ᑎᐱᑦ ᐅᓂᑭᒧᐅᓇ 16 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

Psalm 16 (Easter-2 Year A; Proper-28 Year B; Proper-8 Year C)

¹ ᑭᓄᐛᔨᒥ, ᐅ ᒋᓴᒪᓂᑐᐤ: ᐛᔅ ᒋᔾ ᒋ ᒪᒥᓯᑐᑕᑎᓐ᙮

² ᐅ ᓂᑦ ᐊᒐᐧᒄ, ᔅᒋ ᐃᑕᐤ ᑎᐸᔨᒋᒐᓱᐤ, “ᒋᔾ ᓂᑎᐸᔨᒋᒐᓯᒻ: ᓂᒥᔽᑎᓯᐅᓐ ᓇᒪᐎᔾ ᒋᑦ ᐊᐸᒋᐃᑯᓐ᙮”

³ ᒪᒃ ᑲᐸᔭᒋᓯᓯᒡ ᐊᔅᒋᒡ ᑲ ᑕᒡ, ᑭᔭ ᐅᒥᔽᑎᓯᐤ, ᒥᓯᐛ ᑲ ᒥᔽᔨᒥᒂᐤ᙮

⁴ ᐅᑯᐸᑕᔨᑎᒧᐅᓄᐛᐛ ᒋᑭ ᐊᑎ ᒥᒐᓂᔪᐛ ᐊᓐᒡ ᑲ ᐱᐸᒥᓇᓴᐛᒡ ᑯᑎᑲ ᒥᓂᑐᐛ: ᐅᒥᓂᒂᐎ ᐱᔅᑎᓂᒐᐅᓄᐛᐛ ᒥᐧᑯᔪᐤ ᓇᒪᐎᔭ ᓂᑭ ᐱᔅᑎᓂᒐᐛᓐ, ᓇᒪ ᑭᔭ ᓂᑭ ᐅᑎᓇᒺᓐ ᐅᑦ ᐃᓯᓂᐧᑲᓱᐅᓄᐛᐛ ᓂᑐᓂᒡ᙮

⁵ ᑎᐸᔨᒋᒐᓱᐤ ᓂᑦ ᐊᔭᐛᐤ ᐊ ᑎᐱᔨᐛᐅᓯᔭᓐ ᑭᔭ ᐊ ᐅᒥᓂᒂᑭᓂᔭᓐ: ᒋ ᑭᓄᐛᔨᑎᒧᐅᓐ ᓂᑦ ᐊᔭᓇ᙮

⁶ ᒪᔭᐤ ᑕᑥᐸᒡ ᓂᑦ ᐅᑎᑎᑯᓐ ᐊᓐᑕ ᐊ ᐃᓯ ᒥᔪ ᐊᔅᒋᐅᒡ; ᓂᐦᐃ, ᓂᑦ ᐊᔭᓐ ᒥᔪ ᑎᐱᔨᐛᐅᓯᐅᓐ᙮

⁷ ᓂᑭ ᒪᒥᒋᒪᐤ ᑎᐸᔨᒋᒐᓱᐤ, ᑲᒋ ᑭᒐᔅᒋᒥᑦ; ᓂᐱᒋᔪᐤ ᑭᔭ ᓂ ᒋᔅᒋᓄᐊᒪᑯᓐ ᒪᒂᒡ ᐊ ᑎᐱᔅᑲᒡ᙮

⁸ ᒧᔅ ᓂ ᓂᑲᓇᔭᐤ ᑎᐸᔨᒋᒐᓱᐤ: ᓂᒥᔪᐅᓂᒡ ᐊ ᑕᑦ, ᓇᒪ ᓂᑕ ᓂᑭ ᐊᒋᐸᔨᐃᑯᐅᓐ᙮

⁹ ᐊᐅᒄ ᐅᒡ ᓂᑕᔨᔾ ᓯᒋᔭᓯᒥᑭᓐ, ᑭᔭ ᓂᒋᔅᑕᔨᑕᑯᓱᐅᓐ ᒥᔽᑎᒧᒥᑭᓐ: ᓂᔭᔅ ᑭᔭ ᒋᑭ ᐊᔽᐱᒥᑭᓐ ᐊᔅᐸᔨᒧᐅᓂᒡ᙮

¹⁰ ᐛᔅ ᓇᒪᐎᔾ ᒋᑭ ᓂᑭᑕᐤ ᓂᑦ ᐊᒐᐧᒄ ᒋᐱᔾ ᐊᔅᒋᒡ; ᓇᒪ ᑭᔭ ᒋᑭ ᓇᐊᔨᒪᐤ ᒋ ᐸᔭᒋᓯᒻ ᒐᒋ ᐛᐸᑕᐧᒃ ᓂᓱᐅᓇᑎᓯᐅᓂᔪᐤ᙮

¹¹ ᒋᑭ ᐛᐸᑎᔨᓐ ᐱᒪᑎᓱᐅ-ᒪᔅᑭᓄᐤ: ᐊ ᐸᑕᔅᑎᒥᐱᔨᓐ ᓴᑭᔅᒋᓇᐤ ᒥᔽᔨᑎᒧᐅᓐ; ᒋᒥᔪᐅᓂᒡ ᑎᒂᓇ ᒥᔽᑎᑯᓯᐅᓇ ᑲᒋᒡ᙮