ᑎᐱᑦ ᐅᓂᑭᒧᐅᓇ 141 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ1 ᑎᐸᔨᒋᒐᓱᐤ, ᒋ ᒪᑕᑎᓐ: ᒋᐱᔾ ᓇᓯ; ᓂᑐᑕ ᓂᐸᑕᑯᓯᐅᓐ, ᐃᔅᐱ ᑕᑈᑎᑕᓇ᙮ 2 ᐊᑯᔅ ᓂᑦ ᐊᔭᒥᐊᓐ ᒋᑭ ᐎᔨᔅᑎᒪᑯᐅᓐ ᒧᔭᒻ ᐎᒋᒪᓯᑭᓐ; ᑭᔭ ᐊ ᐅᐱᓂᔅᒐᔨᔭᓐ ᒧᔭᒻ ᐅᑕᑯᓯᐤ ᐱᔅᑎᓂᒐᐅᓐ᙮ 3 ᐊᓱᐛᐸᑕ, ᐅ ᑎᐸᔨᒋᒐᓱᐤ, ᐊ ᐃᔎᑕᒧᐅᒡ ᓂᑐᓐ; ᑭᓄᐛᔨᑕ ᒪᒃ ᓂᑐᓐ ᐃᔎᑕᒻ᙮ 4 ᐊᑯᔅ ᐊᑲᐎᔾ ᒥᒋ ᒐᒂᓐ ᒋᑭ ᐊᔅᑕᐤ ᓂᑕᐃᒡ, ᒐᒋ ᒥᒋᐃᑎᔭᓐ ᒋᒡ ᐊᓐᒡ ᑲ ᒥᒐᑎᓯᐤ ᐃᑎᒡ; ᐊᑯᔅ ᒪᒃ ᐊᑲᐎᔾ ᓂᑭ ᒥᒍᐛᓐ ᐅ ᒥᔪ ᒥᒋᒧᐛᐤ᙮ 5 ᐊᑯᔅ ᐅᑯᐃᔅᑯᑕᑎᓯᐤ ᓂᑭ ᐎᔭᔅᑐᑕᒄ; ᒋᑭ ᒋᓴᐛᑐᑕᒐᐅᓂᐎᔪᐤ; ᐊᑯᔅ ᒪᒃ ᓂᑭ ᒋᔅᑐᑎᒄ; ᒋᑭ ᒥᔪ ᐱᒥᐅᔪᐤ, ᐊᑲ ᒐ ᐱᑯᔅᑎᒂᓇᔅᑲᑯᔭᓐ᙮ ᐛᔅ ᐃᔭᐱᒡ ᓂᑭ ᐊᔭᒥᐊᐛᓐ ᐊᔨᒥᓯᑥᐛ᙮ 6 ᐃᔅᐱ ᐅᑲᑎᐸᔅᑯᓂᒐᓯᒧᐛᐛ ᑭ ᒂᑎᐱᐛᐸᐊᑭᓄᐎᔨᑥᐛ ᐊᓐᑕ ᐊ ᐊᓯᓂᐅᔨᒡ, ᒋᑭ ᓂᑐᑎᒧᒡ ᓂᑦ ᐃᔨᒧᐅᓇ, ᐛᔅ ᐎᐧᑭᓯᔪᐛ᙮ 7 “ᓂᔅᑭᓂᓇᓇ ᐛᓴᔄᐱᔪᐛ ᒋᐱᐃᒋᐛᑉ ᐅᑐᓂᒡ, ᒧᔭᒻ ᐃᔅᐱ ᐊᐛᓐ ᒋᒪᐊᐧᒃ ᑭᔭ ᑎᔭᔅᑲᐊᐧᒃ ᒥᑕ ᐅᑕ ᐊᔅᒋᒡ᙮” 8 ᒪᒃ ᒋ ᑭᓄᐛᐱᒥᑎᓐ, ᐅ ᒋᓴᒪᓂᑐᐤ ᑎᐸᔨᒋᒐᓱᐤ᙮ ᒋᔾ ᒋ ᒪᒥᓯᑐᑕᑎᓐ; ᐊᑲ ᐎ ᒋᐛᑎᓯᐅᓂᒡ ᓂᑭᔅ ᓂᑦ ᐊᒐᐧᒄ᙮ 9 ᒥᑕᒂᓂᒧᐎ ᑕᐱᒂᓐ ᑲ ᑕᐱᒂᒡ, ᑭᔭ ᐅᑦ ᐊᔅᒋᐧᑯᒪᓄᐛᐛ ᑲ ᒥᒐᑎᓯᐤ ᐃᔨᑎᒡ᙮ 10 ᐊᑯᔅ ᐅᒥᒋᑥᐅᒡ ᒋᑭ ᐸᒋᓯᓐᒡ ᑎᐱᔨᐛ ᐅᑦ ᐊᐃᐱᐛᒡ, ᒪᒂᒡ ᓂᔾ ᐊ ᒋᑎᓯᒧᔭᓐ᙮ |
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
Wycliffe Bible Translators, Inc.