ᑎᐱᑦ ᐅᓂᑭᒧᐅᓇ 19 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

Psalm 19 (Proper-22 Year A; Lent-3 Year B; Epiphany-3 Year C)

¹ ᒋᓯᒂ ᐎᑎᒧᒥᑭᓇ ᐅᒋᔅᑕᔨᑕᑯᓱᐅᓐ ᒋᓴᒪᓂᑐᐤ, ᑭᔭ ᒧᓴ ᒋᓯᒄ ᐛᐸᑎᔨᐛᒥᑭᓐ ᐅᑭᔅᒋᐅ-ᐊᑐᔅᒐᐅᓐ᙮

² ᑕᑥᐤ ᐊ ᒋᓯᑲᒡ ᐃᔨᒥᒥᑭᓐ, ᑭᔭ ᑕᑥᐤ ᐊ ᑎᐱᔅᑲᒡ ᐛᐸᑎᔨᐛᒥᑭᓐ ᒋᔅᒐᔨᑎᒧᐅᓐ᙮

³ ᓇᒪᐎᔾ ᑎᑯᓐ ᐊ ᐃᓯ ᐃᔨᒥᓇᓄᐅᒡ ᑭᔭ ᒪᒃ ᐊ ᐃᓯ ᐃᔅᒋᔄᓄᐅᒡ, ᐊᓐᑕ ᐊᑲ ᐸᑕᑯᓯᒥᑲᒡ᙮

⁴ ᐊ ᐸᑕᒂᒡ ᐃᑐᑕᒥᑭᓐ ᒥᓯᐛᔅᑭᒥᑲᒡ, ᑭᔭ ᑲ ᐃᔅᒋᔄᒥᑲᒡ ᐊ ᐃᔎᔅᑭᒥᑲᒡ᙮ ᐊᑯᑕ ᑲᒪᓄᑯᐛᑦ ᒋᓯᑲᐤ ᐱᓯᒺ,

⁵ ᑲ ᓂᔅᐱᑐᐛᑦ ᐅᔅᒋᓂᐳᐛᓇ ᐊ ᐸᒋ ᐎᐎᔨᒋ ᐅᐱᔅᒋᒋᒋᐛᐱᓯᔨᒡ ᐅᒡ, ᑭᔭ ᑲ ᒥᔽᑕᐧᒃ ᒧᔭᒻ ᑲ ᒥᔅᑯᐅᓯᔨᒋ ᐃᔪᐛ ᑲ ᑯᒂᔅᑭᔅᑕᔨᒐᔨᒋ᙮

⁶ ᐊ ᐃᔎᔭᔨᒡ ᒋᓯᑯᒡ ᐅᒋ ᐸᒋ ᐃᔅᐱᔪᐤ, ᑭᔭ ᒥᓐ ᐊ ᐃᔎᔭᔨᒡ ᐃᔅᐱᔅ ᐛᔅᑲᐱᔪᐤ: ᒥᓯᐛ ᑕᑐᐤ ᒐᒂᔪᐤ ᑭᔭ ᒋᓯᓯᒻ᙮

⁷ ᐅᑦ ᐃᑎᓱᐛᐅᓐ ᑎᐸᔨᒋᒐᓱᐤ ᐸᔭᐧᑭᓂᔪᐤ, ᐊᒐᐧᒄ ᐊ ᒂᔅᑲᑎᓯᔅᑲᑯᑦ: ᐅᑎᐸᒋᒧᐅᓐ ᑎᐸᔨᒋᒐᓱᐤ ᒐᔅᑎᓇᑕᔭᔨᑕᑯᓂᔪᐤ, ᐊ ᑭᒐᑕᐛᔨᑎᒥᑯᒡ ᐊᑲ ᑭᒐᑕᐛᔨᑕᒡ᙮ ᐎᔾ ᒥᒄ ᑭᔅᒋᑕᐤ ᑯᐃᔅᒄ ᒐ ᐃᓯ ᑭᒐᔅᒋᒪᑦ, ᐎᔾ ᓇᔅᒡ ᒥᓯᐛ ᐊ ᐃᓯ ᒥᔪᑥᐛᑎᓯᑦ᙮

