ᑎᐱᑦ ᐅᓂᑭᒧᐅᓇ 24 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ1 ᐊᔅᒋᔪᐤ ᑎᐸᔨᒋᒐᓱᐤ ᑎᐱᔨᐛᐅᓯᐤ, ᑭᔭ ᐊ ᐃᓯ ᓴᑭᔅᒋᓇᔨᒡ: ᐊᔅᒋᔾ, ᐊᓐᒡ ᑭᔭ ᐊᓐᑕ ᐊᑕᒡ᙮ 2 ᐛᔅ ᒋ ᐃᑎᔅᑕᐤ ᐎᓂᐸᑯᔪᐤ, ᑭᔭ ᒋ ᐃᑎᔅᑕᐤ ᐊ ᒥᓴᔨᒡ ᓂᐱᔪᐤ᙮ 3 ᐊᐛᓐ ᒐ ᓴᑭᒋᐛᐛᑦ ᐅᐱᔅᑯᑎᓇᒥᔨᒡ ᑎᐸᔨᒋᒐᓱᐛ ? ᐊᐛᓐ ᑭᔭ ᒐ ᓂᐳᐅᑦ ᐅᐸᔭᒋ-ᒥᒋᐛᐱᒥᔨᒡ ? 4 ᐊᓐ ᑲ ᐸᔭᒋᔅᑕᒐᑦ, ᑭᔭ ᑲ ᐸᔭᒋᑕᐊᑦ; ᐊᑲ ᑲᒋ ᐃᓯ ᐅᐱᓇᑦ ᐅᑦ ᐊᒐᒂ ᒋᔎᐅᓂᒡ, ᐊᑲ ᑭᔭ ᑲᒋ ᐃᔅᒋᔄᑦ ᑭᑭᒋᔭᓯᐅᓂᒡ᙮ 5 ᐊᐅᒄ ᒐ ᒥᔨᑯᑦ ᒥᔽᒋᒧᐛᐅᓂᔪᐤ ᑎᐸᔨᒋᒐᓱᐛ, ᑭᔭ ᑯᐃᔅᑯᑕᑎᓯᐅᓂᔪᐤ ᐅᐱᒪᒋᐃᐛᐎ ᒋᓴᒪᓂᑐᒪ᙮ 6 ᐊᐅᒄ ᐊ ᐃᑕᑎᓯᒡ ᐊᓐᒡ ᑲ ᓇᓂᑐᐛᔨᒪᒡ, ᑲ ᓇᓂᑐᐛᔨᒥᔅᒡ, ᐅ ᒐᑭᑉ ᐅᒋᓴᒪᓂᑐᒪ᙮ 7 ᐅᐱᔎᔨᒄ, ᒋᔨᐛᐤ ᒋᒋᐃᔎᑕᒪᑎᒄ; ᐊᑯᔅ ᐅᐱᓂᑎᓱᒄ ᒋᔨᐛᐤ ᑲᒋᒡ ᐃᔎᑕᒪᑎᒄ; ᐊᑯ ᒐ ᐱᒐᑦ ᒋᔅᑕᔨᑕᑯᓱᐎ ᒋᓴᐅᒋᒪᐤ᙮ 8 ᐊᐛᓐ ᐅ ᒋᔅᑕᔨᑕᑯᓱᐎ ᒋᓴᐅᒋᒪᐤ ? ᑎᐸᔨᒋᒐᓱᐤ ᑲ ᒥᔅᑯᐅᓯᑦ ᑭᔭ ᑲ ᓱᐧᑲᑎᓯᑦ, ᑎᐸᔨᒋᒐᓱᐤ ᐊ ᓱᐧᑲᑎᓯᑦ ᓂᑐᐱᔪᐅᓂᒡ᙮ 9 ᐅᐱᔎᔨᐧᒄ, ᒋᔨᐛᐤ ᒋᒋᐃᔎᑕᒪᑎᒄ; ᓂᐦᐃ ᐅᐱᓂᑎᓱᒄ ᒋᔨᐛᐤ ᑲᒋᒡ ᐃᔎᑕᒪᑎᒄ; ᐊᑯ ᒐ ᐱᑐᒐᑦ ᒋᔅᑕᔨᑕᑯᓱᐎ ᒋᓴᐅᒋᒪᐤ᙮ 10 ᐊᐛᓐ ᐅ ᒋᔅᑕᔨᑕᑯᓱᐎ ᒋᓴᐅᒋᒪᐤ ? ᒥᓯᐛ ᓱᐧᑲᑎᓯᑦ ᑎᐸᔨᒋᒐᓱᐤ, ᐊᐅᑯᓐ ᒋᔅᑕᔨᑕᑯᓱᐎ ᒋᓴᐅᒋᒪᐤ᙮ |
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
Wycliffe Bible Translators, Inc.