ᑎᐱᑦ ᐅᓂᑭᒧᐅᓇ 149 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

Psalm 149 (Proper-18 Year A)

¹ ᒪᒥᒋᒥᐧᒄ ᑎᐸᔨᒋᒐᓱᐤ ! ᐅᔅᒋ ᓂᑭᒧᐅᓂᔪᐤ ᓂᑭᒧᔅᑕᐧᒄ ᑎᐸᔨᒋᒐᓱᐤ, ᑭᔭ ᐅᒪᒥᒋᒥᑯᓯᐅᓐ ᐊᓐᑕ ᐊ ᒪᐅᒋᑐᔨᒋ ᐅᐸᔭᒋᓯᒪ᙮

² ᐊᑯᔅ ᐃᔅᕋᐃᓪ ᒋᑭ ᒧᒋᒐᔨᑎᒻ ᐊᓂᔭᔪᐛ ᑲ ᐅᓯᐃᑯᑦ ᐅᒋ: ᐊᑯᔅ ᓴᐃᔭᓐ ᐅᑦ ᐊᐛᓯᒥᓴ ᒋᑭ ᒧᒋᒐᔨᑎᒥᔨᐛ ᐅᒋᓴᐅᒋᒪᒧᐛᐛ ᐅᒋ᙮

³ ᐊᑯᔅ ᒋᑭ ᒪᒥᒋᑕᒺᐅᒡ ᐅᑦ ᐃᓯᓂᐧᑲᓱᐅᓂᔪᐤ ᓂᒧᐅᓂᒡ: ᐊᑯᔅ ᐊ ᓂᑭᒧᒡ ᒋᑭ ᒪᒥᒋᒪᐅᒡ ᐊ ᐊᐱᒋᐊᒡ ᑕᐛᐃᑭᓂᓴ ᑭᔭ ᐊᓯᑭᓇᔭᐱᔾ ᒋᔍᐛᐱᒋᑭᓂᔪᐤ᙮

⁴ ᐛᔅ ᑎᐸᔨᒋᒐᓱᐤ ᒥᔽᔨᒪᐤ ᐅᑦ ᐃᔨᒪ: ᒋᑭ ᒥᔪᓇᑯᐊᐤ ᐅᔪᔅᑲᑎᓱᐛ ᐱᒪᒋᐃᐛᐅᓂᔪᐤ ᐅᒋ᙮

⁵ ᐊᑯᔅ ᐅᐸᔭᒋᓯᐅᒡ ᒋᑭ ᒧᒋᒐᔨᑎᒧᒡ ᒋᔅᑕᔨᑕᑯᓱᐅᓂᒡ: ᐊᑯᔅ ᒋᑭ ᒋᔄᐛᐅᒡ ᐊ ᓂᑭᒧᒡ ᐅᓂᐸᐅᓄᐛᒡ᙮

⁶ ᐊᑯᔅ ᐅᒋᒋ ᒪᒥᒋᒥᑯᓯᐅᓐ ᒋᓴᒪᓂᑐᐤ ᒋᑭ ᑎᑯᓂᔪᐤ ᐅᑐᓂᐛᒡ, ᑭᔭ ᐊ ᓂᔄᐱᑕᔭᒡ ᓂᑐᐱᔪᐅ-ᒧᐧᑯᒪᓂᔪᐤ ᐅᑎᒋᐛᒡ;

⁷ ᒐᒋ ᓇᓇᐧᑲᒋᐊᒡ ᐊᑲ ᐊᔭᒥᐊᔨᒋ, ᑭᔭ ᒐᒋ ᐊᔨᒥᐊᒡ ᐃᔪᐛ;

⁸ ᒐᒋ ᒪᒪᒋᒂᐱᔎᐅᒪᑦ ᐅᒋᓴᐅᒋᒪᒥᔪᐛ, ᑭᔭ ᐅᒋᓴᐃᔨᒥᔪᐛ ᒪᑯᐱᓱᓇᐱᔎ ᐅᒡ;

⁹ ᒐᒋ ᑎᐱᑐᑐᐛᒡ ᐊ ᐃᓯ ᑎᐸᔅᑯᓂᒐᐤ ᒥᓯᓇᐃᑭᓄᐎᔨᒡ ᐅᔭᔪᐤ, ᒋᔅᑕᔨᒧᐅᓂᔪᐤ ᐅᔭᔪᐛ ᒥᓯᐛ ᐅᐸᔭᒋᓯᒪ᙮ ᒪᒥᒋᒥᐧᒄ ᑎᐸᔨᒋᒐᓱᐤ !