ᑎᐱᑦ ᐅᓂᑭᒧᐅᓇ 26 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ1 ᑎᐸᔅᑯᓂ, ᐅ ᑎᐸᔨᒋᒐᓱᐤ; ᐛᔅ ᓂᒋ ᐱᒧᑕᓐ ᓂᑯᐃᔅᑯᐃᑐᐅᓂᒡ: ᓂᒋ ᒪᒥᓯᑐᑐᐛᐤ ᑎᐸᔨᒋᒐᓱᐤ ᑭᔭ; ᐊᐅᒄ ᐅᒋ ᓇᒪᐎᔾ ᓂᑭ ᐊᓴᐱᔨᓐ᙮ 2 ᓇᓇᑲᒋᐃ, ᐅ ᑎᐸᔨᒋᒐᓱᐤ, ᑯᒋᐃ ᒪᒃ; ᑯᒋᑕ ᓂ ᐱᒋᔪᐤ ᑭᔭ ᓂᑕᐃ᙮ 3 ᐛᔅ ᒋᓴᒋᐃᐛᐤ ᒋᓴᐛᑎᓯᐅᓐ ᓂᒋᔅᒋᓄᑕᐃᑯᓐ; ᓂᒋ ᐱᒧᑕᓐ ᒪᒃ ᒋᑕᑈᐅᓂᒡ᙮ 4 ᓇᒪᐎᔾ ᓂᒋ ᐎᑎᐱᒪᐅᒡ ᒥᒋ ᐃᔪᒡ, ᓇᒪ ᑭᔭ ᓂᑭ ᐎᒐᐛᐅᒡ ᑲ ᐎᔭᓯᒧᐛᒡ᙮ 5 ᓂᒋ ᐛᐧᑲᑕᐅᒡ ᐊ ᒪᒧᒥᒐᑎᒡ ᐅᒥᒋᑐᑎᒧᒡ; ᓇᒪ ᑭᔭ ᓂᑭ ᐎᑎᐱᒪᐅᒡ ᐅᒥᒋᑥᐅᒡ᙮ 6 ᓂᑭ ᒋᔅᑕᐸᐅᑕᓐ ᓂᑎᒋᔭ ᐸᔭᒋᓯᔪᐅᓂᒡ: ᐊᑯ ᒐ ᐛᔅᑲᔅᑲᒪᓐ ᒋᐱᔅᑎᓂᒐᐅᓇᐱᔅᒄ, ᐅ ᑎᐸᔨᒋᒐᓱᐤ᙮ 7 ᒐᒋ ᐎᑎᒪᓐ ᐊ ᓂᓇᔅᑯᒧᐅ-ᐸᑕᑯᓯᔭᓐ, ᑭᔭ ᒐ ᐎᑎᒪᓐ ᒥᓯᐛ ᒋᒪᒥᔅᑲᒡ-ᐃᑐᐅᓇ᙮ 8 ᑎᐸᔨᒋᒐᓱᐤ, ᓂᒋ ᓴᒋᑕᓐ ᒋᒥᒋᐛᐱᒻ ᐊᓐᑕ ᐊ ᑕᔨᓐ, ᐊᓐᑕ ᑭᔭ ᐊ ᑎᒂᒡ ᒋᒋᔅᑕᔨᑕᑯᓱᐅᓐ᙮ 9 ᐊᑲᐎᔾ ᐊᓯᒋᒪᐅᓯᑯᓐ ᓂᑦ ᐊᒐᐧᒄ ᐅᒥᒋᑥᐛ, ᐊᑲ ᑭᔭ ᓂᐱᒪᑎᓯᐅᓐ ᒋᒡ ᑲ ᓂᐸᐃᐛᓯᒡ ᐃᔪᒡ᙮ 10 ᐅᑎᒋᐛᒡ ᑲ ᑎᒂᓂᔨᒡ ᒥᒋᑥᐅᓇ, ᑭᔭ ᐅᒥᔪᓄᐛᒡ ᓴᑭᔅᒋᓇᔪᐤ ᒥᒋ ᑎᐸᐊᒪᑯᓯᐅᓇ᙮ 11 ᒪᒃ ᓂᔾ, ᓂᑭ ᐱᒧᑕᓐ ᓂᑯᐃᔅᑯᑐᐅᓂᒡ; ᐱᒪᒋᐃ, ᑭᔭ ᒋᔅᑎᒪᒐᔨᒥ᙮ 12 ᓂᓯᑦ ᓂᐳᐎᒪᑭᓐ ᐊᑕᐱᔅᑯᒐᒡ, ᐊᓐᑕ ᐊ ᒪᐛᒋᐃᑐᐅᓇᓄᐅᒡ ᓂᑭ ᒪᒥᒋᒪᐤ ᑎᐸᔨᒋᒐᓱᐤ᙮ |
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
Wycliffe Bible Translators, Inc.