ᑎᐱᑦ ᐅᓂᑭᒧᐅᓇ 142 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ1 ᓂᒋ ᒪᑐᐛᐤ ᑎᐸᔨᒋᒐᓱᐤ, ᐊ ᐸᑕᑯᓯᔭᓐ, ᐊ ᐸᑕᑯᓯᔭᓐ ᓂᒋ ᒪᑐᐛᐤ ᑎᐸᔨᒋᒐᓱᐤ᙮ 2 ᓂᒋ ᓯᒋᓂᒧᐛᐤ ᓂ ᒪᒥᓴᒪᔨᑎᒧᐅᓂᔪᐤ; ᓂᒋ ᐛᐸᑎᔭᐤ ᒪᒃ ᓂᑦ ᐊᔨᒥᓯᐅᓂᔪᐤ᙮ 3 ᐃᔅᐱ ᓂᑦ ᐊᒐᐧᒄ ᐊᒋ ᒥᑯᔅᑲᑕᔨᑕᐧᒃ ᐱᒡ ᓂᔭᒡ, ᐊᑯ ᒐᔅᒐᔨᑎᒥᓐ ᓂ ᒪᔅᑭᓄᐤ᙮ ᒪᔅᑭᓇᒡ ᑲ ᐃᓯ ᐱᒧᑕᔭᓐ, ᒋᒧᑦ ᓂᒋ ᑕᐱᒂᑯᒡ᙮ 4 ᓂᒋ ᐃᑕᐱᓐ ᓂᒥᔪᐅᓂᒡ, ᐊᒋ ᐛᐸᑎᒪᓐ ᒪᒃ ᓇᒪ ᐅᒋ ᑕᐤ ᐃᔪᐤ ᒐ ᒋᔅᒐᔨᒥᑦ: ᓇᑎᒪᑯᓯᐅᓐ ᓂᒋ ᓄᑕᐱᔨᓐ: ᓇᒪᐎᔾ ᐊᐛᓐ ᐅᒋ ᐱᔅᒐᔨᒪᐤ ᓂᑦ ᐊᒐᒂ᙮ 5 ᔅᒋ ᒪᑕᑎᓐ, ᐅ ᑎᐸᔨᒋᒐᓱᐤ: ᓂᒋ ᐃᔅᒋᔄᓐ, “ᒋᔾ ᐊᐅᒄ ᓂᓇᑎᒪᑯᓯᐅᓐ ᑭᔭ ᓂᑎᐱᔨᐛᐅᓯᐅᓐ ᐅᑦ ᐊᔅᒋᐛᒡ ᐅᐱᒪᑎᓯᐅᒡ᙮” 6 ᓂᑐᑕ ᓂ ᒪᐅᓐ; ᐛᔅ ᓇᔅᒡ ᓂ ᑎᐱᑕᔨᒧᓐ, ᐃᐧᑯᒋᐃ ᑲ ᓂᓇᐧᑲᒋᐃᒡ ᐅᒡ; ᐛᔅ ᐊᔪᐛᒃ ᒥᔅᑯᐅᓯᐅᒡ ᐃᔅᐱᔅ ᓂᔾ᙮ 7 ᐎᐎᑕᐃ ᓂᑦ ᐊᒐᐧᒄ ᒋᐸᐅᑐᒋᐛᐱᒡ ᐅᒡ, ᒐᒋ ᒪᒥᒋᑕᒪᓐ ᒋᑦ ᐃᓯᓂᐧᑲᓱᐅᓐ᙮ ᐅᑯᐃᔅᑯᑕᑎᓯᐅᒡ ᓂᑭ ᐛᔅᑲᔅᑲᑯᒡ; ᐛᔅ ᒋᑭ ᒋᓴᐛᑐᑐᐅᓐ᙮ |
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
Wycliffe Bible Translators, Inc.