ᑎᐱᑦ ᐅᓂᑭᒧᐅᓇ 20 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ1 ᑎᐸᔨᒋᒐᓱᐤ ᒋᑭ ᓂᑐᑕᒄ ᐊᔨᒥᓱᐎ ᒋᓯᑲᒐ: ᐅᑦ ᐃᓯᓂᐧᑲᓱᐅᓐ ᒐᑭᑉ ᐅᒋᓴᒪᓂᑐᒪ ᒋᑭ ᒋᔅᐸᐛᑎᑯᐛᓐ; 2 ᒋᑭ ᐸᒋᑎᓴᐊᒪᒄ ᐎᒋᐃᐛᐅᓂᔪᐤ ᐸᔭᒋ-ᒥᒋᐛᐱᒡ ᐅᒡ, ᑭᔭ ᒋᑭ ᒥᔅᑯᐅᓯᐃᒄ ᓴᐃᔭᓂᒡ ᐅᒡ; 3 ᒋᑭ ᒋᔅᒋᓯᐤ ᒥᓯᐛ ᒋᐱᔅᑎᓂᒐᐅᓇ, ᑭᔭ ᒋᑭ ᐅᑎᓂᒻ ᒋᑦ ᐃᔎᑕᐎ ᐱᔅᑎᓂᒐᐅᓂᔪᐤ᙮ 4 ᒋᑭ ᒥᔨᒄ ᐊ ᐃᓯ ᓂᑐᐛᔨᑎᒥᓐ ᒋᑕᐃᒡ, ᑭᔭ ᒋᑭ ᑎᐱᐸᔨᑕᐤ ᒥᓯᐛ ᒋᑭᒐᔅᒋᒧᐛᐅᓂᔪᐤ᙮ 5 ᓂᑭ ᒥᔽᔨᑕᓇᓐ ᒋᐱᒪᒋᐃᐛᐅᓂᒡ, ᑭᔭ ᐅᑦ ᐃᓯᓂᐧᑲᓱᐅᓂᒡ ᓂᒋᓴᒪᓂᑐᒥᓇᓐ ᓂᑭ ᒋᒥᑕᓇᓐ ᓂᑦ ᐊᔭᒥᐊᐛᒋᓂᒥᓇᓇ, ᑎᐸᔨᒋᒐᓱᐤ ᒋᑭ ᑎᐱᐸᔨᑕᐤ ᒥᓯᐛ ᒋᓂᑐᑎᒪᒐᐅᓇ᙮ 6 ᐊᑯ ᒐᔅᒐᔨᑎᒪᓐ ᑎᐸᔨᒋᒐᓱᐤ ᐊ ᐱᒪᒋᐊᑦ ᐅᑐᒥᔅᑯᓇᑭᓇ᙮ ᒋᑭ ᓂᑐᑐᐛᐤ ᐅᐸᔭᒋ-ᒋᒋᒋᓯᑯᒥᒡ ᐅᒡ, ᐅᒥᔪᐅᓐ ᐊ ᒥᔅᑯᐅᓱᐎ ᐱᒪᒋᐃᐛᒪᑭᓂᔨᒡ᙮ 7 ᐱᔅᒐ ᒪᒥᓯᑐᑕᐛᐅᒡ ᑎᑎᐱᑕᐸᓇᔎ, ᑯᑎᑭᒡ ᑭᔭ ᑲᐸᐃᑭᔎᐛ: ᒪᒃ ᓂᔭᓐ ᓂᑭ ᒋᔅᒋᑐᑎᒺᓇᓐ ᐅᑦ ᐃᓯᓂᐧᑲᓱᐅᓐ ᑎᐸᔨᒋᒐᓱᐤ ᓂᒋᓴᒪᓂᑐᒥᓇᓐ᙮ 8 ᐎᔨᐛᐤ ᒋ ᓂᓯᐱᔪᐅᒡ ᑭᔭ ᐸᒋᓯᓄᐅᒡ: ᓂᔭᓐ ᒪᒃ ᓂᒋ ᐱᓯᑯᓇᓐ, ᑭᔭ ᓂ ᓂᐳᐅᓇᓐ᙮ 9 ᐱᒪᒋᐃᔨᐛ, ᑎᐸᔨᒋᒐᓱᐤ: ᐊᑯᔅ ᒋᓴᐅᒋᒪᐤ ᓂᑭ ᓂᑐᑕᑯᓇᓐ ᑎᔭᑈᔭᒋ᙮ |
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
Wycliffe Bible Translators, Inc.