ᑎᐱᑦ ᐅᓂᑭᒧᐅᓇ 29 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

Psalm 29 (Epiphany-1 Year A, B, C; Trinity Year B)

¹ ᒥᔨᐧᒄ ᑎᐸᔨᒋᒐᓱᐤ, ᐅ ᒋᔨᐛᐤ ᑲ ᓱᐧᑲᑎᓯᔭᒄ, ᒥᔨᐧᒄ ᑎᐸᔨᒋᒐᓱᐤ ᒋᔅᑕᔨᑕᑯᓱᐅᓂᔪᐤ ᑭᔭ ᒥᔅᑯᐅᓯᐅᓂᔪᐤ᙮

² ᒥᔨᐧᒄ ᑎᐸᔨᒋᒐᓱᐤ ᒋᔅᑕᔨᑕᑯᓱᐅᓂᔪᐤ ᑲ ᑎᐱᐸᔨᔨᒡ ᐅᑦ ᐃᓯᓂᐧᑲᓱᐅᓂᒡ; ᐊᔭᒥᐊᔅᑕᐧᒄ ᑎᐸᔨᒋᒐᓱᐤ ᐊᔅᐱᔅ ᒥᔽᔨᑕᒂᒡ ᐸᔭᒋᓯᐅᓐ᙮

³ ᐅᐸᑕᑯᓯᐅᓐ ᑎᐸᔨᒋᒐᓱᐤ ᓂᐱᒡ ᑎᒂᓂᔪᐤ, ᒋᔅᑕᔨᑕᑯᓯᐤ ᒋᓴᒪᓂᑐᐤ ᐅᓂᒥᔅᒋᒐᐤ: ᑎᐸᔨᒋᒐᓱᐤ ᑕᐤ ᐊ ᓂᐱᐎᔨᒡ᙮

⁴ ᐅᐸᑕᑯᓱᐅᓐ ᑎᐸᔨᒋᒐᓱᐤ ᓱᐧᑲᑎᓯᒥᑭᓂᔪᐤ; ᐅᐸᑕᑯᓱᐅᓐ ᑎᐸᔨᒋᒐᓱᐤ ᑕᐱ ᒋᓴᐅᒋᒪᐛᔨᑕᒂᓂᔪᐤ᙮

⁵ ᐅᐸᑕᑯᓱᐅᓐ ᑎᐸᔨᒋᒐᓱᐤ ᓇᑥᐸᔨᐃᑯᐅᒡ ᒪᔅᒋᔅᑲᑎᑯᒡ; ᓂᐦᐃ, ᑎᐸᔨᒋᒐᓱᐤ ᐱᑯᓇᐤ ᒪᔅᒋᔅᑲᑎᒂ᙮

⁶ ᑭᔭ ᒂᔅᑯᑕᐊᐤ ᒧᔭᒻ ᒥᔅᑐᓯᓴ: ᓚᐸᓇᓐ ᑭᔭ ᓯᕆᐅᓐ ᒧᔭᒻ ᐅᐸᔭᑯᑕᔅᑭᓂᓯᓴ᙮

⁷ ᐅᐸᑕᑯᓱᐅᓐ ᑎᐸᔨᒋᒐᓱᐤ ᐅᒋ ᑕᑎᐸᓂᒻ ᐃᔅᑯᑕᐛ᙮

⁸ ᐊ ᐸᑕᑯᓯᑦ ᑎᐸᔨᒋᒐᓱᐤ ᑯᔅᑯᔅᑯᐸᔨᑕᐤ ᐸᐧᑯᑎᔅᑭᒥᑯᔪᐤ; ᑎᐸᔨᒋᒐᓱᐤ ᑯᔅᑯᔅᑯᐸᔨᑕᐤ ᑲᑎᔅ ᐸᐧᑯᑎᔅᑭᒥᑯᔪᐤ᙮

⁹ ᐊ ᐸᑕᑯᓯᑦ ᑎᐸᔨᒋᒐᓱᐤ ᐅᒡ ᐊᑎᐧᑯᒡ ᓂᑕᐅᒋᐊᐅᒡ ᐅᑯᓱᐛᐛ, ᑭᔭ ᓄᑯᑕᑭᓄᐛ ᐊ ᒥᔅᑎᑯᔅᑲᒡ: ᐅᒋᓴᐊᔭᒥᐊᐅᒋᐛᐱᒡ ᒥᓯᐛ ᐊᐛᔪᐛ ᐃᔭᔨᒧᑎᒥᔨᐛ ᐅᒋᔅᑕᔨᑕᑯᓱᐅᓐ᙮

¹⁰ ᑎᐸᔨᒋᒐᓱᐤ ᑕᑎᐳᐤ ᐊᓐᑕ ᐊ ᐃᔅᒋᐳᑕᔨᒡ; ᓂᐦᐃ, ᑎᐸᔨᒋᒐᓱᐤ ᐊᐳᐤ ᐊ ᒋᓴᐅᒋᒪᐅᑦ ᑲᒋᒡ᙮

¹¹ ᑎᐸᔨᒋᒐᓱᐤ ᒋᑭ ᒥᔭᐤ ᒥᔅᑯᐅᓯᐅᓂᔪᐤ ᐅᑦ ᐃᔨᒪ; ᑎᐸᔨᒋᒐᓱᐤ ᒋᑭ ᓱᐛᔨᒪᐤ ᐅᑦ ᐃᔨᒪ ᐊ ᒥᔭᑦ ᒋᔭᒪᔨᑎᒧᐅᓂᔪᐤ᙮