ᑎᐱᑦ ᐅᓂᑭᒧᐅᓇ 138 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

Psalm 138 (Epiphany-5 Year C)

¹ ᒋᑭ ᒪᒥᒋᒥᑎᓐ ᒥᓯᐛ ᓂᑕᐃᒡ: ᐅᑎᔅᑯᐤ ᒥᓂᑐᐅᒡ ᐊ ᓂᑭᒧᔭᓐ ᒋᑭ ᒪᒥᒋᒥᑎᓐ᙮

² ᓂᑭ ᐅᒋᒋᐧᑯᓂᐱᔅᑕᓐ ᒋ ᐸᔭᒋ ᒋᓴᐊᔭᒥᐊᐅᒋᐛᑉ, ᑭᔭ ᓂᑭ ᒋᔅᑕᑐᑕᓐ ᒋᑦ ᐃᓯᓂᐧᑲᓱᐅᓐ ᒋ ᓴᒋᐃᐛᐤ ᒋᓴᐛᑎᓯᐅᓐ ᑭᔭ ᒋᑕᑈᐅᓐ ᐅᒡ: ᐛᔅ ᒋ ᒋᐧᑲᔭᑐᑕᓐ ᒋᑦ ᐃᔨᒧᐅᓐ ᐃᔅᐱᔅ ᒥᓯᐛ ᒋᑦ ᐃᓯᓂᐧᑲᓱᐅᓐ᙮

³ ᐊᓐ ᒐᓯᑲᒡ ᐃᔅᐱ ᑲ ᒪᑕᑕᓐ ᔅᒋ ᓂᔅᑯᒥᓐ, ᑭᔭ ᔅᒋ ᒥᔅᑯᐧᓯᔨᓐ ᓂᑦ ᐊᒐᐧᑯᒡ ᒥᔅᑯᐅᓯᐅᓐ ᐅᒋ᙮

⁴ ᒥᓯᐛ ᒋᓴᐅᒋᒪᐅᒡ ᐊᔅᒋᒡ ᒋᑭ ᒪᒥᒋᒥᑯᒡ, ᐅ ᑎᐸᔨᒋᒐᓱᐤ, ᐃᔅᐱ ᐸᑕᒂᐛ ᒋᑦ ᐃᔨᒧᐅᓇ ᒋᑐᓂᒡ ᑲ ᐅᒋᐱᔨᒋ᙮

⁵ ᓂᐦᐃ, ᒋᑭ ᓂᑭᒧᐅᒡ ᐅᑦ ᐃᓯᑥᐅᓂᔨᒡ ᑎᐸᔨᒋᒐᓱᐛ: ᐛᔅ ᒋᒋᐃᑕᔨᑕᑯᓂᔪᐤ ᐅᒋᔅᑕᔨᑕᑯᓱᐅᓐ ᑎᐸᔨᒋᒐᓱᐤ᙮

⁶ ᐊᑎ ᐊ ᒋᔅᑎᓯᑦ ᑎᐸᔨᒋᒐᓱᐤ, ᐃᔭᐱᒡ ᐱᔅᒐᔨᒪᐤ ᑲ ᑎᐱᑕᔨᒥᓱᔨᒋ: ᒪᒃ ᐅᒋᔅᑕᔨᒧᐛ ᐛᔪᐤ ᐅᒋ ᒋᔅᒐᔨᒪᐤ᙮

⁷ ᐊᑎ ᑕᑕᐅᒡ ᐊᔨᒥᓯᐅᓂᒡ ᐱᒧᑕᔭᓐ, ᒋᑭ ᒋᓯᐎᓯᔨᓐ: ᒋᑭ ᓱᐅᓂᔅᒐᔨᔅᑕᒺᓐ ᐅᑦ ᐊᐧᑯᔪᐛᓱᐅᓄᐛᐤ ᑲ ᐛᐧᑲᓯᒡ, ᑭᔭ ᒋᒥᔪᐅᓐ ᓂᑭ ᐱᒪᒋᐃᑯᓐ᙮

⁸ ᑎᐸᔨᒋᒐᓱᐤ ᒋᑭ ᒋᔅᑕᐤ ᑲ ᐃᓯ ᓂᑐᐛᔨᑕᑯᓱᐅᒡ: ᒋᔅᑎᒪᒐᔨᒋᒐᐅᓐ, ᐅ ᑎᐸᔨᒋᒐᓱᐤ ᑲᒋᒡ ᐱᒥᐱᔪᐤ: ᐊᑲᐎᔾ ᐛᐱᓇ ᒋᑦ ᐊᑐᔅᒐᐅᓐ ᑎᐱᔨᐛ ᒋᑎᒋᒡ᙮