕᒄ ᒪᒂᒡ ᐊᔅᒄ ᒐᒋ ᒥᔅᑲᑯᐎᔨᓐ: ᒐᔅᑎᓇᔅ ᐊ ᒥᔅᑎ ᐃᔅᒋᐳᑕᔨᒡ, ᓇᒪᐎᔾ ᒥᒋᒪ ᒋᑭ ᓇᑎᑯᐤ᙮

⁷ ᒋᔾ ᐊ ᑕᔨᓐ ᐊᑯᑕ ᒐ ᑲᓱᔭᓐ; ᒋᑭ ᒥᑕᒂᓂᒧᐅᓐ ᐊᔨᒥᓱᐅᓐ: ᒋᑭ ᐛᔅᑲᔅᑯᐅᓐ ᐱᒪᒋᐃᐛᐅ ᓂᑭᒧᐅᓇ ᐅᒡ᙮

⁸ ᒋᑭ ᐎᑎᒪᑎᓐ, ᑭᔭ ᒋᑭ ᒋᔅᑯᑎᒪᑎᓐ ᐊᓐᑕ ᒐ ᐃᑐᑕᔨᓐ: ᒋᑭ ᒋᔅᒋᓄᑕᔨᑎᓐ ᓂᔅᒋᓯᒄ ᐅᒡ᙮

⁹ ᐊᑲᐎᔾ ᓇᔅᐱᑕᐧᒄ ᑲᐸᐃᑭᔎᐤ, ᑭᔭ ᒪᒃ ᑲᓂᐧᑲᑎᓯᑦ ᑲᐸᐃᑭᔎᐤ, ᐊ ᐊᑲ ᐅᓂᔅᑐᑎᒧᐅᓂᒡ: ᐅᑐᓄᐛᐛ ᑲ ᒥᒋᒥᐱᑕᔨᒋ ᒋᑐᐱᒋᑭᓂᔪᐤ ᐅᒡ ᐊᑲ ᒥᒋᒪ ᒐᒋ ᓇᑎᔅᒡ᙮

¹⁰ ᒥᒐᑦ ᑯᐸᑕᔨᑎᒧᐅᓇ ᒋᑭ ᐅᑎᑎᑯᐅᒡ ᐅᒥᒋᑥᐅᒡ: ᒪᒃ ᐊᓐ ᑲ ᒪᒥᓯᑐᑐᐛᑦ ᑎᐸᔨᒋᒐᓱᐛ ᒋᑭ ᐛᔅᑲᔅᑲᑯᐤ ᒋᔅᑎᒪᒐᔨᒋᒐᐅᓂᔪᐤ᙮

¹¹ ᓯᒋᔭᓯᔅᑕᐧᒄ ᑎᐸᔨᒋᒐᓱᐤ, ᒥᔽᔨᑎᒧᒄ ᒪᒃ, ᒋᔨᐛᐤ ᑲ ᑯᐃᔅᑯᑕᑎᓯᔭᒄ: ᒋᔄᐛᒄ ᐊ ᑕᑈᔭᒄ ᒪᒃ ᐊᔅᐱᔅ ᒥᔽᔨᑎᒪᒄ, ᒥᓯᐛ ᒋᔨᐛᐤ ᑲ ᑯᐃᔅᑯᑕᐊᔭᒄ᙮