⁸ ᐅᑦ ᐃᑎᓱᐛᐅᓇ ᑎᐸᔨᒋᒐᓱᐤ ᑯᐃᔎᓂᔪᐛ, ᐊ ᒥᔽᔨᑎᒧᔅᑲᒐᔨᒋ: ᐅᑭᒐᔅᒋᒧᐛᐅᓐ ᑎᐸᔨᒋᒐᓱᐤ ᐸᔭᐧᑭᓂᔪᐤ, ᐊ ᐛᐸᑎᔨᐛᒥᑭᓂᔨᒡ᙮

⁹ ᐅᓇᓂᒋᔅᑕᑯᓯᐅᓐ ᑎᐸᔨᒋᒐᓱᐤ ᐸᔭᐧᑭᓂᔪᐤ, ᑲᒋᒡ ᐊ ᑎᑯᓂᔨᒡ: ᐅᑎᐸᔅᑯᓂᒐᐅᓇ ᑎᐸᔨᒋᒐᓱᐤ ᑕᑈᒪᑭᓂᔪᐛ ᑭᔭ ᓇᔅᒡ ᑯᐃᔅᑯᑕᑎᓯᒥᑭᓂᔪᐛ᙮

¹⁰ ᐊᔪᐛᒃ ᒧᔅᑕᓇᔨᑕᑯᓂᔪᐛ ᐃᔅᐱᔅ ᐎᔄᐅᓱᓇᔭᐱᔅᒄ, ᓂᐦᐃ, ᐃᔅᐱᔅ ᒥᔅᑎ ᐊ ᒥᔪᓯᓯᑦ ᐎᔄᐅᓱᓇᔭᐱᔅᒄ: ᐊᔪᐛᒃ ᐊᓯᐛᒡ ᐃᔅᐱᔅ ᑲᓯᐛᓯᐛᐳᔾ, ᑭᔭ ᐊᒧᐤ ᑲᓯᐛᓯᐛᐳᔾ᙮

¹¹ ᑭᔭ ᒪᒃ ᐊ ᑭᒐᔅᒋᒥᑯᑦ ᒋᑦ ᐊᑐᔅᒐᔭᑭᓐ: ᑭᔭ ᐊ ᑭᓄᐛᔨᑕᑭᓄᐅᒡ ᒥᔅᑎ ᑎᐸᐊᒪᒐᐅᓐ ᑎᑯᓐ᙮

¹² ᐊᐛᓐ ᒐᒋ ᓂᔅᑐᑕᐧᒃ ᐅᐅᓂᑐᐅᓇ ? ᐸᔭᒋᐃ ᓂᒋᒧᑦ ᒥᒋᐃᑐᐅᓇ ᐅᒡ᙮

¹³ ᒋᑕᐊᒧᐤ ᑭᔭ ᒋᑦ ᐊᑐᔅᒐᔭᑭᓐ ᒐ ᐊᑲ ᒋ ᐊᐃᓴᒡ ᒥᒋᑐᑕᐧᒃ; ᐊᑯᔅ ᐊᑲᐎᔾ ᓂᑭ ᑎᐸᔨᒥᑯᓐ, ᐊᑯ ᒐ ᐸᔭᒋ ᐃᑕᑎᓯᔭᓐ ᒐ ᐊᑲ ᒋ ᒥᒋᑐᑎᒪᓐ᙮

¹⁴ ᐊᑯᔅ ᓂᑦ ᐃᔨᒧᐅᓇ ᓂᑐᓂᒡ, ᑭᔭ ᐊ ᐃᓯ ᒪᒥᑐᓇᔨᑎᒪᓐ ᓂᑕᐃᒡ, ᒋᑭ ᒥᔪᓇᑯᓇ ᐊ ᑭᓄᐛᐸᑎᒥᓐ, ᐅ ᑎᐸᔨᒋᒐᓱᐤ, ᓂ ᒥᔅᑯᐅᓯᐅᓐ ᑭᔭ ᓂᐱᒪᒋᐃᐛᓯᒻ᙮