ᑎᐱᑦ ᐅᓂᑭᒧᐅᓇ 21 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ1 ᒋᓴᐅᒋᒪᐤ ᒋᑭ ᒥᔽᔨᑎᒻ ᒋᒥᔅᑯᐅᓯᐅᓂᒡ, ᐅ ᑎᐸᔨᒋᒐᓱᐤ: ᑭᔭ ᒋᐱᒪᒋᐛᐅᓂᒡ ᓇᔅᐱᒡ ᑕᑈ ᒋᑭ ᒧᒋᒐᔨᑎᒻ᙮ 2 ᔅᒋ ᒥᔭᐤ ᑲ ᐃᓯ ᓂᑐᐛᔨᑕᐧᒃ ᐅᑕᐃᒡ, ᓇᒪ ᑭᔭ ᔅᒋ ᐊᓏᑐᐛᐤ ᑲ ᐃᓯ ᓂᑐᑎᒪᔅᒃ᙮ 3 ᐛᔅ ᔅᒋ ᐱᔅᑎᓇᒧᐛᐤ ᒥᔽᑎᓱᐎ ᒥᔪᑐᑕᒐᐅᓇ: ᐱᓯᒄ ᐎᔄᐅᓱᓇᔭᐱᔅᑯᒡ ᐅᒋᒪᐅ-ᐊᑯᓂᔎᐅᓂᔪᐤ ᔅᒋ ᐳᔅᑐᑎᓇᐊᐤ᙮ 4 ᔅᒋ ᓂᑐᑎᒪᒄ ᐱᒪᑎᓯᐅᓂᔪᐤ, ᔅᒋ ᒥᔭᐤ ᒪᒃ, ᒥᒐᑐᐤ ᒋᓯᑲᐛ ᑲᒋᒡ ᑭᔭ ᑲᒋᒡ ᐅᑦ᙮ 5 ᐅᒋᔅᑕᔨᑕᑯᓱᐅᓐ ᒋᐧᑲᔭᔨᑕᑯᓂᔪᐤ ᒋᐱᒪᒋᐃᐛᐅᓂᒡ: ᒋᔅᑎᓯᐅᓂᔪᐤ ᑭᔭ ᐅᒋᒪᐛᔨᑕᑯᓱᐅᓂᔪᐤ ᔅᒋ ᒋᔅᑲᒧᑎᔭᐤ᙮ 6 ᐛᔅ ᔅᒋ ᓱᐛᔨᑕᑯᐊᐤ ᑲᒋᒡ: ᓇᔅᒡ ᔅᒋ ᓯᒋᔭᓯᐊᐤ ᐊ ᑭᓄᐛᐱᒥᑦ᙮ 7 ᐛᔅ ᒋᓴᐅᒋᒪᐤ ᒪᒥᓯᑐᑕᐛᐤ ᑎᐸᔨᒋᒐᓱᐛ, ᑭᔭ ᐅᓱᐛᔨᒋᒐᐅᓂᒡ ᒪᐅᒡ ᒋᔅᑎᓯᔨᒋ ᐅᒡ, ᓇᒪᐎᔾ ᒋᑭ ᐊᒋᐱᔭᐊᐤ᙮ 8 ᒋᑎᒋᔪᐤ ᒋᑭ ᒥᔅᑲᑯᐅᒡ ᒥᓯᐛ ᑲ ᐛᐧᑲᑎᔅᒡ, ᒋ ᒥᔪᓂᔪᐤ ᒋᑭ ᒥᔅᑲᑯᐅᒡ ᒥᓯᐛ ᐊᓐᒡ ᑲ ᐛᐧᑲᑎᔅᒡ᙮ 9 ᒋᑭ ᐃᓯᐊᐅᒡ ᒧᔭᒻ ᐃᔅᑯᑕᐅᒋᐛᑉ ᒪᒂᒡ ᐊ ᒋᔄᓯᔨᓐ: ᑎᐸᔨᒋᒐᓱᐤ ᒋᑭ ᑯᒋᐱᔨᐊᐤ ᐊ ᐊᐧᑯᔪᐛᓯᑦ, ᒋᑭ ᒪᔅᑎᐧᑭᓱᐅᒡ ᒪᒃ᙮ 10 ᐅᒥᓂᓯᒧᐛᐤ ᒋᑭ ᓂᓱᐅᓇᒋᑕᐛᓐ ᐊᔅᒋᒡ ᐅᒡ, ᑭᔭ ᐅᑦ ᐊᐛᓯᒥᓱᐛᐛ ᐊᓐᑕ ᐊ ᑕᔨᒋ ᐃᔪᐛ ᐅᑦ ᐊᐛᓯᒥᓯᔪᐛ ᐅᒡ᙮ 11 ᐛᔅ ᒋ ᐃᑕᔨᑎᒧᒡ ᒐᒋ ᒥᒋᑐᑕᔅᒡ: ᒋ ᒥᑐᓇᔨᑎᒧᒡ ᑭᑭᒋᔭᓯᐤ ᒐᒂᔪᐤ, ᐊᑲ ᑭᔅᒋᑕᒡ ᒐᒋ ᐃᑐᑕᒡ᙮ 12 ᐊᐅᒄ ᑲ ᐅᒋ ᐊᑎᒥᑲᐳᐅᒡ, ᐃᔅᐱ ᒋᑦ ᐊᒐᐱᔾ ᒐᒋ ᐱᒧᑎᒂᐤ᙮ 13 ᒋᑦ ᐃᑕᔨᑕᑯᓯᓐ ᒐᒋ ᒪᒥᒋᒥᑯᐎᔨᓐ, ᑎᐸᔨᒋᒐᓱᐤ, ᑎᐱᔽ ᒋᒥᔅᑯᐅᓯᐅᓂᒡ: ᐊᑯ ᒐ ᓂᑭᒧᔭᒡ ᑭᔭ ᒪᒥᒋᑕᒪᒡ ᒐ ᑭᔅᒋᐅᐎᓐ᙮ |
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
Wycliffe Bible Translators, Inc.