ᑎᐱᑦ ᐅᓂᑭᒧᐅᓇ 14 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ1 ᐅᒥᒐᑎᓯᐤ ᒋ ᐃᔅᒋᔄᐤ ᐅᑕᐃᒡ, “ᓇᒪ ᑕᐤ ᒋᓴᒪᓂᑐᐤ᙮” ᐅᒥᒐᑎᓯᐅᒡ ᒋ ᐃᑐᑎᒧᒡ ᑲ ᐃᐸᓯᓇᒂᓂᔨᒋ ᐃᑐᐅᓇ, ᓇᒪ ᑕᐤ ᐊᐛᓐ ᑲ ᒥᔪᑐᑕᐧᒃ᙮ 2 ᑎᐸᔨᒋᒐᓱᐤ ᒋᒋᒋᓯᑯᒡ ᒋ ᐅᒋ ᑭᓄᐛᐱᒥᒪᐤ ᐃᔪᐛ ᐅᑦ ᐊᐛᓯᒥᓱᐛᐛ, ᒐᒋ ᐛᐸᑕᐧᒃ ᒧᔭᒻ ᐊ ᑕᐃᒂᓂ ᐊᐛᔪᐛ ᐊ ᓂᔅᑐᑎᒥᔨᒋ, ᑭᔭ ᐊ ᓇᓂᑐᐛᔨᒪᔨᒋ ᒋᓴᒪᓂᑐᐛ᙮ 3 ᒥᓯᐛ ᒋ ᐱᔅᒐᐅᒡ; ᒥᓯᐛ ᓇᔅᒡ ᒋ ᐊᑎ ᐅᓂᓯᓄᐅᒡ: ᓇᒪᑕᐤ ᐊᐛᓐ ᑲ ᒥᔪᑐᑕᐧᒃ, ᓇᒪᐎᔾ, ᓇᒪ ᐛᐛᒡ ᐸᐃᒄ᙮ 4 ᒥᓯᐛ ᑲ ᒥᒐᑎᓯᒡ ᓇᒪ ᐊ ᐅᓂᔅᑐᑎᒧᓄᐅᒡ ? ᑲ ᒧᐛᒡ ᓂᑦ ᐃᔨᒪ ᐊ ᐃᓯ ᒧᐛᒡ ᐸᒂᓯᑭᓇ, ᐊᑲ ᑭᔭ ᓇᓂᑐᐛᔨᒪᒡ ᑎᐸᔨᒋᒐᓱᐛ᙮ 5 ᐊᑯᑕ ᓇᔅᒡ ᓯᔭᒋᓯᒡ: ᐛᔅ ᒋᓴᒪᓂᑐᐤ ᐎᒋᒪᐤ ᐅᑯᐃᔅᑯᑕᑎᓯᐛ᙮ 6 ᔅᒋ ᓴᒂᔨᒧᐃᑯᐛᓇᐛᐤ ᐅᑭᒐᔅᒋᒧᐛᐅᓄᐛᐤ ᑲ ᒋᔅᑎᒪᑎᓯᒡ, ᐊ ᐊᔅᐸᔨᒧᑐᑐᐛᒡ ᑎᐸᔨᒋᒐᓱᐛ᙮ 7 ᐅ, ᑭᒪ ᐃᔅᕋᐃᓪ ᐅᐱᒪᒋᐃᑯᓯᐅᓐ ᓴᐃᔭᓂᒡ ᐅᒋᐱᔨᒡ ! ᐃᔅᐱ ᑎᐸᔨᒋᒐᓱᐤ ᐸᒋ ᒋᐛᑕᐊᒐ ᑲ ᒪᒪᒋᑯᓇᑭᓄᐎᔨᒋ ᐅᑦ ᐃᔨᒪ, ᒐᑭᑉ ᒋᑭ ᒥᔽᔨᑎᒻ, ᑭᔭ ᐃᔅᕋᐃᓪ ᒋᑭ ᓯᒋᔭᓯᐤ᙮ |
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
Wycliffe Bible Translators, Inc.