ᑎᐱᑦ ᐅᓂᑭᒧᐅᓇ 15 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

Psalm 15 (Epiphany-4 Year A; Proper-17 Year B; Proper-11 Year C)

¹ ᑎᐸᔨᒋᒐᓱᐤ, ᐊᐛᓐ ᒐ ᑕᑦ ᒋ ᐸᔭᒋ ᐊᔭᒥᐊᐅᒋᐛᐱᒡ ? ᐊᐛᓐ ᒐ ᐎᒋᑦ ᒋ ᐸᔭᒋ ᐱᔅᑯᑎᓇᒥᒡ ?

² ᐊᓐ ᑯᐃᔅᒄ ᑲ ᐱᒧᑕᑦ, ᑭᔭ ᑲ ᑯᐃᔅᒄ ᐃᔨᑎᑦ, ᑭᔭ ᑲ ᑕᑈᑦ ᐅᑕᐃᒡ᙮

³ ᐊᓐ ᐊᑲ ᒥᒋᐛᐎᔨᐛᑦ ᐅᑕᔨᔨᒡ ᐅᒡ, ᐊᑲ ᑭᔭ ᒥᒋᑐᑐᐛᑦ ᐎᒡ ᐃᔪᐛ, ᐊᑲ ᑭᔭ ᑲ ᒥᒋᐊᔨᒧᒪᑦ ᐎᒡ ᐃᔪᐛ᙮

⁴ ᐊᓐ ᐅᔅᒋᓯᑯᒡ ᑲ ᒪᔭᓯᓄᐛᑦ ᒥᒋᐃᔪᐛ; ᒪᒃ ᑲ ᒋᔅᑕᔨᒪᑦ ᐊᓂᔭ ᑲ ᓇᓂᒋᔅᑐᐛᔨᒋ ᑎᐸᔨᒋᒐᓱᐛ᙮ ᐊᓐ ᐊ ᒋᒋᐃᔅᒋᔄᑦ, ᐊᑎ ᐊᐧᑯᐃᑯᑦ, ᓇᒪᐎᔾ ᒂᔅᒋᑐᑎᒻ᙮

⁵ ᐊᓐ ᐊᑲ ᐎᔨᐛᑦ ᐅᓱᓇᔭᓂᒻ ᒐᒋ ᐃᔅᐱᐱᔨᒋ, ᑭᔭ ᐊᑲ ᐅᑎᓇᐧᒃ ᑎᐸᐊᒪᑯᓯᐅᓂᔪᐤ ᒐᒋ ᐊᔨᒥᐊᑦ ᑲ ᒥᔪ ᐃᑎᔨᒋ᙮ ᐊᓐ ᐅᔭ ᑲ ᐃᑐᑕᐧᒃ ᓇᒪ ᓂᑕ ᒋᑭ ᐊᒋᐱᔭᑭᓄᐤ᙮