ᑎᐱᑦ ᐅᓂᑭᒧᐅᓇ 3 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ1 ᑎᐸᔨᒋᒐᓱᐤ, ᐊᔪᐛᒃ ᐊᑎ ᒥᒐᑐᐅᒡ ᑲ ᒥᑯᔅᑲᒋᐃᒡ ! ᒥᒐᑐᐅᒡ ᐊᓐᒡ ᑲ ᐱᓯᑯᔅᑐᐅᒡ᙮ 2 ᒥᒐᑐᐅᒡ ᑲ ᐃᑕᒡ ᓂᑦ ᐊᒐᒂ, “ᓇᒪᐎᔾ ᐎᒋᐃᑯᐤ ᒋᓴᒪᓂᑐᐛ᙮” 3 ᒪᒃ ᒋᔾ, ᐅ ᑎᐸᔨᒋᒐᓱᐤ, ᓂᑦ ᐊᒂᓇᐅᓱᐛᑭᓐ; ᓂᒋᔅᑕᔨᑕᑯᓱᐅᓐ, ᐊᓐ ᑭᔭ ᑲ ᐅᐱᔎᓂᑦ᙮ 4 ᓂᒋ ᒧᔅᑯᐛᑕᐤ ᑎᐸᔨᒋᒐᓱᐤ ᐊ ᐸᑕᑯᓯᔭᓐ, ᓂᒋ ᓂᑐᑕᒄ ᒪᒃ ᐅᐸᔭᒋ-ᐱᔅᑯᑎᓇᒥᒡ ᐅᒡ᙮ 5 ᓂᒋ ᐛᐛᔨᓯᓐ ᑭᔭ ᓂᒋ ᓂᐸᓐ; ᓂᒋ ᐸᑯᐱᔨᓐ; ᐛᔅ ᑎᐸᔨᒋᒐᓱᐤ ᓂᒋ ᑭᓄᐛᔨᒥᒄ᙮ 6 ᓇᒪᐎᔾ ᓂᑭ ᑯᔅᑕᐅᒡ ᐸᐃᑯᔪᐤ ᑕᑥᐤ ᒐᓯᐱᔪᐤ ᐃᔪᒡ, ᐛᔅᑲ ᑲ ᐱᓯᑯᔅᑐᐅᒡ᙮ 7 ᐱᓯᑯᐤ, ᐅ ᑎᐸᔨᒋᒐᓱᐤ; ᐱᒪᒋᐃ, ᐅ ᓂᒋᓴᒪᓂᑐᒻ; ᐛᔅ ᔅᒋ ᐅᑕᒪᐛᐅᒡ ᒥᓯᐛ ᑲ ᐛᐧᑲᓯᒡ; ᔅᒋ ᐱᑯᐱᑕᐅᒡ ᐊᑲ ᐊᔭᒥᐊᒡ᙮ 8 ᐱᒪᒋᐃᐛᐅᓂᔪᐤ ᐎᔾ ᑎᐱᔨᐛᐅᓯᐤ ᑎᐸᔨᒋᒐᓱᐤ: ᒋᒥᔽᒋᒧᐛᐅᓂᔪᐤ ᒋᒋᔅᑲᑯᐅᒡ ᒋᑦ ᐃᔨᒥᒡ᙮ |
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
Wycliffe Bible Translators, Inc.