ᑎᐱᑦ ᐅᓂᑭᒧᐅᓇ 30 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

Psalm 30 (Epiphany-6 Year B; Easter-3 Year C)

¹ ᒋᑭ ᒋᔅᑕᒋᒥᑎᓐ, ᐅ ᑎᐸᔨᒋᒐᓱᐤ, ᐛᔅ ᔅᒋ ᐅᐱᓐ, ᓇᒪ ᑭᔭ ᒋ ᐅᒋ ᐃᑐᑐᐛᐅᒡ ᑲ ᐛᐧᑲᓯᒡ ᒐᒋ ᒥᔽᔨᑕᒡ ᓂᔾ ᐅᒋ᙮

² ᐅ ᑎᐸᔨᒋᒐᓱᐤ ᓂᒋᓴᒪᓂᑐᒻ, ᔅᒋ ᒧᔅᑯᐛᑎᑎᓐ; ᔅᒋ ᒥᓏᒋᐃᓐ ᒪᒃ᙮

³ ᐅ ᑎᐸᔨᒋᒐᓱᐤ, ᔅᒋ ᐸᓱᐛᐤ ᓂᑦ ᐊᒐᐧᒄ ᓂᒂᔅᑲᓂᒡ ᐅᒋ: ᔅᒋ ᐱᒪᒋᐃᓐ, ᒐ ᐊᑲ ᒋ ᓂᑎᒋᐛᔭᓐ ᓂᒂᔅᑲᓂᒡ᙮

⁴ ᓂᑭᒧᔅᑐᐛᐧᒄ ᑎᐸᔨᒋᒐᓱᐤ, ᐅ ᒋᔨᐛᐤ ᐅ ᐸᔭᒋᓯᒪ, ᓂᓇᔅᑯᒥᐧᒄ ᑭᔭ ᐊ ᒋᔅᒋᑎᒺᒄ ᐅᐸᔭᒋᓯᐅᓐ᙮

⁵ ᐛᔅ ᐛᐃᐱᔅᒋᔅ ᒥᒄ ᐱᒥᐱᔪᐤ ᐅᒋᔄᓱᐅᓐ; ᐅᒥᔪᑐᑕᒐᐅᓐ ᑲᒋᒡ ᐱᒪᑎᓯᐅᓂᔪᐤ: ᒪᐅᓐ ᐃᔅᑭᓐ ᑎᐱᔅᑲᐛ ᐱᒥᐱᔪᐤ, ᒪᒃ ᒥᔽᔨᑎᒧᐅᓐ ᐅᑎᒋᐱᔪᐤ ᒋᔭᒋᓴᐸᔭᒋ᙮

⁶ ᓂᒥᔽᐱᒪᐅᓱᐅᓂᒡ ᒪᒃ ᓂᒋ ᐃᔅᒋᔄᓐ, “ᓇᒪ ᓂᑕ ᓂᑭ ᓴᑯᐃᑯᓐ᙮”

⁷ ᑎᐸᔨᒋᒐᓱᐤ, ᒋᒥᔪᑐᑕᒐᐅᓂᒡ ᐅᒋ ᔅᒋ ᐊᔨᒋᑲᐳᐅᑕᓐ ᓂᐱᔅᑯᑎᓇᒻ: ᔅᒋ ᑲᓱᓐ, ᐊᑯ ᒥᑯᔅᑲᑕᔨᑎᒪᓐ᙮

⁸ ᔅᒋ ᒪᑕᑎᓐ, ᐅ ᑎᐸᔨᒋᒐᓱᐤ; ᑎᐸᔨᒋᒐᓱᐤ ᒪᒃ ᓂ ᓂᑐᑎᒧᐛᐤ᙮

⁹ “ᑕᓐ ᐊ ᐃᑕᐱᑎᒡ ᓂᒥᐧᒄ, ᓂᑎᒋᐛᔭᓇ ᓂᒂᔅᑲᓂᒡ ? ᐊᓯᔅᒋᔾ ᐊ ᒋᑭ ᒪᒥᒋᒥᑯᓐ ? ᒋᑭ ᐎᑕᒧᒥᑭᓐ ᐊ ᒋᑕᑈᐅᓐ ?

¹⁰ ᓂᑐᑕ, ᐅ ᑎᐸᔨᒋᒐᓱᐤ, ᒋᔅᑎᒪᒐᔨᒥ ᒪᒃ: ᑎᐸᔨᒋᒐᓱᐤ, ᐎᒋᐃ᙮”

¹¹ ᔅᒋ ᒂᔅᒋᓂᒧᐅᓐ ᓂ ᒪᐅᓐ ᓂᒧᐅᓂᒡ ᐃᔅ: ᔅᒋ ᐃᒐᔅᑕᓐ ᓂᐱᒋᐅᔭᓇᒋᓂᔅᒋᔅ, ᑭᔭ ᔅᒋ ᐱᒂᑕᐅᓐ ᓯᒋᔭᓯᐅᓐ ᐅᒡ;

¹² ᓂᒋᔅᑕᔨᑕᑯᓱᐅᓐ ᐊ ᓂᑭᒧᒥᑲᒡ ᒐᒋ ᒪᒥᒋᒥᑯᔨᓐ, ᒐ ᐊᑲ ᑭᔭ ᒋᐱᑐᐛᒥᑲᒡ᙮ ᐅ ᑎᐸᔨᒋᒐᓱᐤ ᓂᒋᓴᒪᓂᑐᒻ, ᒋᑭ ᓂᓇᔅᑯᒥᑎᓐ ᑲᒋᒡ᙮